Ալեքսիոս Ա Կոմնենոս

Ալեքսիոս Ա Կոմնենոս (հուն․՝ Ἀλέξιος Α' Κομνηνός), (1048^{[1][2][3][…]}, Կոստանդնուպոլիս, Բյուզանդական կայսրություն - օգոստոսի 15, 1118(1118-08-15)^[4], Կոստանդնուպոլիս, Բյուզանդական կայսրություն), բյուզանդական կայսր 1081-1118 թվականներին։ Լինելով Իսահակ Կոմնենոսի ազգականը` Ալեքսիոսը զավթեց գահը 1081 թվականին, ինչի հետևանքով ավելի քան հարյուր տարի Բյուզանդիայում իշխեց Կոմնենոսների տոհմը։

Ալեքսիոս Ա Կոմնենոս
Բյուզանդական կայսրության կայսր
Իշխանություն	1081-1118
Հունարեն	Ἀλέξιος Α' Κομνηνός
Ծնվել է՝	1048[1][2][3][…]
Ծննդավայր	Կոստանդնուպոլիս, Բյուզանդական կայսրություն
Մահացել է՝	օգոստոսի 15, 1118(1118-08-15)[4] բնական մահով
Վախճանի վայր	Կոստանդնուպոլիս, Բյուզանդական կայսրություն
Երկիր	Բյուզանդական կայսրություն
Նախորդ	Նիկեփորոս Գ
Հաջորդող	Հովհաննես Բ Կոմնենոս
Տոհմ	Կոմնենոսների հարստություն
Հայր	John Komnenos?
Մայր	Աննա Դալասսենե
Երեխաներ	Աննա Կոմնենե[5][6], Maria Komnene?, Հովհաննես Բ Կոմնենոս, Andronikos Komnenos?, Իսահակ Կոմնենոս, Eudokia Komnene?, Թեոդորա Կոմնենե և Barbara Komnena?

Ստանալով թուլացած և սելջուկների ու նորմանների կողմից ասպատակվող կայսրություն` Ալեքսիոսը կարողացավ կայունացնել Բյուզանդիայի սահմանները։ Նրա կառավարման օրոք տեղի ունեցան ծավալուն բարեփոխումներ, որով էլ սկսվեց կայսրության «երկրորդ վերածնունդը»։

Սակայն Ալեքսիոսի կառավարման օրոք ի հայտ եկան նաև բացասական երևույթներ. տնտեսական կյանքում մեծացավ իտալական վաճառականների դերը, կայսրության տարածքում ուժեղացան մանր ֆեոդալները։ Այդ երևույթների խորացման հետևանքով Բյուզանդիան 1204 թվականին չկարողացավ դիմադրություն ցույց տալ խաչակիրներին և տրոհվեց մանր պետությունների։