Գալուստ Ադոնց

Գալուստ Թևոսի Ադոնց (մարտի 8, 1915(1915-03-08), Հին Գորիս - նոյեմբերի 15, 1997(1997-11-15), Երևան, Հայաստան), հայ կենսաքիմիկոս։ Կենսաբանական գիտությունների դոկտոր (1968), պրոֆեսոր (1980)։

Գալուստ Ադոնց
Ծնվել է	մարտի 8, 1915(1915-03-08) Հին Գորիս
Մահացել է	նոյեմբերի 15, 1997(1997-11-15) (82 տարեկան) Երևան, Հայաստան
Մասնագիտություն	կենսաքիմիկոս
Հաստատություն(ներ)	Լևոն Օրբելու անվան ֆիզիոլոգիայի ինստիտուտ
Ալմա մատեր	Երևանի պետական համալսարան (1941)
Գիտական աստիճան	կենսաբանական գիտությունների դոկտոր (1968) և պրոֆեսոր (1980)

Կենսագրություն

Գալուստ Ադոնցը ծնվել է 1915 թվականին Հին Գորիս գյուղում։ 1941 թվականին ավարտել է Երևանի պետական համալսարանը։ 1949 թվականից աշխատել է ՀԽՍՀ ԳԱ Ֆիզիոլոգիայի ինստիտուտում, 1953-1954 թվականներին եղել է տնօրեն, 1954-1958 թվականներին` փոխտնօրեն և կենսաքիմիայի բաժանմունքի վարիչ։ 1958-1961 թվականներին աշխատել է ՀԽՍՀ ԳԱ կենսաքիմիայի բաժանմունքում, 1961-1986 թվականներին` Կենսաքիմիայի ինստիտուտի ֆերմենտների լաբորատորիայի վարիչ^[1]։

Աշխատանքները վերաբերում են կենդանիների մոտ ածխաջրածնաֆոսֆորային փոփոխականության որոշ ֆերմենտային շարժընթացների առաջացմանն ու կարգավորմանը։

Ծանոթագրություններ

1. Ով ով է. Հայեր. Կենսագրական հանրագիտարան, հատոր առաջին, Երևան, 2005.