Ելփին, Աղոբեն, Աղոպեն, Ելբին, Էլբին, էլփին, գետ Հայաստանի Վայոց ձորի մարզում, Արփայի աջ վտակը։ Սկիզբ է առնում Վարդենիսի լեռների հարավարևմտյան լանջերից՝ 2950 մ բարձրությունից և մայր գետին է միանում Վայոց ձորի մարզի Արենի գյուղի մոտ։ Սնումը տեղի է ունենում ձնահալոցքային ու անձրևային եղանակով, ինչպես նաև՝ ստորջրյա աղբյուրներից։ Վարարումները տեղի են ունեում գարնանը և ամառվա սկզբին, մասնավորապես՝ ապրիլ-հունիս ամիսներին։ Ելփինից սկիզբ են առնում 22 փոքր և միջին ջրանցքներ։ Երկարությունը հասնում է 23 կմ-ի, ջրհավաք ավազանը՝ 130 կմ², իսկ տարեկան միջին ծախսը 0,3 մ³/վ է[2]։
- Անվան այլ կիրառումների համար տե՛ս՝ Ելփին (այլ կիրառումներ)
Ելփին | |
---|---|
Բնութագիր | |
Երկարություն | 23 կմ |
Ավազանի մակերես | 130 կմ² |
Ջրի ծախս | 0,3 մ³/վ |
Ջրահոսք | |
Ակունքի տեղակայում | Վարդենիսի լեռներ |
Գետաբերանի տեղակայում | Արփա |
Կոորդինատներ | |
Տեղակայում | |
Հոսող հոսքեր | Ընկուզաց և Շրեշտ |
Երկիր | Հայաստան |
Երկրամաս | Վայոց Ձորի մարզ[1] |
Հնում կոչվում էր Աղոբեն, Աղոպեն։ Ունի երկու վտակ՝ Կոզուլջաջուր և Շրեշտաջուր։ Վերջինս իր անվանումը ստացել է համանուն լեռից։ Հաճախակի են սելավները։ 1931 թվականի սելավը մեծ վնաս է հասցրել Արենի, Ելփին, Չիվա գյուղերին. հունի առանձին հատվածներում կառուցված են ափապաշտպան շինություններ։ Այժմ ջրերն օգտագործվում են ոռոգման նպատակով, և ամռան ամիսներին Արփա չեն հասնում[3]։
Աղոպենի ձոր
Ելփին գետի հին անվան հետ է կապվում նաև համանուն՝ Աղոպենի ձորը, որը գտնվում էր Արաքսի ձախակողմյան վտակի՝ Արփայի ավազանում։ Այն գտնվում էր նախկին Օղբին ավերակ գավառի մոտակայքում[4]։
Ծանոթագրություններ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.