Լանքասթեր

Լանքասթեր (անգլ.՝ Lancaster, լատին․՝ Lancastria), քաղաք Մեծ Բրիտանիայի հյուսիս-արևմուտքում՝ Անգլիա երկրամասի Լանքաշիր կոմսությունում, որի առավել նշանակալի բնակավայրն է համարվում^[1]։ Մինչև 1974 թվականը եղել է այդ կոմսության վարչական կենտրոնը։ Ընկած է Իռլանդական ծովի և նրա մեջ թափվող Լան գետի ափերին։ Բնակչության թվաքանակը 2011 թվականի մարդահամարի տվյալներով եղել է 52․234^[2]։ Բնակավայրն առաջին անգամ հիշատակվել է 1086 թվականին, «Ահեղ դատաստանի օրվա գիրք» («Domesday Book ») վերնագրով հայտնի ձեռագիր մատյանում^[3], Loncastre անվանումով, որտեղ Lon-ը Լան գետի անվանումն է, castre-ն՝ հին անգլերեն cæster-ը կամ լատիներեն castrum-ը՝ բերդ, ռազմական ճամբար նշանակությամբ^[4][5]։ Ըստ ավանդազրույցի՝ քաղաքը կառուցվել է հին հռոմեական լքված ճամբարի տեղում։

Քաղաք
Լանքասթեր
անգլ.՝ Lancaster, լատին․՝ Lancastria
Զինանշան
Երկիր	Միացյալ Թագավորություն
Կոմսություն	ԼանքաշիրԼանքաշիր
Համայնք	Lancaster?
Առաջին հիշատակում	1086
ԲԾՄ	9 մետր
Պաշտոնական լեզու	անգլերեն
Բնակչություն	46 000 մարդ (2004)
Ժամային գոտի	UTC+0, ամառը UTC+1
Հեռախոսային կոդ	+44 1524
Փոստային ինդեքս	LA1
Փոստային դասիչ	LA1
Լանքասթեր (Միացյալ Թագավորություն)
Լանքասթեր Վիքիպահեստում

Լանքասթերի նավահանգիստը կարևոր դեր է խաղացել դեպի նոր հայտնաբերված Ամերիկա աշխարհամաս առաջին ուղևորությունների իրագործման, ստրուկների վաճառքի կազմակերպման, արդյունաբերական հեղափոխության ժամանակներում։

Լանքասթերի աչքի ընկնող պատմական կառույցներից են ռոմանական ոճով կառուցված ամրոցը, որը հիմնադրվել է 13-րդ դարում և հետագայում՝ Էլիզաբեթ Առաջինի օրոք զգալիորեն ընդլայնվել, միջնադարյան տաճարն ու եկեղեցին և Էշտոնի հուշահամալիրը, որը պատկերավոր կերպով անվանվում է հյուսիսային Թաջ Մահալ։

Լանքասթերյան տունը անգլիական թագավորական ընտանիքի մի ճյուղն է համարվում։ Այսօր էլ Լանքասթերի դքսությունն ընդգրկում է ընդարձակ կալվածքներ, որոնք պատկանում են Լանքասթերի դուքս հանդիսացող Չարլզ 3-րդին։

Քաղաքում զարգացած են մետաղագործությունը, քիմիական արդյունաբերությունը, գործվածքեղենի, կոշկեղենի, կահույքի արտադրությունը^[6]։ Գործում է Լանքասթերի համալսարանը։ Այստեղ է գտնվում նաև Քումբրիայի համալսարանի կամպուսներից մեկը։

Քույր քաղաքներ

•  Perpignan Méditerranée Métropole?, Ֆրանսիա (1962)
•  Rendsburg?, Գերմանիա (1968)
•  Ալմերե, Նիդերլանդներ
•  Լյուբլին, Լեհաստան (մայիսի 11, 1994)^[7][8]
•  Պերպինյան, Ֆրանսիա (1962)
•  Վակշյո, Շվեդիա (1996)
•  Վիանա-դու-Կաշտելու, Պորտուգալիա
•  Օլբորգ, Դանիա (1977)
•  Օլբորգ, Դանիա (1977)

Ծանոթագրություններ

1. Beckett, John (2008). «Lancaster becomes a city, 1937» (PDF). The Historic Society of Lancashire and Cheshire. 157: 5. Վերցված է 2024 թ․ մարտի 20-ին.
2. Evans, Jacqueline. «Lancashire's Population, 2011». Lancashire County Council. Արխիվացված է օրիգինալից 2014 թ․ ապրիլի 30-ին. Վերցված է 2014 թ․ ապրիլի 30-ին.
3. The Domesday Book online.
4. Eilert Ekwall, 'The Concise Oxford Dictionary of English Placenames' (1960), 4th edition, p. 285.
5. «Lancaster». opendomesday.org. Domesday Book. Վերցված է 2023 թ․ հուլիսի 28-ին.
6. encyklopedia PWN|id = 3930335|tytuł= Lancaster|data dostępu=2021-07-18
7. https://lublin.eu/lublin/wspolpraca-miedzynarodowa/miasta-partnerskie-i-zaprzyjaznione/lancaster-wielka-brytania,9116,w.html
8. https://lublin.eu/lublin/wspolpraca-miedzynarodowa/miasta-partnerskie-i-zaprzyjaznione/2,strona.html

Գրականություն

• Shotter, David (2001), «Roman Lancaster: Site and Settlement», A History of Lancaster, Edinburgh: Edinburgh University Press, էջեր 3–31, ISBN 0-7486-1466-4
• White, Andrew (2001), «Continuity, Charter, Castle and County Town, 400–1500», A History of Lancaster, Edinburgh: Edinburgh University Press, էջեր 33–72, ISBN 0-7486-1466-4

Արտաքին հղումներ

• Քաղաքապետարանի կայքէջը
• Ordnance survey map of Lancaster circa 1890
• Regional Europe - Lancaster
• Visit Lancaster Website – Tourism Website for Lancaster
• A Virtual Tour of Lancaster - from Lancaster Archaeological and Historical Society
• «Mackreth's 1778 Plan of Lancaster» – via Lancaster Archaeological and Historical Society.

Վիքիպահեստն ունի նյութեր, որոնք վերաբերում են «Լանքասթեր» հոդվածին։