From Wikipedia, the free encyclopedia
Մորան Մոր Իգնատիոս Եփրեմ Երկրորդ (արամեերեն՝ ܐܝܓܢܐܛܝܘܣ ܐܦܪܝܡ ܬܪܝܢܐ ܟܪܝܡ, մայիսի 3, 1965, Ալ-Կամիշլի, Ալ-Կամիշլիի շրջան, Ալ-Կամիշլիի գավառ, Ալ-Հասաքայի մարզ, Սիրիա), Ասորի Ուղղափառ եկեղեցու պետ և Անտիոքի և համայն Արևելքի պատրիարք (2014 թ. մարտի 31-ից)։
Իգնատիոս Եփրեմ Երկրորդ | |
---|---|
![]() | |
Ծնվել է | մայիսի 3, 1965 (59 տարեկան) |
Ծննդավայր | Ալ-Կամիշլի, Ալ-Կամիշլիի շրջան, Ալ-Կամիշլիի գավառ, Ալ-Հասաքայի մարզ, Սիրիա |
Քաղաքացիություն | ![]() |
Կրոն | Արևելյան ուղղափառ եկեղեցիներ |
Կրթություն | Coptic Theological and Clerical College? (1988) և St Patrick's College? (1994) |
Գիտական աստիճան | աստվածաբանության դոկտոր (1994) |
Մասնագիտություն | քահանա |
Զբաղեցրած պաշտոններ | Syriac Patriarch of Antioch? |
![]() |
1977 թ. ընդունվել է Լիբանանի Աչանե քաղաքի Սուրբ Եփրեմի անվան աստվածաբանական սեմինարիան։
1982-84 թթ. ծառայել է Հալեպի թեմում։
1984-88 թթ. սովորել և ավարտել է Կահիրեի Ղպտի աստվածաբանական ճեմարանը՝ աստվածաբանության բակալավրի աստիճանով։
1985 թ. դարձել է վանական և Եգիպտոսում ձեռնադրվել սարկավագ։ Նույն տարում ձեռնադրվել է կուսակրոն քահանա։
1988-89 թթ. եղել է հանուցյալ Պատրիարք Մորան Մոր Զակկա I Իվասի քարտուղարը և որպես ուսուցիչ ծառայել Դամասկոսի Սուրբ Եփրեմի անվան աստվածաբանական ճեմարանում։
1991 թ. ընդունվել է Մայնութի Սուրբ Պատրիկի անվան քոլեջ (Իռլանդիա)։
1992 թ. քոլեջում ստացել է «Սրբազան Աստվածաբանության» աստիճանի լիցենզիա։
1994 թ. «Խաչի խորհրդաբանությունը վաղ ասորական քրիստոնեության մեջ» թեմայի վերաբերյալ դոկտորական թեզ պաշտպանելուց հետո ստացել է աստվածաբանության դոկտորի աստիճան։
Այս ընթացքում նա իր ծառայությունն է բերել նաև Լոնդոնում որպես Ասորի Ուղղափառ Եկեղեցու փոխառաջնորդ։
1996 թ. հունվարի 2-ին օծվել է եպիսկոպոս և ստացել Մոր Կիրիլ եպիսկոպոսական անունը՝ նշանակվելով նորաբաց Ասորի Ուղղափառ Եկեղեցու Միացյալ Նահանգների Արևելյան թեմի Պատրիարքական Փոխանորդ։
1996 թ. մարտի 2-ին մեկնել է Միացյալ Նահանգներ և պաշտոնապես հաստատվել իր պաշտոնին Նյու Ջերսիի Սբ. Մարկոսի տաճարում։
1991 թ. սկսած մասնակցել է Եկեղեցիների Համաշխարհային Խորհրդի, ինչպես Կենտրոնական, այնպես էլ Գործադիր Կոմիտեներին՝ իբրև Ասորի Ուղղափառ Եկեղեցու պատվիրակության անդամ։ Նա նաև անդամակցել է ԱՄՆ-ի՝ Քրիստոսի Եկեղեցիների Ազգային Խորհրդի Գործադիր և Ղեկավար մարմինների աշխատանքներին։ Որպես համանախագահ՝ իր ծառայությունն է բերել Արևելյան Ուղղափառ Եկեղեցիների կոնֆերանսում։
Մոր Կիրիլը կարևոր դեր է խաղացել նաև նոր հիմնադրված «Քրիստոնեական Եկեղեցիները Միասին» էկումենիկ նոր մարմնի ստեղծման գործում։
2014 թ. մարտի 31-ին Ինատիոս Զակա II-ի մահից հետո Ասորի Ուղղափառ Եկեղեցու Սինոդը Մոր Կիրիլին ընտրել է Անտիոքի և Համայն Արևելքի Պատրիարք և Ասորի Ուղղափառ Եկեղեցու Պետ։
Գահակալության արարողությունը տեղի է ունեցել 2014 թ. մայիսի 29-ին։
Հայ և ասորի եկեղեցիները համագործակցում են՝
Ներկայիս պատրիարքը բարեկամական հարաբերություններ ունի Հայ եկեղեցու սպասավորների հետ։ Նա 2001 թ. որպես Ասորի Ուղղափառ եկեղեցու ներկայացուցիչ Քրիստոնեության ընդունման 1700-ամյակի միջոցառումների շրջանակներում եղել է Հայաստանում։ 2011 թ. ներկա է եղել Մայր Աթոռում տեղի ունեցած եպիսկոպոսական ձեռնադրությանը։ 28 Յունիս 2014 թ. այցելել է Մեծի Տանն Կիլիկիո Կաթողիկոսություն։ 2014 թ. հոկտեմբերի 10-ին Իգնատիուս Եփրեմ Երկրորդը Ամենայն Հայոց Կաթողիկոսի հրավերով եղբայրական եռօրյա այցով ժամանել է Հայաստան՝ ուղեկցությամբ Տրիպոլիի և Լեռնային Լիբանանի արքեպիսկոպոս, Ս. Սինոդի գլխավոր քարտուղար Մոր Թեոփիլոս Սալիբայի, Հոմսի արքեպիսկոպոս Մոր Սիլվանոս Բուտրոս ալ Նեհմեհի, պատրիարքական քարտուղար Մոր Տիմոթեոս Մաթթա ալ Խուրիի, Հայր Կարլոս Բաբիի և Հայր Ջոզեֆ Բալիի։ Այցի շրջանակներում Ամենայն Հայոց Կաթողիկոսը և Անտիոքի և Համայն Արևելքի Պատրիարքը Ծիծեռնակաբերդի հուշահամալիրում կատարել են հոգեհանգիստ հայ և ասորի նահատակների համար։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.