Լևոն Թյությունջյան

Լևոն Թյությունջյան (մարտի 15, 1906(1906-03-15)^[1], Ամասիա, Թուրքիա - դեկտեմբերի 1, 1968(1968-12-01)^[1][2][3], Փարիզ), հայ նկարիչ։

Լևոն Թյությունջյան
Ի ծնե	Լևոն Թյությունջյան
Ծնվել է	մարտի 15, 1906(1906-03-15)[1]
Ծննդավայր	Ամասիա, Թուրքիա
Վախճանվել է	դեկտեմբերի 1, 1968(1968-12-01)[1][2][3] (62 տարեկան)
Մահվան վայր	Փարիզ
Քաղաքացիություն	Ֆրանսիա և  Օսմանյան կայսրություն
Կրթություն	Սուրբ Ղազար կղզի և Փարիզի Գեղեցիկ արվեստների ազգային բարձրագույն դպրոց
Մասնագիտություն	նկարիչ, գծանկարիչ և խեցեգործ
Ոճ	սյուրռեալիզմ և աբստրակցիոնիզմ
Լևոն Թյությունջյան Վիքիդարանում

Կենսագրություն

Լևոն Թյությունջյանը ծնվել է Արևմտյան Հայաստանի Սեբաստիա նահանգի Ամասիա քաղաքում մանկավարժների ընտանիքում։

• 1923 թվականից հաստատվել է Փարիզում
• 1929 թվականից Թյությունջյանը սկսում է ստեղծագործել սյուրռեալիզմի շրջանակներում։ Այս ուղղությանը հարող մի քանի արվեստագետների՝ Հելիոնի, Վանցի ու Քարսլուի հետ հիմնում է այդ շրջանում նորաձև և բնականոն երևույթ դարձած գեղագիտական-գեղարվեստական խումբ
• 1930 թվականից Թյությունջյանը հայտնի արդի նկարիչներ Արփի, Գլեյզի, Ջակոմետտիի, Հերբենի, Դելոնեի ու շատ այլ հանրաճանաչ դեմքերի հետ հիմնում է «Վերացապաշտություն և ստեղծում» շարժումը
• 1950-ական թվականներից զբաղվել է խեցեգործությամբ, արժանացել միջազգային մրցանակների

Գործերից պահվում են Հայաստանի ազգային պատկերասրահում, արտասահմանյան թանգարաններում^[4]։

Ստեղծագործություններ

Ֆրանսիայի նոր արվեստի ստեղծողներից է, գերիրապաշտական ուղղության ներկայացուցիչներից։ Ստեղծել է հիմնականում նատյուրմորտներ և դիմանկարներ, որոնք աչքի են ընկնում պլաստիկայի նուրբ զգացողությամբ ու կառուցվածքի խորիմաստությամբ։

«Դեղին դիմակ» և «Կարմիր դիմակ» աշխատանքները, որոնք Հայոց Ցեղասպանության ժամանակ տիրող սարսափի, արյունահեղության, կորստի, ապա դատարկության և հայրենիքի նկատմամբ կարոտի զգացումների մարմնացումն են։

• «Նատյուրմորտ», 1940^[5]
• «Սեղան և աթոռ», 1940
• «Դիմանկար», 1925^[6]
• «Կոմպոզիցիա», 1967^[7]
• «Կոմպոզիցիա»^[8]

Ցուցահանդեսներ

1925 թվականին անհատական ցուցահանդես է ունեցել Փարիզում։