Առլեն Ֆրենսիս

Առլեն Ֆրենսիս (Առլեն Սարգսի Գազանճյան, անգլ.՝ Arlene Francis, հոկտեմբերի 20, 1907(1907-10-20)^[1][2][3], Բոստոն, ԱՄՆ^[4][5] - մայիսի 31, 2001(2001-05-31)^{[6][7][1][…]}, Սան Ֆրանցիսկո, Կալիֆոռնիա, ԱՄՆ^[6]), հայազգի ամերիկյան դերասանուհի, հեռուստաաստղ։ 1973 թվականին արժանացել է «Տարվա կին» տիտղոսին։

Առլեն Ֆրենսիս անգլ.՝ Arlene Francis
Ծնվել է	հոկտեմբերի 20, 1907(1907-10-20)[1][2][3]
Ծննդավայր	Բոստոն, ԱՄՆ[4][5]
Մահացել է	մայիսի 31, 2001(2001-05-31)[6][7][1][…] (93 տարեկան)
Մահվան վայր	Սան Ֆրանցիսկո, Կալիֆոռնիա, ԱՄՆ[6]
Գերեզման	Roosevelt Memorial Park
Կրթություն	Ֆինչ քոլեջ
Քաղաքացիություն	ԱՄՆ
Մասնագիտություն	ինքնակենսագիր, հեռուստահաղորդավարուհի, ռադիոհաղորդավար, թատրոնի դերասանուհի, կինոդերասանուհի և Խաղային շոուի հաղորդավար
Աշխատավայր	Դաշնային թատերական նախագիծ
Ընտրանի	What's My Name??
Ամուսին(ներ)	Մարտին Գաբել
Երեխա(ներ)	Փիթեր Գաբել
Պարգևներ և մրցանակներ	Հոլիվուդյան փառքի ծառուղու աստղ

Կենսագրություն

Ծնվել է Բոստոնում։ Սովորել է Նյու Յորքի Գիլդ դրամատիկական դպրոցում։ Արվեստի աշխարհ է մուտք գործել 1937 թվականին։ Աշխատել է ռադիոյում՝ ստեղծելով 11 անուն հաղորդումներ, թատրոնում (գլխավոր դերերով հանդես է եկել «Մորաքույր Ջենի», «Դանտոնի մահը», «Առյուծը ձմռանը», «Չին-Չին» և այլ ներկայացումներում), 1950 թվականից՝ հեռուստատեսությունում. ստեղծել է տասից ավել հաղորդումներ («Տունը», «Առլին Ֆրենսիս շոու», «Ինչ է իմ ասելիքը» և այլն), խմբագրել ԷնԲիՍի ընկերության «Հոմ» հեռուստահանդեսը։

Նկարահանվել է «Ֆեդորա», «Բեմահարթակի մարզիչը», «Մեկ, երկու, երեք», «Բոլորն իմ որդիներն են», «Ցնցեք նրանց բոլորին» և այլ ֆիլմերում։

Գրել է 3 գիրք («Այդ որոշակի անորոշությունը», «Հմայքի կախարդանքը»), որոնք մեծ հաջողություն են ունեցել։

Նրա անունն ընդգրկվել է «Ամերիկայի հռչակավոր կանայք» ժողովածուում (1975) և «Ով ով է ամերիկուհիների աշխարհում» տեղեկատու գրքում։ Կապված է եղել հայկական շրջանակներին։ Մահացել է Սան Ֆրանցիսկոյում^[8][9]։