ամերիկացի դերասանուհի From Wikipedia, the free encyclopedia
Լայզա Ռեբեկա Վայլ (անգլ.՝ Liza Rebecca Weil, հունիսի 5, 1977, Փասայք), ամերիկացի դերասանուհի, առավել հայտնի է WB/CW հեռուստաալիքի թողարկած «Գիլմորի աղջիկներ» հեռուստասերիալում Փերիս Գելերի դերով և ABC-ի թողարկած «Ինչպես խուսափել սպանության համար պատժից» հեռուստասերիալում Բոննի Ուինթերբոթոմի դերով։
| Լայզա Վայլ | |
|---|---|
.jpg) | |
| Ծննդյան թիվ՝ | հունիսի 5, 1977 (47 տարեկան) |
| Ծննդավայր՝ | Փասայք |
| Քաղաքացիություն՝ |  ԱՄՆ |
| Մասնագիտություն՝ | դերասանուհի, կինոդերասանուհի և հեռուստատեսային դերասանուհի |
| IMDb։ | ID 0917962 |
Վայլը ծնվել է Նյու Ջերսիի Պասաիկ քաղաքում, դերասանական ընտանիքում[1]։ Երբ նրա ընտանիքն ապրում էր Փենսիլվանիայի փոքրիկ քաղաքում (Ֆիլադելֆիայի տակ), Վայլը, հետևելով ծնողներին, սկսել է մանկական դերեր խաղալ տեղական թատրոնում[2]։ Այնուհետև նա սկսել է անցնել Նյու Յորքի լսարաններով և դերեր է ստացել նաև թատրոնից դուրս ներկայացումներում։ Ավարտելով Կոլումբիայի համալսարանը՝ նա իր կարիերան սկսել է թատրոնում, ինչպես նաև պարբերաբար նկարահանվել է ֆիլմերում[3][4][5]։ Վայլը հայտնի է դարձել Փերիս Գելերի դերի շնորհիվ «Գիլմորի աղջիկներ» հեռուստասերիալում, որտեղ նա նկարահանվել է 2000-2007 թվականների ընթացքում[6][7]։
«Գիլմորի աղջիկներ» հեռուստասերիալի ավարտից հետո Վայլի կարիերան շարունակվել է տարբեր սերիալներում հյուրային դերերով։ Շոնդա Ռեյմսի «Կրքի անատոմիա» և «Մասնավոր պրակտիկա» հեռուստասերիալներում հայտնվելուց հետո Վեյլը երկրորդական դեր է ստացել իր «Սկանդալ» սերիալի առաջին եթերաշրջանում[8][9]։ 2014 թվականին Վայլը մշտական դեր է ստացել Շոնդա Ռեյմսի ևս մեկ սերիալում, «Ինչպես խուսափել սպանության համար պատժից»[10][11][12][13]։
Վայլը ձախլիկ է և ի ծնե եղել է թխահեր[14][15]։
2006 թվականի նոյեմբերին Վայլը ամուսնացել է դերասան Փոլ Ադելշտեյնի հետ հրեական ռեֆորմացիայի արարողության ժամանակ[16]։ Նախկինում նրանք միմյանց ճանաչել են թատերական նախագծերով[17]։ Զույգը 2010 թվականի ապրիլին ունեցել է դուստր[18][19]։ Վայլը Ադելշտեյնից պահանջել է ապահարզան 2016 թվականի մարտին՝ վկայակոչելով անհաշտ տարաձայնությունները[20]։ Ամուսնալուծությունը ձևակերպվել է 2017 թվականի նոյեմբերին[21]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
