From Wikipedia, the free encyclopedia
2016 թվականի նոյեմբերի 30-ի դրությամբ Ամերիկայի Միացյալ Նահանգների մշտական բնակչությունը կազմում է 325,110,000 մարդ՝ դարձնելով այն աշխարհի երրորդ ամենաբնակեցված երկիրը[1]։ Ուրբանիզացման մակարդակը կազմում է 81% 2014 թվականի տվյալներով (աշխարհի միջինը կազմում է 54%)[2]։ Ամենաբնակեցված նահանգներն են Տեխասը և Կալիֆորնիան[3]։ Երկրի ամենաբնակեցված քաղաքը Նյու Յորքն է[4]։ Բնակչության միջին կենտրոնը աստիճանաբար տեղափոխվել է արևմուտք և հարավ[5]։
 | |
| Բնակչություն | 324,954,000 (3-րդ) |
|---|---|
| Խտություն | 32.54 մարդ/կմ2 (180-րդ) |
| Աճի գործակից |  0.77% (143rd) |
| Ծնելություն | 13.42 ծնունդ/1,000 բնակչություն (147-րդ) |
| Մահացություն | 8.15/1,000 բնակչություն (100-րդ) |
| Կյանքի տևողություն | 79.56 տարի (36-րդ) |
| • տղամարդիկ | 77.11 տարի |
| • կանայք | 81.94 տարի |
| Պտղաբերություն | 1.84 երեխա/կին (123-րդ) |
| Մանկական մահացություն | 6.17 մահ/1,000 կենդանի ծնունդ |
| Զուտ միգրացիա | 2.45 միգրանտներ/1,000 բնակչություն |
| 0–14 տարեկան | 19.4% |
| 15–64 տարեկան | 66.2% |
| 65 և ավել | 14.4% |
| Ազգություն | ամերիկացի |
| Պաշտոնական | Դաշնային մակարդակով չկա |
| Խոսվող | անգլերեն՝ 80%, իսպաներեն՝ 12.4%, այլ հնդեվրոպական լեզուներ՝ 3.7%, ասիական և խաղաղ օվկիանոսյան կղզիների լեզուներ՝ 3%, այլ լեզուներ՝ 0.9% |
2015 թվականի դրությամբ յուրաքանչյուր կնոջ բաժին է ընկնում 1.84 երեխա[6][7]։ ԱՄՆ ծնելիության մակարդակը 2012 թվականի դրությամբ ցածր է Ֆրանսիայի (2.01)[8], Ավստրալիայի (1.93) և Միացյալ Թագավորության (1.92) ծնելության մակարդակից[9]։ Սակայն, ԱՄՆ բնակչության աճը զարգացած երկրների շրջանում ամենաբարձրն է[10], քանի որ ծնելիության մակարդակների տարբերությունը ավելի ցածր է, քան ներգաղթի մակարդակը[11][12]։ Ըստ ԱՄՆ Կենտրոնական հետախուզական վարչության «The World Factbook» հետազոտության՝ 2016 թվականի տվյալներով բնակչության տարեկան աճը կազմել է 0.81%, որը ցածր է աշխարհի միջինից (1.06%)[10]։
ԱՄՆ-ում ապրում է մոտ 125.9 միլիոն կին և 119.4 տղամարդ (2014 թվականի տվյալներով)։ 85 տարեկանից բարձր անձանց շրջանում կանաց քանակը երկու անգամ գերազանցում է տղամարդկանց քանակին՝ համապատասխանաբար 4 և 2.1 միլիոն։ 21 տարեկանից փոքր անձինք կազմում են երկրի բնակչության ավելի քան մեկ չորրորդը (27.1%), իսկ 65 տարեկանից բարձր անձինք՝ մեկ յոթերորդը (14.5%)[13]: 2009 թվականին բնակչության միջին տարիքը 36.8 էր[13]։
Ամերիկայի բնակչությունը 20-րդ դարի ընթացքում գրեթե քառապատկվել է (գրեթե տարեկան 1.3% աճով)՝ 76 միլիոնից (1900) հասնելով 281 միլիոնի (2000)։ 200 միլիոնի շեմը անցել է 1968 թվականին, իսկ 300 միլիոնինը՝ 2006 թվականի հոկտեմբերի 17-ին[14][15]։ Բնակչության աճն ամենաարագը բոքրամասնությունների շրջանում է․ ըստ ԱՄՆ մարդահամարի բյուրոյի գնահատման՝ մեկ տարեկանից փոքր երեխաների 50.4%-ը պատկանում են փոքրամասնություններին[16]։ Կանխատեսվում է, որ հաջորդ տասնամյակում ներգաղթյալները և ԱՄՆ-ում նրանց ժառանգները կապահով բնակչության աճի մեծ մասը[17]։
Ըստ Մարդահամարի բյուրոյի կանխատեսումների ԱՄՆ բնակչությունը 2060 թվականին կկազմի 417 միլիոն (2007 թվականի համեմատ 38%, 301.3 միլիոն)[18]։ Սակայն, ըստ Միավորված Ազգերի կանխատեսման՝ ԱՄՆ բնակչությունը 2050 թվականին կկազմի 402 միլիոն (2007 թվականի համեմատ 32%)[19]։ Պաշտոնական մարդահամարներից մեկի տվյալներով 2010 թվականին ծնունդների 54.4%-ը ոչ սպանական ծագմամբ սպիտակներից են։ Այս տվյալները նախորդ տարվա համեմատությամբ (54.06%) աճել են 0.34%[20]։
| Մարդահամար | Բնակչություն | %± |
|---|---|---|
| 1790 | 3,929,214 | — |
| 1800 | 5,236,631 | 33.3% |
| 1810 | 7,239,881 | 38.3% |
| 1820 | 9,638,453 | 33.1% |
| 1830 | 12,866,020 | 33.5% |
| 1840 | 17,069,453 | 32.7% |
| 1850 | 23,191,876 | 35.9% |
| 1860 | 31,443,321 | 35.6% |
| 1870 | 38,558,371 | 22.6% |
| 1880 | 49,371,340 | 28.0% |
| 1890 | 62,979,766 | 27.6% |
| 1900 | 76,212,168 | 21.0% |
| 1910 | 92,228,531 | 21.0% |
| 1920 | 106,021,568 | 15.0% |
| 1930 | 123,202,660 | 16.2% |
| 1940 | 132,165,129 | 7.3% |
| 1950 | 151,325,798 | 14.5% |
| 1960 | 179,323,175 | 18.5% |
| 1970 | 203,211,926 | 13.3% |
| 1980 | 226,545,805 | 11.5% |
| 1990 | 248,709,873 | 9.8% |
| 2000 | 281,421,906 | 13.2% |
| 2010 | 308,745,538 | 9.7% |
| 2016 | 324,227,000 | 5.0% |
1900 թվականին ԱՄՆ բնակչությունը 76 միլիոն էր, որից 66.8 միլիոնը կամ 88%-ը սպիտակամորթներ[24], իսկ 8.8 միլիոնը աֆրոամերիկացիներ, որոնց 90%-ը հարավային նահանգներում[25], և մոտավորապես 500,000 լատինոամերիկացիներ[26]։
Ներգաղթի և քաղաքացիության մասին 1965 թվականի ակտի արդյունքում[27] առաջին սենդի ներգաղթյալների քանակը ԱՄՆ-ում աճել է[28], 1970 թվականի 9.6 միլիոն բնակչությունից 2007 թվականին հասնելով 38 միլիոնի[29]։ 1990-ականներին տարեկան ԱՄՆ օրինական ներգաղթում էր շուրջ մեկ միլիոն մարդ, մինչդեռ 1950-ականներին տարեկան ներգաղթը կազում էր 250,000 մարդ[30]։ 2009 թվականին ներգաղթյալների 37%-ը Ասիայից էր, 42%-ը՝ Հյուսիսային Ամերիկայից իսկ 11%-ը՝ Աֆրիկայից[31]։
1900 թվականին ոչ լատինոամերիկացի սպիտակամորթները կազմում էին 10 խոշորագույն քաղաքների բնակչության 97%-ը[32]։ 2006 թվականին ոչ լատինոամերիկացի սպիտակամորթները երկրի 50 խոորագույն քաղաքներից 35-ում փոքրամասնություն են կազմել[33]։ Մարդահամարի բյուրոյի տվյալներով 2010 թվականի հուլիսից մինչև 2011 թվականի հուլսը ԱՄՆ-ում ծնված երեխաների 50.4%-ը փոքրամասնությունների մաս են կազմում[34] (1990 թվականին՝ 37%)[35]։
2010 թվականին նահանգներից պտղաբերության ամենացածր մակարդակն ունի Ռոդ Այլենդը (1.63), իսկ ամենաբարձրը՝ Յուտան (2.45)[36]։ Սա կապ ունի նահանգների բնակչությունների հետ․ Ռոդ Այլենդի միջին տարիքը 39.2 է (9-րդը ԱՄՆ-ում), մինչդեռ Յուտան՝ ամենափոքրը ԱՄՆ-ում՝ 29.0[37]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
