Արամ Բակալյան

Արամ Բակալյան (1878^[1], Կոստանդնուպոլիս, Օսմանյան կայսրություն^[1] - 1959^[1], Փարիզ, Ֆրանսիա^[1]), հայ նկարիչ։

Արամ Բակալյան
Ծնվել է	1878[1]
Ծննդավայր	Կոստանդնուպոլիս, Օսմանյան կայսրություն[1]
Վախճանվել է	1959[1]
Մահվան վայր	Փարիզ, Ֆրանսիա[1]
Ազգություն	հայ
Կրթություն	Ժյուլիանի ակադեմիա[1]
Մասնագիտություն	նկարիչ

Կենսագրություն

Արամ Բակալյանը ծնվել է Կոստանդնուպոլսում։ Սովորել է տեղի Գեղարվեստի դպրոցում։ 1902 թվականին մեկնել է Փարիզ և հետևել Ժյուլիանի ակադեմիայի գեղանկարչական դասընթացներին։ Ուսումն ավարտելուց հետո վերադարձել է ծննդավայր, իսկ 1919 թվականից հաստատվել Փարիզում^[2] ։ Արամ Բակալյանի ստեղծագործությունը հարում է ռեալիզմին։ Գլխավորապես նկարել է բնանկարներ և նատյուրմորտներ։ Ցուցադրվել է Ֆրանսիական արվեստագետների սալոնում։ 1932 թվականին Փարիզում կազմակերպել է անհատական ցուցահանդես։ Արամ Բակալյանի շուրջ 10 գործեր, այդ թվում «Գետային նավակայան։ Փարիզ», «Քաղաքային տեսարան», «Նատյուրմորտ» և այլն, պահվում են Հայաստանի ազգային պատկերասրահում։

Ստեղծագործություններ

• «Նատյուրմորտ»^[3]
• «Կնոջ դիմանկար»^[4]
• «Գետային նավակայան. Փարիզ»^[5]
• «Տնակը ծովափին»^[6]
• «Ձուկ են բռնում»^[7]
• «Գյուղական բնանկար»^[8]
• «Բնանկար»^[9]
• «Ծովային բնանկար»^[10]

Ցուցահանդեսներ

Արամ Բակալյանի աշխատանքները ցուցադրվել են ֆրանսիացի արվեստագետների սալոնում։ 1932 թվականին անհատական ցուցահանդես է ունեցել Փարիզում։