From Wikipedia, the free encyclopedia
Երգ Հիմիրի մասին (իսլ.՝ Hymiskviða), սկանդինավյան «Ավագ Էդդա» էպոսի երգերից մեկը։ Հիմիրը ծովային հսկա է սկանդինավյան դիցաբանության մեջ, որը խորհրդանշում է Սառուցյալ ծովը։ Երգի հիմքում ընկած են մի քանի առասպելներ, որոնք գեղարվեստականորեն շատ մեծ հմտությամբ միահյուսված են իրար և կազմում են մեկ ամբողջականություն։
Երգ Հիմիրի մասին | |
---|---|
Տեսակ | չափածո շարադրանք |
Ժանր | առասպել |
Մասն է | սկանդինավյան Ավագ Էդդա էպոսի |
Բնօրինակ լեզու | հին իսլանդերեն |
Հրատարակման տարեթիվ | 1260 |
Hymiskviða Վիքիպահեստում |
Առաջին առասպելն այն մասին է, թե ինչպես աստվածները հավաքվել են հսկաներից մեկի՝ Էգիրի մոտ, որը հայտնի է ասերի համար ճոխ խնջույքներ կազմակերպելով և թե ինչպիսի արկածներով են հսկա Հիմիրի ապարանքից ձեռք բերում գարեջուր եփելու համար հսկայական ծավալի կաթսան։ Դրան մասնակցում են Օդինի քաջ որդի Թորը և նրա եղբայր ու ընկեր, միձեռանի աստված Տիրը։
Հաջորդ ներմուծված առասպելում Թորը, հանդես գալով որպես ձկնորս, պայքարում է Միդգարդյան վիշապ, երկրագունդը պարուրած հրեշ Յորմունդգանդր օձի հետ։ Առասպելը, որպես ամբողջական երգ, շատ հնարավոր է՝ սկանդինավյան դիցարան է մտել Արևելքից և իր մեջ պարունակում է հնդեվրոպական առասպելաբանական շերտեր։ Այն հիշեցնում է հնագույն արևելյան դիցաբանությանը հարազատ մոտիվի՝ բարեգութ աստծու և հրեշ-քաոսի մենամարտը, որից հաղթող է դուրս գալիս մարդկանց բարերարը։
Վերջում հսկայական կաթսայով հանդերձ երկու քաջ ասերը՝ Թորը և Տիրը, իրենց մարտական կառքով սլանում են դեպի աստվածների հավաքատեղի։ Կաթսան վերջապես հայտնվում է Էգիրի մոտ անցկացվող խնջույքին։ «Երգ Հիմիրի մասին» առասպելն իր մեջ քրիստոնեական ժամանակաշրջանի շերտեր չի պարունակում՝ ընթերցողի համար հնարավորություն ստեղծելով տեղափոխվելու հին ժամանակներ և ըմբոշխնել հեթանոսական արխայիկ սյուների վրա կառուցված այդ հիանալի գրական հուշակոթողի ողջ հմայքը։
Վիքիպահեստն ունի նյութեր, որոնք վերաբերում են «Երգ Հիմիրի մասին» հոդվածին։ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.