Ամբուլատորիա

Ամբուլատորիա, բուժկանխարգելիչ հիմնարկ, որը որակյալ բժշկական օգնություն է ցույց տալիս տանը և երթևեկ հիվանդներին։ Ի տարբերություն պոլիկլինիկայի՝ ամբուլատորիայում աշխատում են սահմանափակ թվով մասնագետներ՝ թերապևտ, վիրաբույժ, մանկաբարձ-գինեկոլոգ, մանկաբույժ, ստոմատոլոգ։ Իսկ այլ բնույթի բուժօգնության կարիք ունեցող անձանց ամբուլատորիան ուղարկում է համապատասխան բուժկանխարգելիչ հիմնարկ։

Ամբուլատորիա Խաբարովսկ քաղաքում

Ամբուլատորիայի աշխատանքները կազմակերպվում են տարածքատեղամասային սկզբունքով՝ ըստ բնակավայրի և աշխատավայրի։ Գյուղական վայրերում գործում են նաև շարժական ամբուլատորիաներ։ Բացի բուժաշխատանքներից, ամբուլատորիայի անձնակազմը պարտավոր է նաև սպասարկվող տեղամասերում անցկացնել կանխարգելիք և սանհակահամաճարակային միջոցառումներ։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հանրամատչելի բժշկական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

Վիքիպահեստն ունի նյութեր, որոնք վերաբերում են «Ամբուլատորիա» հոդվածին։