Թոմաս Իեն Նիկոլաս

Թոմաս Իեն Նիկոլաս (անգլ.՝ Thomas Ian Nicholas, հուլիսի 10, 1980(1980-07-10)^[1], Լաս Վեգաս Վելլի, Քլարկ շրջան, Նևադա, ԱՄՆ), ամերիկացի դերասան, պրոդյուսեր, ռեժիսոր, սցենարիստ, երգիչ։ Հանդիսատեսին հայտնի է «Ալադինի ապարանքի առաջին ասպետը», «Ամերիկյան կարկանդակ», «Ամերիկյան կարկանդակ 2», «Ամերիկյան կարկանդակ 3. Հարսանիք» և «Արթուր թագավորի ապարանքի առաջին ասպետը» ֆիլմերից։

Թոմաս Իեն Նիկոլաս
Ծնվել է	հուլիսի 10, 1980(1980-07-10)[1] (44 տարեկան)
Ծննդավայր	Լաս Վեգաս Վելլի, Քլարկ շրջան, Նևադա, ԱՄՆ
Քաղաքացիություն	ԱՄՆ
Մասնագիտություն	դերասան, կինոռեժիսոր, սցենարիստ, երաժիշտ, կինոպրոդյուսեր, երգիչ, կինոդերասան, հեռուստատեսային դերասան և կիթառահար
Ժանրեր	փոփ ռոք
Ամուսին(ներ)	DJ Colette?
Երեխա(ներ)	Nolan Nicholas?
tinicholas.com

Վաղ տարիներ

Նիկոլասը ծնվել է Նևադայի Լաս Վեգաս քաղաքում։ Մայրը՝ Մարլան, պրոֆեսիոնալ պարուհի էր և ադմինիստրատոր դպրոցում^[2][3]։ Ունի գերմանական, իռլանդական, անգլիական և իտալական ծագում։ Ընտանիքում 6 քույր և եղբայր են։

Կարիերա

Նիկոլասը հայտնի է Rookie of the Year (1993) և Ամերիկյան կարկանդակ (1999) ֆիլմերում խաղացած դերերով։ Նա հանդես եկավ «Ամերիկյան կարկանդակ»-ի ֆրենչայզի 4 թատերական ֆիլմերում՝ խաղալով Քևին Մայերսի դերը, խաղաց նաև Ֆրենկ Սինատրա կրտսերի դերը «Stealing Sinatra» ֆիլմում, նաև «Հելոուին․ հարություն» ֆիլմի գլխավոր դերակատարներից մեկն էր։ 2009 թվականին «Քրեքթաունի ուրախ կյանքը» ֆիլմում կատարեց նորակոչիկ ոստիկանի դերը^[4]։ Խաղաց Յուջինի դերը Նիկոլ Հոլոֆսեների «Խնդրում եմ տուր» ֆիլմում, որը 2011 թվականին ստացավ Indie Spirit Robert Altman մրցանակը^[5]։ «Չիկագո 8» ֆիլմում կատարեց Էբի Հոֆմանի դերը։ Նա նաև հանդես եկավ ABC-ի «Grey's Anatomy» ֆիլմի դրվագներից մեկում՝ կատարելով Ջերեմիի դերը։ «Ես սկսեցի խաղալ, երբ 6 տարեկան էր։ Միշտ հաճույք եմ ստացել, երբ ստիպել եմ մարդկանց ծիծաղել, ժպտալ կամ մտածել»,- ասում է նա։

Նիկոլասը 2008 թվականի հունվարի 15-ին թողարկեց իր դեբյուտային ալբոմը՝ «Without Warning»-ը^[6], իսկ 2009 թվականի փետրվարի 28-ին՝ «Without Warning Acoustic», 2010 թվականի հունիսի 1-ին՝ «Heroes Are Human» ալբոմները։ Նրա 4-րդ ալբոմը մինի ալբոմ է, որը թողարկվել է 2012 թվականի մարտի 20-ին, որի առաջին՝ «My Generation» սինգլը ներառված է նաև «American Reunion» ալբոմի մեջ^[7]։ Նիկոլասի 5-րդ մինի ալբոմը թողարկվել է 2014 թվականի ապրիլի 8-ին։

2015 թվականի մարտին Նիկոլասը հայտնվեց «Blues Traveler»-ի «Blow Up the Moon» ալբոմում, որտեղ «All the Way» երգի համահեղինակն էր։

2010 թվականի հունիսի 30-ին Նիկոլասը Ռիգլի մարզադաշտում կատարեց Չիկագո Քաբսի առաջին նետումը, ինչպես նաև խաղի ընդմիջմանը երգ կատարեց։ Նրան հրավիրեցին նաև 2015 թվականի հուլիսի 7-ին՝ Սենթ Լյուիս Կարդինալսի դեմ խաղին կատարելու հիմնը։

Անձնական կյանք

Նիկոլասը 2007 թվականին ամուսնացել է DJ Colette անվամբ հայտնի Կոլետ Մարինոյի հետ։ 2011 թվականին զույգն ունեցավ իրենց առաջնեկին՝ Նոլան Ռիվերին^[8]։ Դուստրը՝ Զոի Դիլանը, ծնվեց 2016 թվականի ապրիլին^[9]։

Ծանոթագրություններ

1. SNAC — 2010.
2. Thomas Ian Nicholas Biography|TVGuide.com
3. Thomas Ian Nicholas Biography (1980–)
4. Thomas Ian Nicholas
5. «Film Independent Spirit Awards – Saturday, February 26, 2011 at 10P E/P on IFC». Ifc.com. 2011 թ․ փետրվարի 26. Արխիվացված է օրիգինալից 2011 թ․ նոյեմբերի 29-ին. Վերցված է 2011 թ․ դեկտեմբերի 10-ին.
6. MySpace.com – Thomas Ian Nicholas -Album Out Now!!! – San Fernando Valley, California – Rock / Acoustic – www.myspace.com/thomasiannicholas
7. – www.tinband.com
8. «OTRC: Thomas Ian Nicholas of 'American Pie' welcomes son». Արխիվացված է օրիգինալից 2013 թ․ հոկտեմբերի 3-ին. Վերցված է 2021 թ․ հունվարի 25-ին.
9. «Thomas Ian Nicholas Welcomes Daughter Zoë Dylan». Արխիվացված է օրիգինալից 2016 թ․ ապրիլի 14-ին. Վերցված է 2021 թ․ հունվարի 25-ին.

Արտաքին հղումներ

• Thomas Ian Nicholas Band website
• Թոմաս Իեն Նիկոլաս Internet Movie Database կայքում

Վիքիպահեստն ունի նյութեր, որոնք վերաբերում են «Թոմաս Իեն Նիկոլաս» հոդվածին։