Դախաու (քաղաք)
From Wikipedia, the free encyclopedia
Բերգկիրխեն (գերմ.՝ Dachau [ˈdaxaʊ]), քաղաք Գերմանիայում, Բավարիա երկրամասի հարավում, Մյունխենից 17 կիլոմետր հեռավորության վրա։ Դախաուն հիմնադրվել է VIII դարում։ Այստեղ բնակվող մոտավորապես 40 հազար բնակիչների մեծ մասը աշխատում է Մյունխենում։
Անվան այլ կիրառումների համար տե՛ս՝ Դախաու (այլ կիրառումներ)
| Բնակավայր | |||
|---|---|---|---|
| Դախաու | |||
| գերմ.՝ Dachau | |||
| |||
 | |||
| Երկիր |  Գերմանիա | ||
| Համայնք | Դախաու | ||
| Մակերես | 34,96 կմ² | ||
| ԲԾՄ | 480 մետր | ||
| Բնակչություն | ▲48 195 մարդ (դեկտեմբերի 31, 2022)[1] | ||
| Հեռախոսային կոդ | 08131 | ||
| Փոստային դասիչ | 85221 | ||
| Պաշտոնական կայք | dachau.de | ||
| |||
Դախաուն քաղաքի կարգավիճակ է ստացել 1933 թվականի նոյեմբերի 15-ին։ Երկրորդ համաշխարհային պատերազմից հետո քաղաքն աճում էր հիմնականում Արևելյան Պրուսիայի վերաբնակիչների շնորհիվ։ Նրանք մի ամբողջ թաղամաս ստեղծեցին քաղաքի արևելքում։ Այդ աճի արդյունքում 1973 թվականի փետրվարի 1-ին Դախաուն ստացավ շրջանային կենտրոնի կարգավիճակ։
Դախաուի մասին առաջին գրավոր հիշատակումը վերաբերում է 805 թվականին։ Այդ թվականին Էրհան տոհմի կոմսը Ֆրայզինգի եպիսկոպոսին իր հողերը նվիրեց. այդ հողերը գտնվում էին Դախաու կոչվող վայրում։ Տարածքը, որտեղ գտնվում էր Դախաուն, այնքան էլ բարենպաստ չէր. հարավում՝ ճահիճ, հյուսիսում՝ անտառային բլուրներ, բայց քաղաքը հայտնվել էր գլխավոր ճանապարհի վրա, որ կապում էր Աուգսբուրգը և Մյունխենը։ Նման պայմանները Դախաուին արտոնություններ և գումար բերեցին, ինչպես նաև այստեղ պարբերաբար սկսեցին անցկացվել տոնավաճառներ։ Դրանցից առաջինը հիշատակվում է 1270 թվականին։ Քաղաքը լրջորեն ավերվեց Երեսնամյա պատերազմի ժամանակ. այն գրավեցին և թալանեցին շվեդական զորքերը։ XIX դարում Դախաուն իսկական բացահայտում եղավ նկարիչների համար։ Ճահճային տարածքը բնանկարիչների սիրելի վայրը դարձավ։ Շատ նկարիչներ սկսեցին այստեղ բնակվել։ Դախաուի անվան հետ ընդմիշտ կապվեցին Կառլ Շիպցվեգի, Մաքս Լիբերմանի, Լյուդվիգ Դիլի և շատ այլ նկարիչների անուններ։ XIX-ի վերջում և XX դարի սկզբին այստեղ կատակում էին, որ քաղաքի փողոցների յուրաքանչյուր տասներորդ անցորդը նկարիչ է։
Դախաուն հայտնի է որպես առաջին մեծ համակենտրոնացման ճամբար և հիմնվել է 1933 թվականին։ Երրորդ ռեյխը այստեղ կալանքի տակ էր պահում ռեժիմի հակառակորդների։ Այս ճամբար է բերվել մոտ 250 000 մարդ, որոնցից 70 000-ը զոհվել են։ Երկրորդ համաշխարհային պատերազմի հետո ճամբարի վայրում հուշահամալիր ստեղծվեց։
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
