Մի խելագարի պատմություն (ֆիլմ)

Մի խելագարի պատմություն (ֆր.՝ Une Histoire de fou), ֆրանսահայ ռեժիսոր Ռոբեր Կետիկյանի ֆիլմը Հայոց ցեղասպանության մասին^[5]։ Ֆիլմը ցուցադրվել է Կաննի կինոփառատոնի և Ոսկե ծիրանի^[6] արտամրցութային ծրագրերում։

Մի խելագարի պատմություն ֆր.՝ Une histoire de fou
Երկիր	Ֆրանսիա
Ժանր	դրամա[1]
Թվական	2015
Լեզու	ֆրանսերեն
Ռեժիսոր	Ռոբեր Կետիկյան
Պրոդյուսեր	Ռոբեր Կետիկյան
Սցենարի հեղինակ	Ռոբեր Գեդիգյան Գիլ Տորան
Դերակատարներ	Արիան Ասկարիդ[2], Գրեգուար Լեպրենս-Ռենգե[2], Սիմոն Աբգարյան[2], Ռազանե Ջամալ[2] և Սերժ Ավետիքյան[2]
Երաժշտություն	Ալեքսանդր Դեպլա Հնչյունը` Լորան Լաֆրան
Պատմվածքի վայր	Փարիզ
Նկարահանման վայր	Լիբանան[3], Հայաստան և Ֆրանսիա[4]
Կինոընկերություն	Agat Films & Cie Production 52, rue Jean-Pierre Timbaud 75011 Paris, France
Տևողություն	134 րոպե
Թրեյլեր	https://www.youtube.com/watch?v=x8m31Q0Od4g

Սյուժե

Ֆիլմը երիտասարդ մարսելցի Արամի մասին է, ով Փարիզում պայթեցնում է Թուրքիայի դեսպանի ավտոմեքենան, որի հետևանքով ծանր վիրավորվում է ավտոմեքենայի կողքով անցնող երիտասարդ հեծանվորդը։ Արամը փախչում է Բեյրութ և միանում 80-ականներին գործող Արևմտյան Հայաստանի ազատագրման շարժմանը, իսկ նրա մայրը ներողություն է խնդրում հեծանվորդ Ժիլից՝ ամբողջ հայ ազգի անունից^[7][8]։

Դերերում

• Հովհաննես՝ Սիմոն Աբգարյան
• Անուշ՝ Արիան Ասկարիդ
• Ժիլ՝ Գրեգուար Լեպրենս Ռինգե
• Արամ՝ Սայրուս Շահիդի
• Անահիտ՝ Ռազանե Ջամալ
• Սողոմոն Թեհլերյան՝ Ռոբինսոն Սթեվենին
• Արսինե՝ Սիրո Ֆազիլյան
• Վահե՝ Ամիր էլ Կասեմ
• Արմենակ՝ Սերժ Ավետիքյան

Մեջբերումներ

Գետիկյանը հետաքրքիր անդրադարձ է անում Հայ դատի առանցքային տարեթվերին։ Նա պատկերում է իրադարձություններ, որոնք սկսվում են 1915 թվականի հայոց ցեղասպանությունով և ավարտվում են 80-ականներին հայերի զինված պայքարով։ Նա դիմում է դրանց, որպեսզի տարիներ հետո ավելի լավ մատնանշի թուրքական պետության պատասխանատվությունը։ Նա դա անում է ընտանեկան դիմանկար կերտելու միջոցով` սկսած Թուրքիայից փախած տատիկից և վերջացրած զինված պայքարում մասնակցող թոռով։ Այսպիսով նա ստեղծել է քաղաքական ու միաժամանակ գեղարվեստական հուզիչ ու հետաքրքիր մի ֆիլմ։ - Ֆրանս Լեորան

Ֆիլմի հարցում ինձ ոգեշնչել է իսպանացի հայտնի գրող և լրագրող Խոսե Գուրիարանի կյանքն ու գործունեությունը, որն արտացոլված է նրա ինքնակենսագրական «La Bomba» գրքում։ Դա ինձ տվեց ֆիլմի բանալին և 100 տարվա պատմության մեջ թափանցելու մի տեսանկյուն։ Ես զգում էի, որ պարտավոր եմ, պատասխանատու եմ նկարել այս ֆիլմը։ Ինձ թվում է, որ կինոգործիչները, մտավորականները, կարծիք ձևավորող լիդերները պատասխանատություն են կրում։ Ինձ համար կարևոր էր, որ այս ֆիլմն ստեղծվեր հենց այս պահին, քանի որ սա ոչ միայն Հայոց ցեղասպանության 100-ամյակն է, այլև Թուրքիայի պետության կողմից չընդունելու, ժխտելու 100-ամյակը։ - Ռոբեր Գետիկյան