Արշավիր Խորենի Թորամանյան (հունիսի 20, 1927[1], Բուխարեստ, Ռումինիա - 2009, Երևան, Հայաստան), ճարտարապետության պատմաբան։ Ճարտարապետության դոկտոր (1974), պրոֆեսոր (1977): Հայաստանի ճարտարապետների միության անդամ (1973)[2]։
- Վիքիպեդիայում կան հոդվածներ Թորամանյան ազգանունով այլ մարդկանց մասին։
| Արշավիր Թորամանյան | |
|---|---|
| Ծնվել է | հունիսի 20, 1927[1] |
| Ծննդավայր | Բուխարեստ, Ռումինիա |
| Մահացել է | 2009 |
| Մահվան վայր | Երևան, Հայաստան |
| Քաղաքացիություն |  ԽՍՀՄ և  Հայաստան |
| Կրթություն | ՀԱՊՀ (1954) |
| Կոչում | պրոֆեսոր և պրոֆեսոր |
| Գիտական աստիճան | ճարտարապետության դոկտոր (1974) |
| Մասնագիտություն | ճարտարապետության պատմաբան |
| Աշխատավայր | ՀԱՊՀ և Ճարտարապետության և շինարարարության Հայաստանի ազգային համալսարան |
| Անդամություն | Հայաստանի ճարտարապետների միություն |
Արշավիր Թորամանյանը ծնվել է 1927 թվականի հունիսի 20-ին, Բուխարեստ քաղաքում։ 1948 թվականին հայրենադարձել է։ 1954 թվականին ավարտել է Երևանի պոլիտեխնիկական ինստիտուտը։ 1965-1978 թվականներին դասավանդել է Քիշնևի պոլիտեխնիկական ինստիտուտում (1975-1978 թվականներին՝ ճարտարապետության ամբիոնի վարիչ), 1978 թվականից՝ Երևանի պոլիտեխնիկական ինստիտուտում (1988-1991 թվականներին՝ Երևանի պետական ճարտարապետաշինարարական համալսարանի արդյունաբերական և քաղաքացիական ճարտարապետության, 1991-1994 թվականներին՝ ճարտարապետության տեսության և պատմության ամբիոնների վարիչ)[3]։
Աշխատությունները հիմնականում վերաբերում են Հայաստանի, Մոլդովայի, նաև Բալկանյան երկրների ճարտարապետության պատմությանն ու մշակութային առնչություններին, Հայաստանի, Մոլդովայի, Ռումինիայի տարածքներում հայկական ճարտարապետական հուշարձանների ուսումնասիրությանը[4], Հայաստանի ճարտարապետության և քրիստոնյա Արևելքի ու Հարավ-արևելյան Եվրոպայի շինարվեստի հետ նրա կապերին[5]։
Մահացել է 2009 թվականին, Երևանում։ Թաղված է Երևանի Շահումյանի գերեզմանատանը[6]։
- К вопросу об армяно-молдавских архитектурных связах / А. Х. Тораманян, АН АрмССР. Б. м., Б. и., 1972.[7]
- Об архитектуре крепостных сооружений Молдавии: Армянские параллели) / А. Х. Тораманян, АН АрмССР., Б. м.: Б. и., 1974.[8]
- Армянские архитектурные памятники Молдавии XIV в. / Аршавир Тораманян, АН АрмССР, Ин-т искусств, II Междунар. симп. по арм. искусству. Ереван, Изд-во АН АрмССР, 1978.[9]
- Զվարթնոց, Գագկաշեն։ [Ճարտարապետական գիտական ուսումնասիրություն], Երևան, «Սովետական գրող», 1984 (համահեղինակ)[10]։
- Մոլդավիայի հայկական պատմաճարտարապետական հուշարձանները, Երևան, 1986[11]։
- Крестовокупольные композиции Армении и Византии V-VII веков / С. Х. Мнацаканян, Отв. ред. А. Х. Тораманян, Ин-т искусств АН АрмССР. Ереван, Изд-во АН АрмССР, 1989.
- Из истории строительной деятельности армян в Молдавии, М., 1991.[12]
- Средневековая архитектура Армении и балканских стран, Е., 2003.[13]
- Ճարտարապետական պատկերազարդ բառարան։ Երևան, «Անահիտ», 2007[14]։
- Arhitectura medievală a Armeniei şi a ţărilor balcanice / By A. Tormanian, translated by I. Antonian. Bucureşti, Ararat, 2013.[15]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
