Ազդեցության ոլորտ

Ազդեցության ոլորտ, կախյալ երկրի տարածքը կամ նրա մի մասը, որտեղ տերությունը կամ կազմակերպությունն ունի մենաշնորհային տնտեսական և քաղաքական ազդեցություն։ «Ազդեցություն ոլորտ» հասկացությունը ծագել է XIX դարի երկրորդ կեսին՝ եվրոպական պետությունների միջև Աֆրիկան բաժանելու կապակցությամբ։ Այսպես կոչված իմպերիալիստական տերությունները (Մեծ Բրիտանիա, Ֆրանսիա, Իտալիա, Գերմանիա, Պորտուգալիա, ԱՄՆ, Ռուսաստանը և այլն) համաձայնագրերով փոխադարձաբար ճանաչում էին միմյանց իրավունքներն այս կամ այն տերիտորիայի նկատմամբ և որոշում իրենց ազդեցության ոլորտի սահմանները որևէ աշխարհամասում։ Երկրորդ համաշխարհային պատերազմից հետո ազգային–ազատագրական շարժումների վերելքի շնորհիվ ազդեցության ոլորտը, որպես միջազգային իրավական հասկացություն, վերացել է։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 115)։

Վիքիպահեստն ունի նյութեր, որոնք վերաբերում են «Ազդեցության ոլորտ» հոդվածին։

Ծաղրանկար, որում փորձ է կատարվում ցույց տալ Միացյալ Նահանգների ազդեցության ոլորտի տարածումը Լատինական Ամերիկայի վրա (Մոնրոյի դոկտրինա)