VO.X
From Wikipedia, the free encyclopedia
VO.X (Վոքս)՝ երաժիշտ-պրոդյուսեր Արամ Րիանի երաժշտական նախագծերից մեկը. նախկինում հայտնի որպես խումբ-դուետ՝ Արամ Րիանի և Գայա Սարգսյանի մասնակցությամբ, այնուհետև` որպես սոլո–նախագիծ ի դեմս միայն Արամ Րիանի, իսկ 2017 թվականից` որպես դուետ-համագործակցություն Րիանի և երաժշտական պրոդյուսեր May-ի միջև։ Հիմնվել է 1999 թվականին Երևանում` երգահան–կիթառահար Իգոր Սիլեցկու նախաձեռնությամբ։ Ստեղծագործական գործունեությունը ծավալել է Անգլիայում և Հայաստանում։
VO.X | |
---|---|
Բնօրինակ անուն | VO.X (Վոքս) |
Ժանրեր | Էլեկտրոփոփ Բրիտփոփ Ինդիփոփ Չիլաութ Ալտերնատիվ ռոք Գոսպել Փոփ-ռոք |
Գործունեություն | 1999-ից |
Լեյբլ | VO.X Production |
Կայք | www.thevoxproject.com |
Նախապես հիմնվել է որպես քրիստոնեական ռոք-խումբ ժամանակակից գոսպել ոճում և եղել է հայկական (փոփ-) ռոքի վետերաններից մեկը, սակայն հայտնի է դարձել, հանդես գալով բրիտանական փոփի տարբեր ժամանակակից ձևաչափերով։ Երբեմն նախագիծը կոնկրետ ոչ մի հստակ ժանր չի հետապնդում` այնուամենայնիվ մշտապես պահպանելով իր հայտնի բրիտանական երանգը։ VO.X-ի երաժշտությունն իր մեջ պարունակում է էլեկտրոփոփի, ինդիփոփի, չիլաութի, ռոքի, ջազի, փոփի, հեղինակային երգի և սիմֆոնիկ երաժշտության տարրեր։ Երգերը հիմնականում անգլերեն լեզվով են և հայերեն, սակայն երգացանկում եղել են նաև ստեղծագործություններ ռուսերենով ու իսպաներենով։ Մեծ Բրիտանիայում, Բրիտանական ազգային երաժշտական մրցանակաբաշխության շրջանակներում, Վոքսը երկու անգամ ճանաչվել է լավագույն նոր նախագիծ` ժամանակակից գոսպել ոճում։
VO.X-ի բոլոր գործիքավորումների, ձայնագրությունների, տեսահոլովակների և ստեղծագործությունների մեծ մասի հեղինակն է Արամ Րիանը (բացառությամբ May-ի հետ համագործակցական ստեղծագործությունների, որոնցում աշխատանքը կատարված է 50/50 սկզբունքով)։