From Wikipedia, the free encyclopedia
Բրոնիսլավ Մարիա Կոմորովսկին (լեհ.՝ Bronisław Maria Komorowski[8], հունիսի 4, 1952[1][2][3], Oborniki Śląskie, Տշեբնիցկիյ, Ներքինսիլեզյան վոյեվոդություն, Լեհաստան), լեհ քաղաքական գործիչ, Լեհաստանի նախագահը 2010 թվականի օգոստոսի 6-ից մինչև 2015 թվականի օգոստոսի 6-ը։
| Բրոնիսլավ Կոմորովսկի | |
 | |
| Կուսակցություն՝ | Քաղաքացիական հարթակ, Ազատության միություն, Conservative People's Party? և Solidarity Electoral Action? |
|---|---|
| Կրթություն՝ | Վարշավայի համալսարան (1977) և Q9383141? (1971) |
| Մասնագիտություն՝ | քաղաքական գործիչ, պատմաբան և այլախոհ |
| Դավանանք | Հռոմի Կաթոլիկ եկեղեցի |
| Ծննդյան օր | հունիսի 4, 1952[1][2][3] (72 տարեկան) |
| Ծննդավայր | Oborniki Śląskie, Տշեբնիցկիյ, Ներքինսիլեզյան վոյեվոդություն, Լեհաստան |
| Դինաստիա | House of Komorowski (Korczak)? |
| Քաղաքացիություն |  Լեհաստան |
| Հայր | Զիգմունտ Կոմորովսկի |
| Մայր | Ջադվիգա Կոմորովսկա |
| Ամուսին | Աննա Կոմորովսկի |
| Կայք՝ | bronislawkomorowski.org |
| Ինքնագիր |  |
| Պարգևներ | |
Կոմարովսկին ավելի վաղ Լեհաստանի ազգային պաշտպանության նախարարի, իսկ այնուհետև Լեհաստանի Սեյմի Մարշալի պաշտոններն էր զբաղեցնում 2007 թվականի նոյեմբերի 5-ից մինչև 2010 թվականի հուլիսի 5-ը։ 2010 թվականի ապրիլի 10-ից հուլիսի 5-ը Լեհաստանի նախագահի պաշտոնակատար Լեխ Կաչինսկիի սպանությունից հետո 2010 թվականին «Քաղաքական պլատֆորմ» կուսակցությունից ընտրվել է երկրի նախագահ։
Ծնվել է Լեհաստանի Ազգային Հանրապետության հարավ-արևմուտքում, Օբորնիկի Սլյոնսկ քաղաքում[9], 1952 թվականի հունիսի 4-ին։ Ընտանիքում եղել է երկրորդ երեխան (երեքից) և տան միակ որդին[9][10]
.JPG)
1957-1959 թվականներին ընտանիքի հետ ապրել է Յուզեֆուվում, այնուհետև 1959-1966 թվականներին՝ Պրուշկուվայում, որտեղ ավարտել է միջնակարգ դպրոցը։ Եղել է լեհական սկաուտական կազմակերպության անդամ։ 1977 թվականին ավարտել է Վարշավայի համալսարանի Պատմության ֆակուլտետը։ 1977-1980 թվականներին աշխատել է Słowo Powszechne ամսագրի խմբագրությունում։
Մասնակցել է ժողովրդական ընդդիմության գործունեությանը, Անտոնի Մացիրևիչի հետ միասին հրատարակել է Głos ընդհատակյա ամսագիրը:1979 թվականի նոյեմբերի 11-ին մասնակցել է «Մարդու և քաղաքացու իրավունքների պաշտպանության շարժման» կազմակերպած բողոքի ցույցին, որի համար դատապարտվել է մեկ ամիս ազատազրկման։ 1980-1981 թվականներին աշխատել է «Համերաշխություն» արհմիության սոցիալական հետազոտությունների կենտրոնում։ 1981 թվականի սեպտեմբերի 27-ին, ի թիվս այլոց, հռչակագիր է ստորագրել «Անկախության ծառայության ակումբներ» կազմակերպության հիմնադրման մասին։ Ռազմական դրության ժամանակ որոշ ժամանակ պահվել է կալանքի տակ։ 1981-1989 թվականներին պատմություն է դասավանդել Կաթոլիկ սանկտուարիային կից ճեմարանում՝ Նեպոկալյանով։
1989-1990 թվականներին եղել է քաղաքական կազմակերպությունների և ասոցիացիաների հետ համագործակցության հարցերով նախարարի՝ Ալեքսանդր Հալլի աշխատակազմի ղեկավար։ 1990-1993 թվականներին զբաղեցրել է Ազգային պաշտպանության նախարարի տեղակալի պարտականությունները Թադեուշ Մազովեցկու, Յան Բելեցկու և Հաննա Սուխոցկայայի կառավարությունում։ 1990-ական թվականների սկզբին մասնակցել է սկզբում Ժողովրդավարական ունիայի գործունեությանը։ Լինելով Ժողովրդավարական ունիա կուսակցության թեկնածու՝ 1991 և 1993 թվականներին ընտրվել է Լեհաստանի Սեյմի անդամ։ 1997 թվականին մտել է «Koło Konserwatywno-Ludowe» խորհրդարանական խումբ, որը գլխավորում էր Յան Ռոքիտան, որը հետագայում միացավ «Համերաշխության ընտրական ակցիա» դաշինքին և կազմավորվեց «Stronnictwo Konserwatywno-Ludowe»-ը։
Մասնակցել է կեղծ մեղադրանքների ակցիային, որոնք ներկայացվել էին Լեհաստանի պաշտպանության նախարար դոկտոր Ռոմուալդ Շերեմետևի դեմ 1992 թվականին։ Կոմորովսկին այն ժամանակ հայտարարել էր, որ եթե դատարանը արդարացնի Շերեմետևին, նա կլքի Լեհական քաղաքականությունը։ Ի հեճուկս այն բանի, որ 2010 թվականի նոյեմբերի 8-ին դատարանը Շերեմետևոյին անմեղ է ճանաչել, Կոմարովսկին մինչև հիմա հրաժարական չի տվել։
2007 թվականի նոյեմբերի 5-ին Սեյմի 6-րդ գումարման առաջին նիստում Բրոնիսլավ Կոմորովսկին 292 ձայների բացարձակ մեծամասնությամբ ընտրվել է Սեյմի Մարշալ։ Նրա մրցակից Քշիշտոֆ Պուտրան «Իրավունք և արդարություն» կուսակցությունից ստացել է 160 ձայն։ 2010 թվականի հուլիսի 8-ին Լեհաստանի նախագահի պաշտոնում ընտրվելուց հետո, հրաժարվել է Սեյմի Մարշալի պաշտոնից և հանձնել պատգամավորական մանդատը։
2010 թվականի օգոստոսի 6-ին տեղի է ունեցել Կոմորովսկու հրապարակային երդումը, որը ստանձնել է նախագահի պաշտոնը։
2015 թվականի օգոստոսի 6-ին իր լիազորությունները փոխանցել է ընտրված նախագահ Անջեյ Դուդային։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
