Էլֆրի Վուդարդ

Էլֆրի Վուդարդ (անգլ.՝ Alfre Woodard, նոյեմբերի 8, 1952(1952-11-08)^[1][2], Թալսա), ամերիկացի դերասանուհի, պրոդյուսեր և հասարակական գործիչ։ Իր կարիերայի ընթացքում Վուդարդն ստացել է չորս «Էմմի» մրցանակ, ԱՄՆ-ի Կինոդերասաների գիլդիայի երեք մրցանակ, «Ոսկե գլոբուս» մրցանակ, ինչպես նաև` 1984 թվականին առաջադրվել «Օսկար» և 2010 թվականին՝ «Գրեմմի» մրցանակների։ Ունենալով 18 առաջադրումներ և 4 հաղթանակ` Վուդարդն աֆրոամերիկացի դերասանների շրջանում բացարձակ ռեկորդակիր է «Էմմի» մրցանակի առաջադրումների ու մրցանակների քանակով^[3][4]։

Էլֆրի Վուդարդ
Ծնվել է	նոյեմբերի 8, 1952(1952-11-08)[1][2] (72 տարեկան)
Ծննդավայր	Թալսա
Կրթություն	Բոստոնի համալսարան, Բոստոնի համալսարանի կերպարվեստի քոլեջ և Bishop Kelley High School?
Քաղաքացիություն	ԱՄՆ
Կրոն	քրիստոնեական գիտություն
Մասնագիտություն	դերասանուհի, թատրոնի դերասանուհի, հեռուստատեսային դերասանուհի, կինոդերասանուհի և ձայնային դերասանուհի
Ընտրանի	Առյուծ արքան և Դինոզավր
Ամուսին(ներ)	Roderick Spencer?
Պարգևներ և մրցանակներ	Քրիստալ մրցանակ Փրայմթայմ Էմի մրցանակ՝ «մինիսերիալներում կամ ֆիլմերում կնոջ լավագույն դեր» անվանակարգում «Էմմի» մրցանակ դրամատիկ հեռուստասերիալում երկրորդ պլանի լավագույն կանացի դերի համար «Էմմի» մրցանակ դրամատիկական հեռուստասերյալներում հրավիրված ամենալավ դերասանուհի կատեգորիայում «Էմմի» մրցանակ դրամատիկական հեռուստասերյալներում հրավիրված ամենալավ դերասանուհի կատեգորիայում և Audie Award for Best Female Narrator?

Վաղ կյանք

Էլֆրի Էտտե Վուդարդը ծնվել և մեծացել է Օկլահոմա նահանգի Թալսա քաղաքում, տնային տնտեսուհու և ինտերերի դիզայների ընտանիքում^[5]։ Կաթոլիկ միջնակարգ դպրոցն ավարտելուց հետո նա ընդունվել է Բոստոնի համալսարան, որտեղ սովորել է դրամատիկական արվեստ։ 1974 թվականին ավարտել է համալսարանը բակալավրի աստիճանով և սկսել ելույթ ունենալ Վաշինգտոնի թատերական բեմերում, իսկ 1977 թվականին տեղափոխվել է Լոս Անջելես, որտեղ նրա կարիերան մեծ առաջընթաց է ունեցել` Օֆֆ-Բրոդվեյի «Գունավոր աղջիկների մասին, ովքեր մտածում են ինքնասպանության մասին, երբ ծիածանը դուրս է գալիս» պիեսում խաղացած գլխավոր դերի շնորհիվ^[5][6]։

Կարիերա

Էլֆրի Վուդարդին հաճախ անվանում են իր սերնդի առավել փորձառու և տաղանդավոր աֆրոամերիկացի դերասաններից մեկը^[5]։ Երեք տասնամյակից երկար ձգվող իր կարիերայի ընթացքում Վուդարդը նկարահանվել է համարյա հարյուր ֆիլմերում և հեռուստատեսային շոուներում, և առաջին հերթին քննադատական հաջողության է հասել դրամատիկ դերերում^[5][7]։

1978 թվականին «Գունավոր աղջիների համար...» ներկայացման հաջողությունից հետո Վուդարդն իր առաջին դերն է կատարել PBS ալիքի «Մոուկի փորձությունները» պիեսի հեռուստատեսային տարբերակում, իսկ ավելի ուշ հայտնվել է Ջերալդին Չապլինի «Հիշիր իմ անունը» կինոֆիլմում։ Հաջորդ մի քանի տարիներին նա աչքի է ընկել Ռոբերտ Ալտմանի «Առողջ կենսակերպ» (1980) ֆիլմում և հեռուստաէկրաններին ոչ երկար գոյատևած «Տակեր վհուկը» (1982-1983) հեռուստասերիալում խաղացած դերերի շնորհիվ։ 1983 թվականին «Քրոս Քրիք» ֆիլմում խաղացած տնային տնտեսուհի Չիչիի դերի համար Էլֆրի Վուդարդը ստացել է դրական արձագանքներ քննադատներից և առաջադրում «Օսկար երկրորդ պլանի լավագույն դերասանուհու համար» անվանակարգում^[5][8]։ Չնայած նա «Օսկար» չի ստացել, այդ տարի արժանացել է «Էմմի» մրցանակ` երկրորդ պլանի լավագույն կանացի դերի համար` դրամատիկական «Բլյուզ Հիլլ սթրիթ» հեռուստասերիալում սպանված երեխայի ողբացող մոր դերը խաղալու համար։ 1985 թվականին նա նկարահանվել է «Սառա» կատակերգական սերիալում, որը փակվել է առաջին սեզոնից հետո, և դրանից հետո նրան հրավիրել են NBC հեռուստաալիքի «Սենթ-Էլսվեր» բժշկական դրամայում խաղալու։ Չնայած Վուդարդը թողել է սերիալը առաջին եթերաշրջանից հետո, նրա հեռուստատեսային դուետը Դենզել Վաշինգտոնի հետ բարձր գնահատական է ստացել քննադատների կողմից, իսկ դերասանուհին դրամատիկական հեռուստասերիալի իր լավագույն կանացի դերի համար ստացել է «Էմմի» մրցանակը։ 1988 թվականին նա կարճ ժամանակով վերադարձել է սերիալ և ևս մեկ «Էմմի» մրցանակ ստացել^[8]։

Վուդարդը նկարահանվել է Ֆեռա Ֆոսեթի հետ «Ծայրահեղություններ» թրեյլերում, սակայն 80-ականների կեսերին հիմնական հաջողությունը ձեռք է բերել տարբեր հեռուստաֆիլմերում գլխավոր դերեր կատարելով։ Այդ ժամանակահատվածում նա երեք անգամ առաջադրվել է առաջադրվել է «Էմմի» մրցանակի` «Սրտի խոսքեր», «Անբնական պատճառներ» և «Մայրական սխրանք. Մերի Թոմասի պատմությունը» ֆիլմերում խաղացած դերերի համար<sup>[8]</sup>։ 1987 թվականին նա ստացել է երկրորդ «Էմմի» մրցանակը «Դրամատիկական հեռուստասերիալի լավագույն հրավիրված դերասանուհի» անվանակարգում` «Լոս Անջելեսի օրենքը» սերիալի ինքնաթիռի դրվագում բռնաբարության զոհի դերի համար և նույն ժամանակ խաղացել է Վիննի Մանդելայի դերը «Մանդելա» ֆիլմում, որը նրան բերել է Գունավոր մարդկանց առաջընթացի ազգային ասոցիացիայի և CableACE-ի մրցանակներ^[8]։

«Նոր սուրբծննդյան հեքիաթ» (1988) և «Միսս Հրավառություն» (1989) կինոկատակերգություններում երկրորդ պլանի դերերից հետո Էլֆրի Վուդարդի կարիերան մեծ էկրաններին սկսում է վերելք ապրել^[5]։ 1991 թվականին նա Դենի Գլովերի հետ նկարահանվում է «Մեծ կիրճ» ֆիլմում, որն ստանում է Բեռլինի կինոփառատոն մրցանակը, ինչպես նաև` հաջողություններ է ունենում վարձույթում։ Կինոքննադատների համար նրա ամենամեծ հաջողությունը եղել է այժմ հաշմանդամ, իսկ նախկինում հայտնի աստղի դայակ աշխատող անձնական գաղնիքներով բուժքրոջ դերն է, որը նա մարմնավորել է 1992 թվականին նկարահանված «Կրքի ձուկ» կինոֆիլմում<sup>[7][9][10]</sup>։ Քննադատներից մեկը դերասանուհու վերամարմնավորումը նկարագարել է որպես «անմոռանալի, հանգիստ և միաժամանակ կրքոտ»<sup>[10]</sup>։ Իր դերի համար նա ստացել է «Անկախ հոգի» մրցանակը և իր կարիերայի առաջին «Ոսկե գլոբուս» մրցանակը, ինչպես նաև` «Օսկարի» հիմնական հավակնորդներից մեկն էր^[11]։ Դրանից հետո նա շարունակել է իր կարիերան և նկարահանվել է «Սիրտ և հոգիներ» (1993), «Բոֆա» (1993), «Մոլախաղ», «Կարկատված վերմակ» (1995), «Աստղային ճամփորդություն. առաջին կապերը» (1996), «Նախնական վախ» (1996) և այլ ֆիլմերում։ 1994 թվականին Էլֆրի Վուդարդը խաղացել է ջազ երաժշտի կնոջ դերը Սփայք Լիի ինքնակենսագրական «Կուրկլին» ֆիլմում, որ լավ ընդունվելություն է գտել քննադատների կողմից, բայց մեծ հաջողություն չի ունեցել վարձույթում^[12]։ Այդ ժամանակ նա վերադարձել է հեռուստատեսություն և ստացել երկու «Էմմի» մրցանակ` «Դաշնամուրի դասեր» (1995) և «Գուլիվերի ճանապարհորդությունը» (1996) հեռուստաֆիլմերում խաղացած դերերի համար^[8]։ 1994 թվականին նա ըստ People ամսագրի կոչվել է աշխարհի ամենագեղեցիկ մարդկանցից մեկը^[3]։

1997 թվականին Էլֆրի Վուդարդը խաղացել է հեռուստատեսային իր ամենավառ դերերից մեկը՝ Յունիս Էվերս բուժքրոջ դերը, որը HBO «Միսս Էվերսի զավակները» ֆիլմում հոգ է տանում Տասկիգի սիֆիլիսի հետազոտության զոհերի համար^[5][13]։ Այն դերի համար Վւոդարդն արժանացել է մի շարք մրցանակների, այդ թվում` «Էմմի», «Ոսկե գլոբուս», «Արբանյակ» և ԱՄՆ-ի կինոռեժիսորների գիլդիայի մրցանակները<sup>[8]</sup>։ Հաջորդ տարի նա քննադատներից լավ արձագանքներ է ստանում<sup>[14]</sup> թմրամոլությունից և աուտիզմով տառապող միայնակ մոր դերը խաղալու համար «Վերադարձ արմատներին» ֆիլմում։ Այս դերի համար նա ստացել է ևս մեկ «Անվախ հոգի» մրցանակ, ինչպես նաև` մի քանի մրցանակներ քննադատների կողմից։ Այնուհետև նա նկարահանվել է «Զվարճալի Վալենտին», «Բժիշկ Մամֆորդ», «Ինչ ենք պատրաստում», «Սեր և բասկետբոլ» ֆիլմերում, ինչպես նաև` հնչյունավորել է Դինոզավր մուլտֆիլմը, իսկ 2001 թվականին ստացել է «Ոսկե գլոբուս» մրցանակ` «Սրտի տոն» ֆիլմում թմրամոլի դերի համար^[8]։

2000-ականների սկզբին Վուդարդը շարունակել է պարբերաբար հայտնվել մեծ էկրաններին, այնպիսի ֆիլմերում ինչպիսիք են «Կա-Պեքս մոլորակը» (2001), «Միջուկը» (2003), «Ռադիո» (2003) և «Մոռացվածը» (2004) ֆիլմերը։ 2003 թվականին նա ստացել է իր չորրորդ «Էմմի» մրցանակը` «Պրակտիկա» սերիալում խաղացած դերի համար<sup>[8]</sup>։ Դրանից կարճ ժամանակ անց նա երկու տասնամյակ հետո որոշում է վերադառնալ թատերական բեմ` ըստ Անտոն Չեխովի Ճայը պիեսի հիման վրա Թեյլոր Ռեջինի կողմից բեմադրված «Խորտակվող ագռավը» պիեսում խաղալով գլխավոր դերը^[15], որը ցուցադրվել է 2004 թվականի հունվարից և հիմնականում բացասական արձագանքներ է ստացել է քննադատների կողմից^[16]։

Վուդարդը Տորոնտոյի կինոփառատոնի ժամանակ, 2013 թվականին

2005 թվականին, երկու տասնամյակ անց, Վուդարդը վերադարձել է հեռուստատեսություն «Սանտ-Էլսվեր»-ից հետո առաջին պարբերական դերով։ Նա միացել է ABC ալիքի «Հուսահատ տնտեսուհիները» կատակերգական սերիալի թիմին` նոր հարևանուհի, նկուղում գաղտնիք ունեցող առեղծվածային միայնակ մոր` Բեթթի Էպլվայետի դերով։ Նա սերիալում հայտնվել է առաջին եթերաշրջանի ավարտին^[17]։ Կերպարն ի սկզբանե ստեղծվել է սպիտակ կնոջ նախատիպով, բայց ի վերջո սերալի հեղինակ Մարկ Չերին առաջարկել է դերասանուհուն խաղալ Բեթթիի դերը^[18]։ Վուդարդը հարցազրույցի ժամանակ ասել է, որ չի տեսել սերալը մինչև դերի համար համաձայնություն տալը և որոշել է համաձայնել այն բանից հետո, երբ պրոդյուսերներն ուղարկել են նրան առաջին տասնհինգ դրվագները, որոնք դիտելով` դերասանուհին միանգամից հավանել է շոուն^[18]։ Սերիալում դերասանուհու մասնակցությունը մեծ հետաքրքրություն է առաջացրել մամուլում, հատկապես այն պատճառով, որ նա դարձել է փաստացի առաջին սևամորթ դերասանուհին, որը վերջին տարիներին գլխավոր դեր էր խաղացել ազգային հեռուստատեսությամբ հեռարձակվող սերիալում^[19]։

2012 թվականի ամռանը Վուդարդը նկարահանվել է «12 տարվա ստրկություն» պատմական ֆիլմում^[20]։ Շոնդա Ռայմսը 2011 և 2012 թվականներին առաջարկել է դերասանուհուն նկարահանվել իր «Գրեյի անատոմիա» և «Մասնավոր պրակտիկա» սերիալներում^[21][22]։ 2012 թվականին նա նկարահանվել է «Պողպատե մանգոլիաներ» հեռուստատեսային ֆիլմում, որը 1989 թվականին նկարահանված նույնանուն ֆիլմի ռիմեյքն էր^[23]։

Նախագծում նա խաղացել է Ուիզերի դերը, բնօրինակում այդ դերը խաղում էր Շիռլի Մակլեյնը, որի համար նա կրկին գովեստի է արժանացել իր ունիվերսալ խաղի համար^[5][24][25]։ Նա հերթական անգամ առաջադրվել է «Էմմի» և ԱՄՆ կինոդերասանների գիլդիայի մրցանակի համար^[26]:

Վուդարդը 2008 թվականին, Բարաք Օբամայի նախընտրական արշավի շրջանակներում կազմակերպված միջոցառման ժամանակ

Շնորհիվ դրա, Վուդարդը բացարձակ ռեկորդ է գրանցել տարբեր տարիներին ունեցած մրցանակների առաջադրումների թվով։ Վուդարդն ընդհանուր առմամբ հաղթել և առաջադրվել է «Էմմի» մրցանակին կանանց ութ կատեգորիաներից վեցում^[27]։ 2014 թվականին Վուդարդին առաջարկել են «Գործերի դրություն» սերիալում Միացյալ Նահանգների առաջին կին նախագահ Կոնստանս Փեյթոնի դերը, որ թողարկվել է NBC ալիքով 2014-2015 եթերաշրջանում^[28][29][30]։

2016 թվականին խաղացել է Մարիամ Շարպի դերը^[31] «Կապիտան Ամերիկա։ Քաղաքացիական պատերազմ» ֆիլմում։

Անձնական կյանքը

Վուդարդն ԱՄՆ դեմոկրատական կուսակցության անդամ է և ակտիվորեն մասնակցում է դրա գործունեությանը։ 2008 թվականի փետրվարին նա մասնակցել է Բարաք Օբամայի նախընտրական արշավին Օհայոյում։ 2012 թվականի նոյեմբերին նա նորից մասնակցել է Օբամայի քարոզարշավին Լոնգմոնտում, Կոլորադո նահանգում^[32]։ Էլֆրի Վուդարդն ապրում է Սանտա Մոնիկայում երկու երեխաների և ամուսնու՝ Ռոդերիկ Սպենսերի հետ, ում հետ ամուսնացել է 1983 թվականին։

Ֆիլմագրություն

Տարի	Հայերեն անվանում	Անգլերեն անվանում	Դեր	Մեկնաբանություններ
1978	Հիշիր իմ անունը	Remember My Name	Ռիթա
1979	Ազատության ճանապարհ	Freedom Road	Քեթի
1980	Առողջ ապրելակերպ	HealtH	Սալլի Բենբոու
1981		The Sophisticated Gents	Էվելին Էվերս
1982		The Ambush Murders	Քարիհա Էլլսվորֆ
1982-1983		Tucker’s Witch	Մարսիա Ֆուլբրայթ	12 դրվագ
1983	Քրոս Քրիք	Cross Creek	Ջիչի
1983	Հիլլ սթրիթ բլյուզ	Hill Street Blues	Դորիս Ռոբսոն	3 դրվագ
1984	Քաղցր վրեժ (ֆիլմ, 1984)	Sweet Revenge	Վիքի Թիգուե
1985	Սառա	Sara	Rozalyn Dupree	13 դրվագ
1985, 1988	Սենթ Էլսվեր	St. Elsewhere	Ռոքսանա Թարներ	13 դրվագ
1985	Սրտի խոսք	Words by Heart	Կլաուդիա Սիլս
1986	Ծայրահեղություններ	Extremities	Պատրիցիա
1986	Անբնական պատճառներ	Unnatural Causes	Մաուդ ԴեՎիկտոր
1987	Լոս Անջելեսի օրենքը	L.A. Law	Ադրիանե Մուր	«Օդաչուն» դրվագ
1987	Մանդելա (ֆիլմ, 1987)	Mandela	Վիննի Մանդելա
1987		The Life Saver	Անդրեա Քրոուֆորդ
1988	Նոր սուրբծննդյան հեքիաթ	Scrooged	Գրեյս Քուլի
1989	Միսս Հրավառություն	Miss Firecracker	Փոփեյ Ջեքսոն
1989	Մայրական քաջություն. Մերի Թոմասի պատմությունը	A Mother’s Courage: The Mary Thomas Story	Մերի Թոմաս
1990		Blue Bayou	Ջեսիկա Ֆիլլի
1991	Մեծ կիրճ	Grand Canyon	Ջեյն
1991	Սիրունիկ Հաթթիի փոքրիկը	Pretty Hattie’s Baby	Հաթթի	չի թողարկվել
1992	Կրքի ձուկ	Passion Fish	Chantelle
1992	Ատրճանակաը Բեթթի Լուի պայուսակում է	The Gun in Betty Lou’s Handbag	Փաստաբան Անն Օրքին
1993	Սիրո մեջ հարուստ	Rich in Love	Ռոդի Փուլ
1993	Սիրտը և հոգիները	Heart and Souls	Փենի Վաշինգտոն
1993	Բոֆա	Bopha!	Ռոզի Մանջենա
1994	Մոլախաղ	Blue Chips	Լավանդա ՄքՌաե
1994	Քրուքլին	Crooklyn	Քարոլին Քարմիշել
1994	Ֆրեյզեր	Frasier	կամեո	«The Botched Language of Cranes» դրվագը
1995	Կարկատաններով ծածկոց	How to Make an American Quilt	Մարիանա
1995	Դաշնամուրի դասեր	The Piano Lesson	Բերնիես
1996	Աստղային ճանաարհորդություն։ Առաջին շփումը	Star Trek: First Contact	Լիլի Սլոան
1996	Գուլիվերի ճանապարհորդությունը	Gulliver’s Travels	Բրոբդինգնագի թագուհին
1996	Առաջնային վախ	Primal Fear	Դատավոր Միրիամ Շոաթ
1996	Ճանապարհիր ինձ տուն	Follow Me Home	Էվեյ
1996	Քայլ դեպի ապագա	A Step Toward Tomorrow	Դր. Սանդլին
1997	Հարսանիքին	The Member of the Wedding	Բերենիս Սադիե Բրաուն
1997	Միսս Էվերսի երեխաները	Miss Evers' Boys	Էունիս Էվերս
1998	Վերադարձ արմատներին	Down in the Delta	Լորետա Սինքլեր
1998	Մահաբեր բաժին	Homicide: Life on the Street	Դր. Ռոքսանա Թարներ	«Mercy» դրվագը
1999	Զվարճալի վալենտինկաներ	Funny Valentines	Ջոյս Մեյ
1999	Ցանկությունների ծառը	The Wishing Tree	Կլարա Քոլլեր
1999	Բժիշկ Մամֆորդը	Mumford	Լիլի
2000	Ինչ պատրաստենք	What’s Cooking?	Օդրի Վիլյամս
2000	Սրտի տոն	Holiday Heart	Վանդա
2000	Սեր և Բասկետբոլ	Love & Basketball	Կամիլե Րայթ
2000	Դինոզավր	Dinosaur	Պլիո	հնչյունավորում
2001	Կա-Պեքս մոլորակ	K-PAX	Կլաուդիա Վիլլարս
2002	Դեբրի Ուինգերին փնտրելիս	Searching for Debra Winger	մարմնավորել է իրեն
2002	Թորնիբերիի վայրի ընտանիքը	The Wild Thornberrys Movie	Աքելա	հնչյունավորում
2003	Երգող դետեկտիվը	The Singing Detective	աշխատակազմի ղեկավար	Երգող դետեկտիվը
2003	Միջուկ	The Core	Տալմա Սթիքլի
2003	Ռադիո	Radio	Տնօրեն Դանիելս
2003	Ժամանակի թռիչքի մեջ	A Wrinkle in Time	Տիկին Վոթսիթ
2003	Փորձաշրջան	The Practice	Դենիս Ֆրիման	«Final Judgement» և «Down the Hatch» դրվագներ
2004	Մոռացվածը	The Forgotten'	Դետեկտիվ Աննա Փոփ
2005	Գեղեցկության սրահ	Beauty Shop	Միսս Ջոզեֆին
2006	Ինչ-որ նոր մի բան	Something New	Ջոյս ՄքՔուին
2005-2006	Հուսահատ տնտեսուհիները	Desperate Housewives	Բեթթի Էփլուայթ	26 դրվագ
2006	Պահիր ռիթմը	Take the Lead	Տնօրեն Աուգուստին Ջեյմս
2007	Հոլիս Վուդսի նկարները	Pictures of Hollis Woods	Էդնա Ռեիլի
2008	Ամերիկյան մանուշակը	American Violet	Ալմա Ռոբերտս
2008	Որսորդների ընտանիքը	The Family That Preys	Էլիս Պրատ
2008	Ամերիկայի արևելքը	AmericanEast	Անգելա Ջենսեն
2008	Իմ անձնական թշնամին	My Own Worst Enemy	Մավիս Հելլեր	9 դրվագ
2009-2010	Երեք գետերը	Three Rivers	Դր. Սոֆյա Ջորդան	12 դրվագ
2009	Հասիր ինձ	Reach for Me	Էվելին
2010-2011	Մեմֆիս Բիթ	Memphis Beat	Տանյա Րայս	20 դրվագ
2010, 2012	Իրական արյուն	True Blood	Ruby Jean Reynolds	5 դրվագ
2011	Գրեյի անատոմիա	Grey’s Anatomy	Ջասթին Քեմփբել	«Heart Shaped Box» դրվագ
2012	Պողպատե մանգոլիններ	Steel Magnolias	Օուսիեր
2013	Ոստիկանը	Copper	Հեթթի Լեմաստեր	6 դրվագ
2013	12 տարվա ստրկություն	12 Years a Slave	Հարրիեթ Շաու
2014	Աննաբելլ	Annabelle	Էվելին
2014—2015	Իրերի դրություն	State of Affairs	ԱՄՆ նախագահ Կոնստանս Փեյթոն	13 դրվագ
2015	Զբոսանք Միսսիսիպիով	Mississippi Grind
2015		Knucklehead	Շեյլա
2016	Կապիտան Ամերիկա։ Քաղաքացիական պատերազմ	Captain America: Civil War	Միրիամ Շարփ
2016-2018	Լյուք Քեյջ	Luke Cage	Մերայա Դիլլարդ
2019	Առյուծ արքան	The Lion King	Սարաբի	հնչյունավորում

Ծանոթագրություններ

1. Internet Movie Database — 1990.
2. Internet Broadway Database — 2000.
3. Alfre Woodard — Biography
4. «Alfre Woodard at Emmys.com». Emmys.com. Արխիվացված է օրիգինալից 2012 թ․ հոկտեմբերի 25-ին. Վերցված է 2012 թ․ հոկտեմբերի 18-ին.
5. «Alfre Woodard- Biography». Yahoo!. Արխիվացված է օրիգինալից 2012 թ․ հոկտեմբերի 25-ին. Վերցված է 2012 թ․ հոկտեմբերի 18-ին.
6. Matthew Tobey. «For Colored Girls Who Have Considered Suicide». The New York Times. Վերցված է 2012 թ․ հոկտեմբերի 23-ին.
7. «Don't Squander Alfre Woodard». TV Guide. 23 июня 2008. Արխիվացված է օրիգինալից 2012 թ․ հոկտեմբերի 25-ին. Վերցված է 2012 թ․ հոկտեմբերի 18-ին.
8. «Awards for Alfre Woodard». Internet Movie Database. Արխիվացված է օրիգինալից 2012 թ․ հոկտեմբերի 25-ին. Վերցված է 2012 թ․ հոկտեմբերի 18-ին.
9. «Passion Fish (1992)». Rotten Tomatoes. Վերցված է 2012 թ․ հոկտեմբերի 18-ին.
10. Janet Maslin (14 декабря 1992). «Passion Fish (1992)». The New York Times. Վերցված է 2012 թ․ հոկտեմբերի 18-ին.
11. Craig Bloomfield (3 июля 2012). «Take Three: Alfre Woodard». The Film Experience. Արխիվացված է օրիգինալից 2012 թ․ հոկտեմբերի 25-ին. Վերցված է 2012 թ․ հոկտեմբերի 18-ին.
12. «Crooklyn (1994)». Rotten Tomatoes. Վերցված է 2012 թ․ հոկտեմբերի 18-ին.
13. Keith Phipps (29 марта 2002). «Miss Evers' Boys». The Onion. Արխիվացված է օրիգինալից 2012 թ․ հոկտեմբերի 25-ին. Վերցված է 2012 թ․ հոկտեմբերի 18-ին.
14. Peter Stack (23 июля 1999). «Serenity of Life Down South / Woodard shores up Angelou's `Delta'». The San Francisco Chronicle. Արխիվացված է օրիգինալից 2012 թ․ հոկտեմբերի 25-ին. Վերցված է 2012 թ․ հոկտեմբերի 18-ին.
15. Matthew Murray (2003 թ․ օգոստոսի 6). «Alfre Woodard to Make Broadway Debut in Drowning Crow». Theater Mania. Արխիվացված է օրիգինալից 2013 թ․ օգոստոսի 29-ին. Վերցված է 2013 թ․ օգոստոսի 1-ին.
16. Charles Isherwood (2004 թ․ փետրվարի 19). «Review: "Drowning Crow"». Variety. Արխիվացված է օրիգինալից 2013 թ․ օգոստոսի 29-ին. Վերցված է 2013 թ․ օգոստոսի 1-ին.
17. Gary Susman (2005 թ․ ապրիլի 11). «Block Party». Entertainment Weekly. Արխիվացված է օրիգինալից 2013 թ․ օգոստոսի 29-ին. Վերցված է 2013 թ․ օգոստոսի 1-ին.
18. William Keck (2005 թ․ սեպտեմբերի 29). «Alfre Woodard has a secret». USA Today. Արխիվացված է օրիգինալից 2013 թ․ օգոստոսի 29-ին. Վերցված է 2013 թ․ օգոստոսի 1-ին.
19. Lynette Rice (2005 թ․ սեպտեմբերի 2). «Desperate Housewives». Entertainment Weekly. Արխիվացված է օրիգինալից 2013 թ․ օգոստոսի 29-ին. Վերցված է 2013 թ․ օգոստոսի 1-ին.
20. Borys Kit (2012 թ․ հունիսի 11). «Alfre Woodard Joins 'Twelve Years a Slave' Cast (Exclusive)». The Hollywood Reporter. Արխիվացված է օրիգինալից 2013 թ․ օգոստոսի 29-ին. Վերցված է 2013 թ․ օգոստոսի 1-ին.
21. Catriona Wightman (2011 թ․ հոկտեմբերի 5). «Alfre Woodard to guest in 'Grey's Anatomy'». Digital Spy. Արխիվացված է օրիգինալից 2013 թ․ օգոստոսի 29-ին. Վերցված է 2013 թ․ օգոստոսի 1-ին.
22. Lynette Rice (2012 թ․ սեպտեմբերի 8). «'Private Practice' scoop: 'True Blood' star to play Taye Diggs' mom -- EXCLUSIVE». Entertainment Weekly. Արխիվացված է օրիգինալից 2013 թ․ օգոստոսի 29-ին. Վերցված է 2013 թ․ օգոստոսի 1-ին.
23. Nellie Andreeva (19 марта 2012). «Queen Latifah, Alfre Woodard & Phylicia Rashad Lead The Cast Of Lifetime's 'Steel Magnolias' Remake». Deadline.com. Արխիվացված է օրիգինալից 2012 թ․ հոկտեմբերի 31-ին. Վերցված է 2012 թ․ սեպտեմբերի 11-ին. «Lifetime has assembled the cast of its Steel Magnolias reboot.»
24. «Steel Magnolias: Season 1». Metacritic. 7 октября 2012. Արխիվացված է օրիգինալից 2012 թ․ դեկտեմբերի 17-ին. Վերցված է 2012 թ․ դեկտեմբերի 12-ին.
25. Heather Hogan (4 октября 2012). «Lifetime's "Steel Magnolias" remake will make you cry just as hard as the original». AfterEllen.com и AfterElton.com. Արխիվացված է օրիգինալից 2012 թ․ դեկտեմբերի 17-ին. Վերցված է 2012 թ․ դեկտեմբերի 12-ին.
26. Eric Liebowitz (2013 թ․ հուլիսի 18). «Emmys 2013: Alfre Woodard on 'Steel Magnolias' and Mandela's birthday». Los Angeles Times. Արխիվացված է օրիգինալից 2013 թ․ օգոստոսի 29-ին. Վերցված է 2013 թ․ օգոստոսի 1-ին.
27. Marcus James Dixon (2013 թ․ հուլիսի 26). «Alfre Woodard makes history with 17 Emmy nods for 16 roles». Golden Derby. Արխիվացված է օրիգինալից 2013 թ․ օգոստոսի 29-ին. Վերցված է 2013 թ․ օգոստոսի 1-ին.
28. Nellie Andreeva (21 марта 2014). «Alfre Woodard To Play US President In NBC Pilot 'State Of Affair'». The Hollywood Reporter. Վերցված է 2014 թ․ մայիսի 11-ին.
29. Lesley Goldberg (21 марта 2014). «Alfre Woodard to Play President in NBC's Katherine Heigl Drama». The Hollywood Reporter. Վերցված է 2014 թ․ մայիսի 11-ին.
30. Whitney Friedlander (6 мая 2014). «NBC Orders Katherine Heigl CIA Drama to Series». Variety. Վերցված է 2014 թ․ մայիսի 11-ին.
31. Miriam Sharpe(անգլ.) // Wikipedia, the free encyclopedia. — 2016-05-09.
32. «Alfre Woodard campaigns for Obama in Longmont». Longmont Times-Call. 3 ноября 2012. Արխիվացված է օրիգինալից 2012 թ․ նոյեմբերի 22-ին. Վերցված է 2012 թ․ նոյեմբերի 6-ին.

Վիքիպահեստն ունի նյութեր, որոնք վերաբերում են «Էլֆրի Վուդարդ» հոդվածին։