Դավիթ Ալբերտի Սարգսյան (փետրվարի 15, 1979, Ստեփանակերտ, ԼՂԻՄ, Ադրբեջանական ԽՍՀ, ԽՍՀՄ), ԱՀ քաղաքական և պետական գործիչ։ Ստեփանակերտի քաղաքապետ (2019 թ. սեպտեմբերի 8-ից)։
- Վիքիպեդիայում կան հոդվածներ Սարգսյան ազգանունով այլ մարդկանց մասին։
| Դավիթ Ալբերտի Սարգսյան | |||
| |||
|---|---|---|---|
| սեպտեմբերի 8, 2019 | |||
| Նախորդող | Սուրեն Գրիգորյան | ||
| Մասնագիտություն՝ | քաղաքական գործիչ | ||
| Ազգություն | հայ | ||
| Ծննդյան օր | փետրվարի 15, 1979 (43 տարեկան) | ||
| Ծննդավայր | Ստեփանակերտ, ԼՂԻՄ, Ադրբեջանական ԽՍՀ, ԽՍՀՄ | ||
| Քաղաքացիություն |  Արցախ | ||
Ծնվել է 1979 թվականի փետրվարի 15-ին Ստեփանակերտում։ 1996 թվականին ավարտել է Ստեփանակերտի Ալեքսանդր Գրիբոյեդովի անվան թիվ 3 միջնակարգ դպրոցը[1]։
1996-2003 թվականներին սովորել է Մեսրոպ Մաշտոցի անվան համալսարանի իրավաբանական ֆակուլտետում։ Երկու տարի՝ 1998-ից 2000 թվականներին, նա ծառայել է Արցախի Հանրապետության Պաշտպանության բանակի շարքերում[1]։
2001 թվականին աշխատանքային գործունեություն է սկսել Արցախի Հանրապետության անշարժ գույքի կադաստրի պետական կոմիտեի Ասկերանի տարածքային ստորաբաժանման գնահատման բաժնի առաջատար մասնագետ։ Հաջորդ տարի դարձել է Ասկերանի տարածքային ստորաբաժանման գնահատման բաժնի գլխավոր մասնագետ։ 2005 թվականին նշանակվել է անշարժ գույքի կադաստրի պետական կոմիտեի անշարժ գույքի գրանցման բաժնի պետի պաշտոնակատար։ 2005-2006թթ. եղել է կադաստրի պետական կոմիտեի աշխատակազմի իրավաբանական ծառայության գլխավոր մասնագետ[1]։
2006 թվականին հիմնադրել է «Նիագարա» և «Ջեներալ Գրուպ» ձեռնարկությունները։ 2011 թվականին հիմնադրել և դարձել է «Կոնսալտ ֆինանս գրուպ» ընկերության տնօրենը[1]։
2016 թվականից՝ Արցախի Հանրապետության քիքբոքսինգի ֆեդերացիայի նախագահ[1]։
2019 թվականի սեպտեմբերի 8-ին կայացած ընտրություններում նա ընտրվեց Ստեփանակերտի քաղաքապետ[2]։
Ամուսնացած է, ունի երկու որդի[1]։
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
