From Wikipedia, the free encyclopedia
Քրիստոֆեր Մառլո, անգլ.՝ Christopher Marlowe, մոտ փետրվարի 23, 1564[1][2][3], Քենթերբերի, Սիթի օֆ Քենթերբերի, Քենթ, Քենթ, Անգլիա[4] - մայիսի 30 (հունիսի 9), 1593[4][5][6][…], Դեպտֆորդ[4][7]), անգլիացի բանաստեղծ, դրամատուրգ։
Քրիստոֆեր Մառլո Christopher Marlowe | |
---|---|
![]() | |
Ծնվել է | մոտ փետրվարի 23, 1564[1][2][3] |
Ծննդավայր | Քենթերբերի, Սիթի օֆ Քենթերբերի, Քենթ, Քենթ, Անգլիա[4] |
Վախճանվել է | մայիսի 30 (հունիսի 9), 1593[4][5][6][…] (29 տարեկան) |
Վախճանի վայր | Դեպտֆորդ[4][7] |
Մասնագիտություն | դրամատուրգ, բանաստեղծ, թարգմանիչ և գրող |
Լեզու | անգլերեն |
Քաղաքացիություն | ![]() |
Կրթություն | Կորպուս Քրիստի քոլեջ, Քեմբրիջի համալսարան և The King's School Canterbury? |
Գիտական աստիճան | արվեստների մագիստրոս (1587) |
Գրական ուղղություններ | Ելիզավետյան դրամա |
Ուշագրավ աշխատանքներ | Էդվարդ II, Բժիշկ Ֆուստի ողբերգական պատմությունը և The Jew of Malta? |
![]() | |
![]() |
Ծնվել է 1564 թվականի փետրվարի 26-ին Քենթրբերիում, կոշկակարի ընտանիքում։ Ընկերների աջակցությամբ կարողացել է ընդունվել Քեմբրիջի համալսարանը, որտեղ ինքնագլուխ, անհնազանդ ու հախուռն բնավորության տեր ուսանողի համբավ է ունեցել։ Ավարտել է (1583) թվականին։ Միայն Անգլիայի կառավարական օրգան Գաղտնի խորհրդի միջնորդությամբ է համալսարանի խորհուրդը համաձայնվել նրան մագիստրոսի աստիճան տալ։ Դա վկայում է, որ նա պետական գաղտնի գործունեության մեջ է եղել։ 1587 թվականին տեղափոխվել է Լոնդոն, որտեղ կապվել է ժամանակի լուսավորյալ ազնվական սըր Վալտեր Ռոլիի «աթեիստական» խմբակի հետ։
Մառլոն ունեցավ կարճատև կյանք։ 1593 թվականի մայիսի 30-ին քսանինը տարին նոր բոլորած, նա սպանվեց Լոնդոնից ոչ հեռու գտնվող Դեփթֆորդի մի պանդոկում։ «Թեթևաբարո կնոջ պատճառով» բռնկված սարքովի վեճի առասպելն անհուսալի քող էր՝ ծածկելու համար նշանավոր «աստվածագողի», վտանգավոր ազատախոհի սպանության իրական քաղաքական էությունը։ Շեքսպիրի նախորդներից ամենատաղանդավորը դարձավ Եղիսաբեթ I -ի կառավարության զոհերից մեկը, իսկ «ինքնապաշտպանության դիմելիս» նրա աչքը դաշույն խրած ոմն Ինգրեմ Ֆրիզեր արդարացվեց և ողորմած թագուհուց լիակատար ներում ստացավ։
Մառլոյի առաջին ողբերգությունը «Լենկ-Թեմուր Մեծ»-ն է (1587-1588, հրատարակությունը 1590)՝ դրամայի վերածված կենսագրությունը Թեմուրի, որի բերանում ասավածամարա հանդուգն խոսքեր են դրված։ «Դոկտոր Ֆաուստի ողբերգական պատմությունը» (1582, հրատարակությունը 1604) պիեսի կենտրոնում կերպարն է գրբացի, ուսյալ դոկտորի, որի համար իմացությունը վեր է ամեն ինչից, հանուն դրա նա ըմբոստանում է նաև կրոնի դեմ։ Տիտանականությունն է բնորոշ «Մալթացի հրեան» (մոտ 1588, հրատարակությունը 1633) ողբերգության հերոսի համար։ «Էդուարդ II» (1593, հրատարակությունը 1594) պատմական ժամանակագրության մեջ Մառլոն արդեն հերոսներին զրկել է բացառիկությունից՝ նրանց մոտեցնելով կյանքին։ Նրա պատմական ժամանակագրության մեջ, ինչպես հետագայում Շեքսպիրի ժամանակագրության մեջ, քննարկվում են քաղաքական այժմեական խնդիրներ։ Մառլոյի ստեղծած ողբերգությունը նոր փուլ էր այդ ժանրի զարգացման ասպարեզում[8][9]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.