Բյուրեղային ցանց

Բյուրեղային ցանց, բյուրեղային վիճակում նյութին հատուկ մասնիկների (ատոմներ, իոններ, մոլեկուլներ) կանոնավոր դասավորությունը, որ բնորոշվում է երեք չափումներում պարբերական կրկնությամբ։ Կազմված է բյուրեղների կառուցվածքը բնութագրող կրկնվող բջիջներից։ Ըստ բյուրեղի համաչափության տարրական բջիջը կարող է լինել շեղանկյուն կամ ուղղանկյուն զուգահեռանիստ, քառանկյուն կամ վեցանկյուն պրիզմա, խորանարդ։ Բյուրեղային ցանցի մաթեմատիկական սխեման, որում պահպանվում են միայն տեղափոխումների երկրաչափական պարամետրերը և ցույց չի տրվում ատոմների կոնկրետ տեղաբաշխումը տվյալ կառուցվածքում, այն կոչվում է տարածական ցանց։ Բյուրեղային ցանցով է պայմանավորված բյուրեղների անիզոտրոպությունը, նիստերի հարթ լինելը, անկյունների կայունությունը և այլ հատկություններ։

Բրավեյի ցանցերի տեսակները
Պարզ	Չկենտրոնացված	Կողակենտրոնացված	Ծավալակենտրոնացված	Կրկնակի ծավալակենտրոնացված-

NaCl քարաղի բյուրեղային ցանցը

Ցանցերի դասակարգումը ըստ համաչափության

• Ցածր կատեգորիա
• Եռասեպ։ ${\displaystyle a\neq b\neq c}$, ${\displaystyle \alpha \neq \beta \neq \gamma \neq 90^{\circ }}$
  • Միասեպ։ ${\displaystyle a\neq b\neq c}$, ${\displaystyle \alpha =\gamma =90^{\circ },\beta \neq 90^{\circ }}$
  • Շեղանկյունային։ ${\displaystyle a\neq b\neq c}$, ${\displaystyle \alpha =\beta =\gamma =90^{\circ }}$
• Միջաին կատեգորիա
  • Քառանիստային։ ${\displaystyle a=b\neq c}$, ${\displaystyle \alpha =\beta =\gamma =90^{\circ }}$
  • Վեցանիստային։ ${\displaystyle a=b\neq c}$, ${\displaystyle \alpha =\beta =90^{\circ },\gamma =120^{\circ }}$
• Բարձր կատեգորիա
  • Խորանարդային։ ${\displaystyle a=b=c}$, ${\displaystyle \alpha =\beta =\gamma =90^{\circ }}$

Վիքիպահեստն ունի նյութեր, որոնք վերաբերում են «Բյուրեղային ցանց» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 482)։