Քվենտին Դորվարդ
From Wikipedia, the free encyclopedia
From Wikipedia, the free encyclopedia
«Քվենտին Դորվարդ», Վալտեր Սքոթի պատմավեպը, առաջին անգամ տպագրվել է 1823 թվականին։ Վեպում պատմվում է Լիեժյան ապստամբության և ֆրանս-շոտլանդական դաշինքի մասին։ Գլխավոր հերոսը՝ շոտլանդացի երիտասարդ ազնվականը, ծառայում է Ֆրանսիայի թագավոր Լյուդովիկոս XI-ի պալատում։ Հիմնական պատմական աղբյուրը Ֆիլիպ դը Կոմինայի գրառումներն են։
Քվենտին Դորվարդ անգլ.՝ Quentin Durward | |
---|---|
![]() | |
Հեղինակ | Վալտեր Սքոթ |
Տեսակ | գրավոր աշխատություն |
Ժանր | պատմավեպ |
Բնօրինակ լեզու | անգլերեն |
Կերպար(ներ) | Quentin Durward? |
Նկարագրում է | Բուրգունդիա |
Շարք | Ուևերլիի |
Նախորդ | Պևերիլ Պիկ |
Երկիր | ![]() |
Հրատարակիչ | Արչիբալդ Կոնստեբլ |
Հրատարակման տարեթիվ | մայիսի 17, 1823 |
Թվային տարբերակ | projekt-gutenberg.org/scott/quentind/quentind.html |
Վիքիքաղվածք | Քվենտին Դորվարդ |
![]() |
Սքոթը վեպը ավարտեց նախորդ վեպից հինգ ամիս անց։ Ընթերցողները թերահավատորեն էին վերաբերվում այն հանգամանքին, որ գրողը կարող էր այդքան շուտ ավարտել վեպը։ Հավանաբար այդ էր պատճառը, որ գրողի հայրենիքում այն բավականին դանդաղ էր վաճառվում[1]։ Սակայն Ֆրանսիայում այն մեծ իրարանցում առաջացրեց, իսկ գրքի ֆրանսերենից թարգմանությունները նվաճեցին ողջ Եվրոպան[1]։
Հաշվի առնելով այն հանգամանքը, որ «Քվենտին Դորվարդը» մեծ հաջողություն ունեցավ՝ Վալտեր Սքոթը 1829 թվականին նորից անդրադարձավ ֆրանս-բուրգունդյան հեղափոխության դարաշրջանին։ Կոմինայի գրառումների հիման վրա նա գրեց մեկ վեպ ևս «Կառլոս Խիզախ կամ Աննա Գեյերշտեյնսկայա, Մարկի այրին»։
Վեպի գործողությունները տեղի են ունենում միջնադարյան Ֆրանսիայում, մոտավորապես 1468[2] թվականին, ընդգրկում է Ֆրանսիայի արքա Լյուդովիկոս XI-ի և նրա վասալ Բուրգունդիայի հերցոգ Կարլոս Խիզախի հակամարտության պատմությունը։ Ցանկանալով թուլացնել իր վասալի իշխանությունը՝ նա գաղտնի ապստամբության է դրդում Գենտ, Լիեժ և Մեխելեն քաղաքները իրենց սյուզերենի դեմ։
Բուրգունդիայի կոմսուհի Իզաբելլա դը Կուրան, գտնվելով հերցոգ Կառլոսի հովանավորության տակ, հրաժարվում է ամուսնանալ կոմս Կամպո-Բասսոյի հետ և փորձում է թաքնվել արքայի՝ Լյուդովիկոսի մոտ։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.