Աննա Նշանյան

Աննա Նշանյան (Աննա Իսահակի Փափազյան, դեկտեմբերի 12, 1931(1931-12-12), Կահիրե, Եգիպտոս - հուլիսի 24, 2024(2024-07-24), Լոս Անջելես, Կալիֆոռնիա, ԱՄՆ), հայ օպերային երգչուհի, սոպրանո։ ՀԽՍՀ վաստակավոր արտիստ (1970)։

Աննա Նշանյան
Ծնվել է	դեկտեմբերի 12, 1931(1931-12-12)
Ծննդավայր	Կահիրե, Եգիպտոս
Մահացել է	հուլիսի 24, 2024(2024-07-24) (92 տարեկան)
Մահվան վայր	Լոս Անջելես, Կալիֆոռնիա, ԱՄՆ
Քաղաքացիություն	ԱՄՆ և  Հայաստան
Կրթություն	Երևանի Կոմիտասի անվան պետական կոնսերվատորիա
Մասնագիտություն	երաժիշտ
Պարգևներ և մրցանակներ
Երեխաներ	Ժան-Պիեր Նշանյան

Կենսագրություն

Աննա Նշանյանը ծնվել է 1931 թվականին Եգիպտոսում։ Բեմել է 1945 թվականին Եգիպտոսում՝ հանդես գալով Անուշի դերով («Անուշ» օպերա)։ Ավարտել է Եգիպտոսի Գալուստյան ազգային նախակրթական վարժարանը։ 2 տարի հաճախել է իտալացի պրոֆեսոր Պոջոլինոյի դասընթացներին, ապա սովորել ֆրանսիացի օպերային երգչուհի Մադլեն Սուրոնի մոտ։ 1952 թվականին առաջին անգամ ժամանել է Երևան և հանդես եկել համերգային ծրագրով։ 1959 թվականին Խորհրդային Հայաստանի ղեկավարության հրավերով տեղափոխվել է Երևան, եղել է Երևանի Օպերայի և բալետի պետական ակադեմիական թատրոնի մեներգչուհի։ 1963 թվականին ավարտել է Երևանի Կոմիտասի անվան պետական կոնսերվատորիան^[1]։

1980 թվականից բնակվել և ստեղծագործել է ԱՄՆ-ում։

Մահացել է 2024 թվականի հուլիսի 23-ին, ԱՄՆ-ի Լոս Անջելես քաղաքում^[2]։

Գործունեություն

Համերգներով հանդես է եկել աշխարհի մի շարք հայտնի բեմերում։ Կատարել է Վոլֆգանգ Ամադեուս Մոցարտի, Մասինիի, Ժորժ Բիզեի, Ջուզեպպե Վերդիի, Մոդեստ Մուսորգսկու ստեղծագործություններից։ Հյուրախաղերով եղել է Խորհրդային միության, Չեխոսլովակիայի, Ֆրանսիայի, Եգիպտոսի, Լիբանանի, Կանադայի, ԱՄՆ-ի, Ավստրալիայի, Սիրիայի մի շարք քաղաքներում։

Դերերգեր

• Անուշ՝ Հովհաննես Թումանյանի «Անուշ»
• Իշխանուհի Աննա՝ Ա. Հարությունյանի «Սայաթ-Նովա»
• Շուշան՝ Արմեն Տիգրանյանի «Դավիթ Բեկ»
• Օլիմպիա՝ Տիգրան Չուխաճյանի «Արշակ Երկրորդ»
• Վիոլետա՝ Ջուզեպպե Վերդիի «Տրավիատա»
• Դեզդեմոնա՝ Ջուզեպպե Վերդիի «Օթելլո»

Ֆիլմեր

• Հրաչյա Ղափլանյանի «Քաղաքավարության վնասներ», 1964
• «Մսյո Ժակը և ուրիշները», 1964
• «Երգում է Աննա Նշանյանը», 1976^[3]

Պարգևներ, մրցանակներ

• ՀԽՍՀ վաստակավոր արտիստ, 1970
• ԽՍՀՄ շնորհակալագրական պատվոգիր, 1977
• «Famous Opera Singer» կոչում
• Հայաստանի մշակույթի նախարարության ոսկե մեդալ, 2013

Ընտանիք

• Որդի՝ Ժան-Պիեր Նշանյան
• Թոռ՝ Արման Նշանյան

Ծանոթագրություններ

1. «Աննա Նշանյանի մասին zarkfoundation.com կայքում».
2. «ԱՆՆԱ ՆՇԱՆՅԱՆ».
3. «Երգում է Աննա Նշանյանը». Արխիվացված է օրիգինալից 2023 թ․ ապրիլի 20-ին. Վերցված է 2023 թ․ ապրիլի 20-ին.

Արտաքին հղումներ

• Anna Nshanyan tribute