Ֆուտբոլի Անգլիայի գավաթ
From Wikipedia, the free encyclopedia
From Wikipedia, the free encyclopedia
Ֆուտբոլի Անգլիայի գավաթ (անգլ.՝ The Football Association Challenge Cup, կարճ՝ FA Cup), առավել հայտնի Անգլիայի գավաթ, անգլիական ֆուտբոլի գավաթային առաջնություն, որն անցկացնում է Անգլիայի ֆուտբոլի ասոցիացիան։ «Անգլիայի գավաթ» անվանման տակ սովորաբար հասկացվում է տղամարդկանց առաջնությունը, չնայած որ գոյություն ունի նաև Ֆուտբոլի Անգլիայի կանանց գավաթ։
Ֆուտբոլի Անգլիայի գավաթ The Football Association Challenge Cup | |
---|---|
Երկիր | Անգլիա Ուելս |
Ֆուտբոլային ասոցիացիա | ՈՒԵՖԱ (Եվրոպա) |
Հիմնվել է | 1871 |
Ակումբների քանակ | 762 (2015-16-ին) |
Ներկայիս չեմպիոն | Մանչեսթեր Յունայթեդ |
Ամենատիտղոսավոր թիմ | Արսենալ Մանչեսթեր Յունայթեդ (12 տիտղոս) |
Հեռուստատեսություն | BT Sport BBC Sport |
Պաշտոնական կայք | THEFA.com |
Անգլիայի գավաթը համարվում է աշխարհի ամենահին ֆուտբոլային առաջնությունը[1]։ Առաջին խաղարկությունը կայացել է 1871-1872-ին։ Գավաթի խաղարկությանը մասնակցում են տարբեր դիվիզիոնների մեծաթիվ ակումբներ, ինչն էլ պատճառ է դառնում, որ երբեմն ցածր դիվիզիոնի ակումբներն անակնկալ հաղթում են մեծ ակումբներին։
Անգլիայի գավաթի գործող գավաթակիրը Մանչեսթեր Յունայթեդն է, որը 2016 թվականի մայիսի 21-ին Ուեմբլի մարզադաշտում 1-2 հաշվով հաղթեց հաղթեց Քրիսթալ Փելասին։ Առաջնության ամենատիտղոսակիր ակումբները Մանչեսթեր Յունայթեդը և Արսենալն են, որոնք 12 անգամ հաղթել են գավաթը։
Անգլիայի գավաթն առաջին անգամ պաշտոնապես հովանավոր ունեցավ 1994-95 մրցաշրջանում։ Սակայն որպեսզի պահպանի հայտնի առաջնության ազգային ինքնությունը, նրա անունը երբեք չի փոխվել, ի տարբերություն Լիգայի գավաթի, որի հովանավորի փոփոխությունը բերում է նաև անվան փոփոխություն։ Փոխարենը առաջնությունը կոչվում է «Անգլիայի գավաթ, որը հովանավորում է (հովանավորի անունը)»։ 2011 - 2014 թթ-ին Budweiser ընկերության հետ ունեցած պայմանագրի արդյունքում առաջնությունը կրեց «Անգլիայի գավաթ, որը հովանավորում է Budweiser-ը» (The FA Cup sponsored by Budweiser) պաշտոնական անվանումը։ Այս պահին առաջնության անվանումն է Անգլիայի գավաթ, որը հովանավորում է Emirates-ը։
Շրջան | Հովանավոր | Անվանում |
---|---|---|
1871–1994 | Չի ունեցել | Անգլիայի գավաթ |
1994–1998 | Littlewoods | Անգլիայի գավաթ, որը հովանավորում է Littlewoods-ը[2] |
1998–2002 | AXA | Անգլիայի գավաթ, որը հովանավորում է AXA-ն[3] |
2002–2006 | Չի ունեցել | Անգլիայի գավաթ |
2006–2011 | E.ON | Անգլիայի գավաթ, որը հովանավորում է E.ON-ն[4][5] |
2011–2014 | Budweiser | Անգլիայի գավաթ, որը հովանավորում է Budweiser-ը[6] |
2014–2015 | Չի ունեցել | Անգլիայի գավաթ |
2015–2018 | Emirates | Անգլիայի գավաթ, որը հովանավորում է Emirates-ը |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.