Ալեք Մանուկյան

Ալեք Թագավորի Մանուկյան (հունիսի 28, 1901(1901-06-28), Զմյուռնիա, Այդինի վիլայեթ, Օսմանյան կայսրություն^[1] - հուլիսի 10, 1996(1996-07-10), Դետրոյթ, Միչիգան, ԱՄՆ), հայ հասարակական գործիչ, մեծահարուստ բարերար, ճարտարագետ, արդյունաբերող։ Հայաստանի ազգային հերոս (1994)։

Անվան այլ կիրառումների համար տե՛ս՝ Մանուկյան (այլ կիրառումներ)

Ալեք Մանուկյան
Ծնվել է	հունիսի 28, 1901(1901-06-28)
Ծննդավայր	Զմյուռնիա, Այդինի վիլայեթ, Օսմանյան կայսրություն[1]
Մահացել է	հուլիսի 10, 1996(1996-07-10) (95 տարեկան)
Մահվան վայր	Դետրոյթ, Միչիգան, ԱՄՆ
Գերեզման	Մայր Աթոռ Սուրբ Էջմիածին և Վուդլոն գերեզմանատուն[2]
Քաղաքացիություն	ԱՄՆ և  Հայաստան
Ազգություն	հայ
Մասնագիտություն	հասարակական գործիչ, ձեռնարկատեր, գյուտարար և ճարտարագետ
Աշխատավայր	Մասկո
Զբաղեցրած պաշտոններ	ընկերության նախագահ
Պարգևներ և մրցանակներ	և
Անդամություն	ՀԲԸՄ
Երեխաներ	Լուիզ Սիմոն Մանուկյան
Alex Manoogian Վիքիպահեստում

Կենսագրություն

1920 թվականից ապրել է ԱՄՆ-ում, 1924 թվականից՝ հաստատվել Դետրոյթում։ 1930 թվականից անդամագրվել է ՀԲԸՄ-ին։ 1953-1989 թվականներին՝ ՀԲԸՄ կենտրոնական վարչական ժողովի նախագահ, 1970 թվականից՝ ցկյանս նախագահ, 1989 թվականից՝ ցկյանս պատվավոր նախագահ։ 1929 թվականին հիմնել է սեփական ձեռնարկություն, որը վերածվել է ավտոմասեր արտադրող (Մասկո) միջազգային ընկերության։ Մանուկյանի գործունեությունն ուղղված է եղել սփյուռք-հայրենիք կապերի ընդլայնմանն ու ամրապնդմանը։ 1994 թվականին Մանուկյանին շնորհվել է Հայաստանի քաղաքացիություն։ Պարգևատրվել է բազմաթիվ պատվո շքանշաններով, արժանացել մի շարք համալսարանների պատվո դոկտորի կոչման։

Ալեք Մանուկյանը մահացել է 1996 թվականի հուլիսի 10-ին, Դետրոյթում։ 2007 թվականի հուլիսի 17-ին Ալեք Մանուկյանի և նրա կնոջ՝ Մարի Մանուկյանի աճյունները վերահուղարկավորվել են Սուրբ Էջմիածին եկեղեցու բակում, և ամեն տարի Բարեկենդանի տոնին առանձին հիշատակվում են Մանուկյան ամուսինների անունները^[3]։

Հետաքրքիր փաստեր

• Ալեք Մանուկյանը ունեցել է ընդամենը 50 դոլար, երբ 1920 թվականին ոտք է դրել Ամերիկայի Միացյալ Նահանգներ^[4]։

Ի հիշատակ

2006 թվականին Հայաստանում թողարկված նամականիշ. Պողոս Նուբար և Ալեք Մանուկյան

• 2006 թվականին Հայաստանում թողարկվել է նամականիշ՝ նվիրված Ա. Մանուկյանին։
• Երևանում, Գյումրիում, Սպիտակում և Արցախում Ա. Մանուկյանի անունով անվանվել են փողոցներ։

Կատարած գյուտերը

• Ժամանակակից ջրի ծորակի հայտնագործություն^[5][6]։

Ծանոթագրություններ

1. Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
2. Find A Grave — 1996.
3. «Масленица Преображенского поста в Армянской Апостольской Церкви». РИА Новости. Վերցված է 2015 թ․ դեկտեմբերի 6-ին.
4. Փարսադանյան, Ալբերտ (2006). Գիտելիքների շտեմարան-3.Գիտե՞ք որ ... Երևան: ՎՄՎ Պրինտ. էջ 29.
5. Պողոսյան, Ժաննա. «Ինչպես Ալեք Մանուկյանը ստեղծեց ջրի միաբռնակ ծորակը». 168 Ժամ. Վերցված է 2015 թ․ դեկտեմբերի 6-ին.
6. «Հայտնագործություններ. ջրի ծորակ». www.1tv.am. Վերցված է 2015 թ․ դեկտեմբերի 6-ին.(չաշխատող հղում)

Վիքիպահեստն ունի նյութեր, որոնք վերաբերում են «Ալեք Մանուկյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 253)։