Էդի Ֆալկո

Էդի Ֆալկո (անգլ.՝ Edie Falco, հուլիսի 5, 1963(1963-07-05)^{[1][2][3][…]}, Բրուքլին, Նյու Յորք, Նյու Յորք, ԱՄՆ), ամերիկացի դերասանուհի, որը առավել հայտնի է «Սոպրանո» ֆիլմում Կարմելա Սոպրանոսի և «Քույր Ջեքի» ֆիլմում Ջեքի Փեյթոնի դերերով։ Արժանացել է Երկու «Ոսկե գլոբուս», չորս «Էմմի» և հինգ «ԱՄՆ-ի գիլդիայի կինոդերասանների» մրցանակների։ Ֆալկոն միակ դերասանուհին է, որը Էմմի է շահել ինչպես «դրամատիկ սերիալի լավագույն դերասանուհի», այնպես էլ «կատակերգական սերիալի լավագույն դերասանուհի» անվանակարգում։

Էդի Ֆալկո
Ծնվել է	հուլիսի 5, 1963(1963-07-05)[1][2][3][…] (61 տարեկան)
Ծննդավայր	Բրուքլին, Նյու Յորք, Նյու Յորք, ԱՄՆ
Կրթություն	Փուրչեյզ քոլեջ և Northport High School?
Քաղաքացիություն	ԱՄՆ
Մասնագիտություն	դերասանուհի, թատրոնի դերասանուհի, հեռուստատեսային դերասանուհի և կինոդերասանուհի
Պարգևներ և մրցանակներ	Ոսկե գլոբուս մրցանակ դրամատիկական հեռուստասերիալում կանացի լավագույն դերակատարման համար Ոսկե գլոբուս մրցանակ դրամատիկական հեռուստասերիալում կանացի լավագույն դերակատարման համար Թատերական համաշխարհային մրցանակ [4] Փրայմթայմ Էմի մրցանակ՝ դրամատիկ հեռուստասերիալներում կնոջ լավագույն դերի համար Փրայմթայմ Էմի մրցանակ՝ դրամատիկ հեռուստասերիալներում կնոջ լավագույն դերի համար Փրայմթայմ Էմի մրցանակ՝ դրամատիկ հեռուստասերիալներում կնոջ լավագույն դերի համար և «Էմմի» մրցանակ կատակերգական սերիալում լավագույն կանացի դերի համար

Կյանք և կարիերա

Ֆալկոն ծնվել է Նյու Յորքի Բրուքլին քաղաքում։ Նրա մայրը դերասանուհի Ջուդիթ Անդերսոնն է, հայրը՝ ջազի թմբկահար Ֆրենկ Ֆալկոն^[5]։ Հայրը ծագումով իտալա-ամերիկացի է, մայրը՝ շվեդա-ամերիկացի։ Բացի Էդիից, ծնողները ունեին ևս երեք երեխա (Յոզեֆ, Փոլ և Ռութ)^[6]։ Նրա պապը՝ արձակագիր, դրամատուրգ և բանաստեղծ Էդվարդ Ֆալկոնն է։ Նա Վիրջինիայի պոլիտեխնիկական համալսարանի պրոֆեսոր է։ Էդին իր մանկությունն անց է կացրել Լոնգ Այլենդի Նորթփորթ և Ուեսթ Իսլիփ քաղաքներում։ Ֆալկոն 1981 թվականին ավարտել է Նորթփորթի ավագ դպրոցը^[7]։ Ավարտելուց հետո նա խաղում էր «Իմ գեղեցիկ տիկինը» մյուզիքլում։ Նա հաճախել է դերասանական դասընթացների SUNY Purchase-ում, որտեղ նրա հետ սովորել են նաև ապագա դերասաններ Սթենլի Տուչին և Վինգ Ռեյմսը։ Էդին վերջիններիս հետ մինչ օրս շարունակում է պահպանել ընկերական հարաբերություններ։

Ֆալկոն իր կարիերան սկսել է ութսունականների վերջին և հաջորդ տասնամյակում հիմնականում հանդես է եկել անկախ կինոֆիլմերում, երկրորդ պլանի դերրերով։ Նա «Անխուսափելիության օրենքը» (1992) ֆիլմում դերի համար առաջադրվել է «Անկախ ոգի» մրցանակի «կանացի լավագույն դեր» անվանակարգում, իսկ 1997 թվականին «Կյանքի գինը» կինոնկարում գլխավոր դերի համար արժանացել է Ամերիկայի կինոարվեստի ինստիտուտի մրցանակին^[8][9]։ Հեռուստատեսությունում նրա կարիերան սկվել է «Օրենք և կարգ», «Սպանդի բաժին» և «Օզ բանտ» սերիալներում երկրորդական դերերով, որոնցում նատուրալիստական դերասանական ոճի համար Էդի Ֆալկոն քննադատների կողմից գովասանքի է արժանացել^[8]։ 1997 թվականին նա խաղացել է «Ֆարգո» ֆիլմի վրա նկարահանված հեռուստատեսային պիլոտի գլխավոր դերը^[8]։

1999 թվականին Ֆալկոն HBO հեռուստաալիքի «Սոպրանոյի տոհմը» սերիալում ստացել է գլխավոր դերը, որը եղել է դերասաի ամենահայտնի դերը։ Սերիալը անսպասելի հաջողության է հասել, իսկ Ֆալկոն իր հերթին հինգ անգամ առաջադրվել է "Էմմի" մրցանակի «Դրամատիկ սերիալում կնոջ լավագույն դեր» անվանակարգում և հաղթել է այն երեք անգամ։ Նա նաև ստացել է երկու «Ոսկե գլոբուս»՝ «հեռուստատեսային դրամատիկ սերիալում կանացի լավագույն դերի համար», և «ԱՄՆ կինոդերասանների գիլդիայի» հինգ մրցանակ^[9]։

Սերիալի ավարտից հետո Ֆալկոն որոշում է հրաժարվել սերիալի իր դրամատիկ կերպարից և «Ստուդիո 30» կատագերկական սիթքոմում ստանձնում կոնգրեսականուհու դերը։ Այս դերի համար նա արժանանում «Էմմի» մրցանակի «կատակերգական սերիալի «Լավագույն հյուր դերասանուհի»» անվանակարգում^[9]։ 2009-ին նա վերադառնում է կանոնավոր հեռուստատեսային աշխատանքի՝ «Քույր Ջեքի» սև կատակերգության մեջ թմրամոլ բուժքրոջ դերով։ Շարքը արժանացավ քննադատների գովեստի խոսքերին, բայց բացասական արձագանք գտավ բժիշկների շրջանում^[8]։ 2010 թվականին Ֆալկոն հաղթել է «Էմմի»-ի «կատակերգական սերիալում կանացի լավագույն դեր» անվանակարգում^[8][10]։ Մրցանակ ստանալիս դերասանուհին համեստորեն հայտարարել է, որ նա զվարճալի չէ։ Նա նաև բազմիցս առաջադրվել է «Ոսկե գլոբուս» և «ԱՄՆ կինոդերասանների գիլդիայի մրցանակ»՝ սերիալում իր դերի համար։ 2011 թվականին Կապույ տերևների տունը բրոդվեյան բեմադրությանը մասնակցությունով առաջադրվել է «Թոնի»-ի «երկրորդ պլանի լավագույն կանացի դեր» անվանակարգում^[11]։

Ֆալկոն երբեք ամուսնացած չի եղել։ Նա ունի խորթ որդի և խորթ դուստր (Անդերսոն և Մեյսի), որոնց նա որդեգրել է համապատասխանաբար 2005 և 2008 թվականներին^[12]։

Ծանոթագրություններ

1. Internet Movie Database — 1990.
2. Internet Broadway Database — 2000.
3. Albert M. Encyclopædia Britannica
4. http://www.theatreworldawards.org/past-recipients.html
5. «Edie Falco Biography (1964-)». Վերցված է 2010 թ․ օգոստոսի 31-ին.
6. «Edie Falco Interviewed by Steven Priggé». Արխիվացված օրիգինալից 2012 թ․ հունիսի 4-ին. Վերցված է 2010 թ․ օգոստոսի 31-ին.
7. JESSE GREEN (2004 թ․ նոյեմբերի 7). «Edie Falco, Unmarried to the Mob». Արխիվացված օրիգինալից 2012 թ․ հունիսի 4-ին. Վերցված է 2010 թ․ օգոստոսի 31-ին.
8. «Edie Falco- Biography». Yahoo!. Արխիվացված օրիգինալից 2013 թ․ օգոստոսի 17-ին. Վերցված է 2013 թ․ օգոստոսի 6-ին.
9. «Awards for Edie Falco». Internet Movie Database. Արխիվացված օրիգինալից 2013 թ․ օգոստոսի 17-ին. Վերցված է 2013 թ․ օգոստոսի 6-ին.
10. Лариса Саенко (2010 թ․ օգոստոսի 30). «Американская телеакадемия раздала «Эмми» за лучшие телесериалы». РИА Новости. Արխիվացված օրիգինալից 2012 թ․ մարտի 22-ին. Վերցված է 2010 թ․ օգոստոսի 30-ին.
11. «Will the Tonys go bananas for Edie Falco?». Los Angeles Times. 2011 թ․ մայիսի 10. Արխիվացված օրիգինալից 2013 թ․ օգոստոսի 17-ին. Վերցված է 2013 թ․ օգոստոսի 6-ին.
12. «Edie Falco: My Kids Look Like Fabio and Chucky!». People. 2010 թ․ փետրվարի 9. Արխիվացված օրիգինալից 2013 թ․ օգոստոսի 17-ին. Վերցված է 2013 թ․ օգոստոսի 6-ին.

Վիքիպահեստն ունի նյութեր, որոնք վերաբերում են «Էդի Ֆալկո» հոդվածին։