Իրինա Էդուարդի Մալխասյան (հունվարի 1, 1954, Երևան, Հայկական ԽՍՀ, ԽՍՀՄ), հայ անեսթեզիոլոգ-ռեանիմատոլոգ։ Բժշկական գիտությունների դոկտոր (2004), պրոֆեսոր (2006)։
 | |
|---|---|
| Ծնվել է | հունվարի 1, 1954 (70 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Երևանի Մխիթար Հերացու անվան Պետական Բժշկական Համալսարան (1978) |
| Մասնագիտություն | բժիշկ, անեսթեզիոլոգ-ռեանիմատոլոգ |
| Գիտական աստիճան | բժշկական գիտությունների դոկտոր (2004) և պրոֆեսոր (2006) |
| Ծնողներ | հայր՝ Էդուարդ Մալխասյան |
Էդուարդ Մալխասյանի դուստրը։
Իրինա Մալխասյանը ծնվել է 1954 թվականին Երևանում։ 1978 թվականին ավարտել է Երևանի բժշկական ինստիտուտը։ 1984-1986 թվականներին աշխատել է ԽՍՀՄ բժշկական գիտությունների ակադեմիայի Մոսկվայի Բակուլևի անվան սիրտանոթային վիրաբուժության համամիութենական, Վիլնյուսի, Կիևի սիրտանոթային վիրաբուժության գիտական կենտրոններում, 1987 թվականից՝ «Էրեբունի» բժշկական կենտրոնում, 1998 թվականից, միաժամանակ՝ Երևանի պետական բժշկական համալսարանում, Երևանի № 2 բուժմիավորման անեսթեզիոլոգիայի և ռեանիմատոլոգիայի բաժանմունքի ղեկավար[1]։
Աշխատանքները վերաբերում են թոքերի արհեստական օդափոխության օժանդակ եղանակներին և շնչառական դիսթրես-համախտանիշի ու տարբեր ծագման շնչառական անբավարարության բուժմանը, սահմանային վիճակների բժշկական կառավարման սկզբունքներին։ Համահեղինակ է ուսումնական ձեռնարկների[1]։
- ՀՀ անեսթեզիոլոգների և ռեանիմատոլոգների ընկերակցությունների փոխնախագահ, 1977-2002 թթ,
- 2004 թվականից Ամոքիչ բուժման և ցավի բուժման հայկական ընկերակցության փոխնախագահ,
- 2000 թվականից Միջազգային ակադեմիական միության անդամ,
- 2000 թվականից ԱՊՀ երկրների միջազգային խորհրդի շնչառական հիվանդությունների բուժման գծով ընկերակցության անդամ,
- 2015 թվականից ԵՊԲՀ հիմնադրամի հոգաբարձուների խորհրդի անդամ,
- 2011 թվականից ԵՊԲՀ-ի գիտակոորդինացիոն խորհրդի անդամ,
- ՀՀ ԱՆ մոր և մանկան առողջյության պահպանման վարչական խորհրդի անդամ,
- ՀՀ վնասվացքաբանության և օրթոպեդիայի գիտական կենտրոնում գիտական խորհրդի անդամ,
- Միջազգային ակադեմիական միության իսկական անդամ,
- Եվրոպական անեսթեզիոլոգների ասոցիացիայի / European Society of Anesthesiology (ESA) անդամ[2]։
- Малхасян Ирина Эдуардовна. Применение методов искусственной вспомогательной вентиляции легких в лечении дыхательной недостаточности различного генеза: дис... д-ра мед. наук: 14.00.20 / Ереванский гос. медицинский ун-т им. Мхитара Гераци. - Ереван, 2004.
142 այլ տպագրված գիտական աշխատանքների հեղինակ և համահեղինակ է[3]։
- 1995 թվականին ինտենսիվ թերապիայի ասպարեզում նվաճումների հանար պարգևատրվել է «HENRI MONDOR» ոսկե մեդալով (Ֆրանսիա, Փարիզ)
- 2015 թվականին պարգևատրվել է պետական «Մխիթար Հերացի» մեդալով
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
