Բաշխականություն

Բաշխականություն, դիստրիբուտիվություն (լատին․՝ distributivus - բաշխական), գործողությունների հատկություն (սովորական իմաստով արտադրյալի հատկություն գումարի նկատմամբ)։ Թվերի դեպքում արտահայտվում է ${\displaystyle (a+b)c=ac+bc}$ նույնությամբ։ Ընդհանուր դեպքում ${\displaystyle R}$՝ բազմության վրա տրված ${\displaystyle f}$ հանրահաշվական գործողությունը կամ ${\displaystyle f}$ օպերատորը բաշխական է ${\displaystyle R}$-ի վրա տրված ${\displaystyle *}$ հանրահաշվական գործողության նկատմամբ, եթե ${\displaystyle R}$-ի բոլոր տարրերի համար ${\displaystyle f(a*b)=f(a)*f(b)}$։ Օրինակ, բազմությունների գումարի ${\displaystyle (\cup )}$ և հատման ${\displaystyle (\cap )}$ գործողությունները բաշխական են միմյանց նկատմամբ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 292)։