Խորանարդային համակարգ

Խորանարդային համակարգ, բյուրեղագիտական համակարգ։ Խորանարդային համակարգին բնորոշ է բարձր կարգի համաչափության մի քանի առանցքի և երկրաչափական հաստատունների (${\displaystyle a=b=c,\alpha =\beta =\gamma =90}$°) առկայությունը։

Պիրիտի խորանարդային երեք բյուրեղով հանքանյութ։

Խորանարդային պարզագույն համակարգի համակարգչային մոդելը։

Ստորաբաժանվում է համաչափության 5 դասի՝

• տրիտետրաէդրային
• դիդոդեկաէդրային
• հեքսատետրաէդրային
• տրիօկտաէդրային
• հեքսաօկտաէդրային։

Խորանարդային համակարգն ունի 15 բյուրեղագիտական պարզ ձև։ Որպես միավոր նիստ ընդունվում է օկտաէդրի կամ տետրաէդրի նիստը։ Խորանարդային համակարգին են պատկանում ալմաստը, ոսկին, սֆալերիտը, գալենիտը, ցինկի, բարիումի, կապարի նիտրատները, նատրիումի քլորիդը և այլն։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 86)։