Ֆոնդային բորսա
From Wikipedia, the free encyclopedia
Ֆոնդային բորսան այն կազմակերպված շուկան է, որտեղ իրականացվում են արժեթղթերի առքուվաճառքի գործարքները։ Պատմականորեն սկզբում ստեղծվել են արտաբորսային շուկաները, բայց հետագայում արժեթղթերով գործարքների արագ աճը պահանջեց կազմակերպել ավելի կարգավորված առևտուր. ի հայտ եկան ֆոնդային բորսաները։ Ի սկզբանե ֆոնդային բորսան զբաղվում էր բացառապես արդյունավետ առևտրի իրականացման համար անհրաժեշտ պայմանների ստեղծմամբ, սակայն շուկայի զարգացմանը զուգընթաց նրա խնդիրը ոչ այնքան առևտրի կազմակերպումն է, որքան դրա սպասարկումը։