From Wikipedia, the free encyclopedia
Աղավնին նստել է ճյուղին և մտածում է գոյության մասին (շվեդ.՝ En duva satt på en gren och funderade på tillvaron), Ռոյ Անդերսոնի սև կատակերգությունը, որն արժանացել է Վենետիկի կինոփառատոնի բարձրագույն` «Ոսկե առյուծ» մրցանակի։ Ֆիլմը եռագրության եզրափակիչ մասն է, որի մեջ մտնում են նաև «Երգեր երկրորդ հարկից» և «Դո՛ւ, ապրող» ֆիլմերը։
![]() | |
Երկիր | ![]() ![]() ![]() ![]() |
Ժանր | կինոկատակերգություն[2][3] և դրամա[2][3] |
Թվական | 2014, հունվարի 1, 2015[1][4] և մարտի 19, 2015[5][6] |
Լեզու | շվեդերեն |
Ռեժիսոր | Ռոյ Անդերսոն[1][2][7][…] |
Պրոդյուսեր | Ֆիլիպ Բոբեր[8] և Պերնիլա Սանդստրոմ[8] |
Սցենարի հեղինակ | Ռոյ Անդերսոն[1] |
Դերակատարներ | Հոլգեր Անդերսոն[9][3], Նիլս Ուեսթբլոմ[9][3], Շառլոտա Լարսոն[9], Վիկտոր Գիլենբերգ[9][3], Lotti Törnros?[9][3], Jonas Gerholm?[9][3], Օլա Ստենսոն[9][3], Օսկար Սալոմոնսոն[9] և Roger Olsen Likvern?[9] |
Տևողություն | 101 րոպե |
Նախորդ | You, the Living? |
Պաշտոնական կայքէջ |
Ռեժիսորն ի նկատի ունի Պիտեր Բրեյգել Ավագի հայտնի Որսորդները ձյան վրա կտավը, որտեղ կարելի է տեսնել ծառի ճյուղին նստած թռչունների, որոնք ասես զննում են ողջ տեսարանը[10]։ «Թռչունը,-մտորում է Անդերսոնը,-ապշած է նրանից, որ ծառի տակ նստած որսորդները չեն տեսնում քաոսը, որն անկասելիորեն մոտենում է»[11]։
Ֆիլմի գործողությունները բաղկացած են 39 տրագիկոմիկ սքետչերից և տեղի են ունենում արևմտաեվրոպական անորոշ մի երկրում, ենթադրաբար, Շվեդիայում։ Հերոսները փոխարինում են միմյանց. սյուժեի հիմնական ծանրաբեռնվածությունն ընկած է տարօրինակ մի զույգի վրա, որոնցից մեկն արտաքինից ինչ-որ չափով զոմբի հիշեցնող անպետք սպասք վաճառող է, մյուսը` նրա` մտավոր հետամնաց ընկերը։ Ֆիլմում տիրում է համատարած հարաբերականապաշտություն. ըստ հայտնի կինոքննադատ Վալերի Կիչինի`
Մանրանկարները հավատարիմ են միասնական ոճին ու կանգնած ռիթմին, սակայն հեշտորեն անցնում են ժամանակի միջով մեկ դեպի այժմ սառած հերոսների բուռն երիտասարդություն, մեկ` Կառլ XII-ի ժամանակաշրջան, որը միանգամից ձիով ճանապարհի պանդոկ է մտել և այնտեղ աչք է դրել սիրունատես ռուս բարմենի վրա` Պոլտավայի անկումից անմիջապես առաջ[12]։
Ֆիլմի հիմնական բաղկացուցիչ դրվագները նկարահանվել են մինիմալիստական ոգով, թատերական ձևով` չշարժվող տեսախցիկի օգնությամբ. միզանսցենները համահունչ են Էդվարդ Հոփփերի կտավներին։
Ֆիլմում առկա են ռեմինիսցենցիաներ Սերվանտեսի «Դոն Կիխոտից» և Դոստոևսկու «Ոճիր և պատիժից»։ Ֆիլմի պոետիկան նման է Սեմյուել Բեքեթի աբսուրդի թատրոնին[13].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.