Տյագու Մենդիշ

Տյագու Կարդոզո Մենդիշ (պորտ.՝ Tiago Cardoso Mendes, առավել հայտնի է որպես Տյագու, մայիսի 2, 1981(1981-05-02)^[3][4][5], Վիանա-դու-Կաշտելու), պորտուգալացի ֆուտբոլիստ, իսպանական Ատլետիկո Մադրիդի կիսապաշտպան։ Եվրո 2004 թ.-ի փոխչեմպիոն։

Տյագու Մենդիշ պորտ.՝ Tiago Mendes
Անձնական տվյալներ
Ամբողջական անուն	Տյագու Կարդոզո Մենդիշ
Քաղաքացիությունը	Պորտուգալիա
Ծննդյան ամսաթիվ	մայիսի 2, 1981 (43 տարեկան)
Ծննդավայր	Վիանա դու Կաշտելու, Պորտուգալիա
Հասակ	184 սմ[1]
Քաշ	75 կգ[1]
Դիրք	կիսապաշտպան
Ակումբային տեղեկություններ
Ներկա ակումբ	Ատլետիկո Մադրիդ
Համար	5
Պատանեկան կարիերա
1995—1996 Վիանեզե 1997—1998 Անկորա (Պրայա) 1998—1999 Բրագա
Մասնագիտական կարիերա*
Տարի	Ակումբ	Խաղ	(Գոլ)
1999—2002 Բրագա 62 (4) 2002—2004 Բենֆիկա 75 (19) 2004—2005 Չելիս 34 (4) 2005—2007 Լիոն 56 (10) 2007—2011 Յուվենտուս 42 (0) 2010—2011 →  Ատլետիկո Մադրիդ 49 (6) 2011—ներկա Ատլետիկո Մադրիդ 114 (10)
Ազգային հավաքական‡
2000—2002 Պորտուգալիա (Մ-21) 21 (3) 2002— Պորտուգալիա 61 (3)
Պարգևներ [2]
* Մասնագիտական կարիերայում ընդգրկված են միայն առաջնության խաղերը և գոլերը  ըստ մայիսի 15, 2016: ‡ Ազգային հավաքականի խաղերն ու գոլերը ըստ հոկտեմբերի 8, 2015

Ակումբային կարիերա

Բրագա

1999 թվականին Տյագուն միացել է «Բրագա» ակումբին։ Հաջորդ մրցաշրջանում նա արդեն խաղում էր հիմնական կազմում։ Տյագուն օգնեց թիմին առաջնությունում զբաղեցնել 4-րդ տեղը և նվաճել Եվրոպայի Լիգայի ուղեգիր։

Բենֆիկա

2001 թվականին նա տեղափոխվեց «Բենֆիկա»։ 2002-03 մրցաշրջանը Տյագույի համար դարձավ լավագույններից մեկը, նա խփեց 13 գոլ, իսկ ակումբը դարձավ Պորտուգալիայի փոխչեմպիոն։ 2004 թվականին Տյագուն օգնեց ակումբին նվաճել Պորտուգալիայի գավաթը։

Չելսի

2004 թվականի հուլիսի 20-ին 15 միլիոն եվրոյի դիմաց Տյագուն տեղափոխվեց «Չելսի»։ Չնայած 2004-05 մրցաշրջանի առաջին խաղը բաց թողնելուն՝ նա դարձավ թիմի հիմնական խաղացողներից մեկը։ Դեբյուտային մրցաշրջանում Տյագուն խաղաց 51 խաղ և խփեց 4 գոլ, իսկ «Չելսին» հաղթեց առաջնությունը և Ֆուտբոլային լիգայի գավաթը։ 2005 թվականի օգոստոսին Մայքլ Էսսյենի «Չելսի» տեղափոխվելը սահմանափակեց նրա խաղային պրակտիկան։ Դրանից հետո նա լքեց ակումբը և տեղափոխվեց «Լիոն»։

Լիոն

Ֆուտբոլիստի տրանսֆերը ֆրանսիացիների համար 10 միլիոն եվրո արժեցավ։ «Լիոնում» նա միանգամից դարձավ թիմի հիմնական խաղացող, իր առաջին մրցաշրջանում խաղալով 37 խաղ և խփելով 7 գոլ, իսկ 2006 թվականի ապրիլի 1-ին «Տրուայի» դարպասին խփած գնդակի շնորհիվ «Լիոնը» 5-րդ անգամ անընդմեջ դարձավ Ֆրանսիայի չեմպիոն։ Մամադու Դիարրայի՝ «Ռեալ Մադրիդ» տեղափոխվելուց հետո, նա ակումբում սկսեց ավելի մեծ դեր խաղալ և երկրորդ անգամ դարձավ Ֆրանսիայի չեմպիոն։

Յուվենտուս

2007 թվականի հունիսի 21-ին 13 միլիոն եվրոյի դիմաց Տյագուն տեղափոխվեց «Յուվենտուս», սակայն Թուրինում կարիերան չհաջողվեց։

Ատլետիկո Մադրիդ

2010 թվականի հունվարի 8-ին Տյագուն վարձակալական իրավունքներով մինչև 2009-10 մրցաշրջանի ավարտը տեղափոխվեց իսպանական «Ատլետիկո Մադրիդ»^[6]։ 2010 թվականի օգոստոսի 16-ին խաղացողը նորից մինչև 2010-11 մրցաշրջանի ավարտը վարձակալվեց «Ատլետիկոյում»^[7][8]։ 2011 թվականի հուլիսի 19-ին «Յուվենտուսը» հայտարարեց, որ ֆուտբոլիստի հետ պայմանագիրը խզվել է^[9]։ Նախորդ երկու մրցաշրջաններում խաղացողը թուրինյան ակումբում խաղացել էր 53 խաղ։ 2011 թվականի հուլիսի 20-ին նա «Ատլետիկո Մադրիդի» հետ կնքեց երկտարյա պայմանագիր^[10]։

Միջազգային կարիերա

Երիտասարդական հավաքականում իր լավ խաղի համար նա 2002 թվականի նոյեմբերին հրավիրվել է Պորտուգալիայի ազգային հավաքական՝ խաղալու Շոտլանդիայի դեմ ընկերական խաղում։ Եվրո 2004 թ.-ին ընդգրկված է եղել հավաքականի կազմում, սակայն նա չի խաղացել ոչ մի խաղ։ «Լիոնում» իր լավ խաղի համար նա հրավաիրվել է խաղալու Մունդիալ 2006-ում։ Մրցաշարում խաղացել է 5 խաղ, իսկ պորտուգալացիները հասել են կիսաեզրափակիչ, որտեղ պարտվել են Ֆրանսիային։ Հավաքականում իր առաջին գոլը խփել է 2007 թվականի մարտի 28-ին, Սերբիայի հավաքականի դարպասին։

Ձեռքբերումներ

«Բենֆիկա»

• Պորտուգալիայի գավաթ (1)՝ 2004
• Ընդհանուր՝ 1 գավաթ

«Չելսի»

• Անգլիայի Պրեմիեր Լիգա (1)՝ 2004-05
• Ֆուտբոլային լիգայի գավաթ (1)՝ 2005
• Անգլիայի սուպերգավաթ (1)՝ 2005
• Ընդհանուր՝ 3 գավաթ

«Լիոն»

• Լիգա 1 (2)՝ 2005-06, 2006-07
• Ֆրանսիայի սուպերգավաթ՝ (2)՝ 2005, 2006
• Ընդհանուր՝ 4 գավաթ

«Ատլետիկո Մադրիդ»

• Լա Լիգա (1)՝ 2013-14
• ՈՒԵՖԱ Եվրոպայի Լիգա (2)՝ 2010, 2012
• Իսպանիայի գավաթ (1)՝ 2013
• Իսպանիայի սուպերգավաթ (1)՝ 2014
• Ընդհանուր՝ 5 գավաթ

Ծանոթագրություններ

1. Club Atlético de Madrid · Web oficial
2. http://www.ordens.presidencia.pt/?idc=153
3. Transfermarkt.com(բազմ․) — 2000.
4. Արգենտինական ֆուտբոլի տվյալների շտեմարան (իսպ.)
5. As (իսպ.) — Madrid: PRISA, 1967. — ISSN 1888-6671
6. «Juve, è ufficiale: Tiago in prestito all'Atletico Madrid». Արխիվացված է օրիգինալից 2014 թ․ մայիսի 27-ին. Վերցված է 2016 թ․ հունիսի 15-ին.
7. Tiago ya se encuentra en Madrid tras cerrar el Atlético su cesión con la Juventus
8. «Juve, Tiago in prestito all'Atletico Madrid». Արխիվացված է օրիգինալից 2012 թ․ հունվարի 4-ին. Վերցված է 2016 թ․ հունիսի 15-ին.
9. «Тьягу больше не игрок "Ювентуса"». Ювентус.Ru. 19.07.2011. Արխիվացված է օրիգինալից 2012 թ․ մարտի 4-ին. Վերցված է 2011 թ․ հուլիսի 19-ին.
10. «Tiago ya es del Atlético» (իսպաներեն). MARCA.com. 20.07.2011. Արխիվացված օրիգինալից 2012 թ․ մարտի 4-ին. Վերցված է 2011 թ․ հուլիսի 20-ին.

Արտաքին հղումներ

• Ցուցանիշները soccerbase.com կայքում (անգլ.)
• Վիճակագրություն FIFA-ի կայքում(անգլ.)
• Պրոֆիլը Worldfootball.net կայքում (անգլ.)
• Պրոֆիլը Football-lineups.com կայքում (անգլ.)
• Պրոֆիլը transfermarkt.com կայքում(անգլ.)

Վիքիպահեստն ունի նյութեր, որոնք վերաբերում են «Տյագու Մենդիշ» հոդվածին։