From Wikipedia, the free encyclopedia
Վարդագույն վարդեր (նկար), հոլանդացի գեղանկարիչ Վինսենթ վան Գոգի վերջին նկարներից մեկը։
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
 | |
|---|---|
 | |
| տեսակ | գեղանկար |
| նկարիչ | Վինսենթ վան Գոգ |
| տարի | 1890 |
| բարձրություն | 32 |
| լայնություն | 40,5 |
| ստեղծման վայր | Օվեր Սյուր Ուազ |
| ժանր | նատյուրմորտ |
| նյութ | յուղաներկ |
| գտնվում է | Կառլսբերգի նոր քանդակաքարերի ժողովածու |
| հավաքածու | Կառլսբերգի նոր քանդակաքարերի ժողովածու |
պատկերված են
| |
| կայք | |
Ծանոթագրություններ | |
 Pink Roses by Vincent van Gogh Վիքիպահեստում | |
Կյանքի վերջին երկու ամիսները՝ 1890 թվականի մայիսից հուլիսը, Վան Գոգն ապրել է Փարիզին մերձակա Օվեր սյուր Ուազ բնակավայրում, որտեղ նա ի թիվս այլ նկարների նկարել է մի քանի նկար ծաղիկներով։ «Վարդագույն վարդերը» այդ նկարներից լավագույններից է։ Նկարը բնորոշ է նկարչի՝ վերջին շրջանի ստեղծագործություններին։ Ի տարբերություն վառ նարնջագույն և դեղին երանգների, որոնք նկարիչը օգտագործել է Առլում, այստեղ Վան Գոգը օգտագործում է գույների ավելի փափուկ և մելանխոլիկ համադրություն, որ խոսում է հյուսիսային ավելի խոնավ և պտղաբեր եղանակի մասին։ Այս նկարը բնորոշ է նկարչի՝ վերջին շրջանի ստեղծագործություններին նաև նրանով, որ նրանում գործնականում բացակայում է ձգողականությունը (առաջին հայացքից թվում է՝ նկարը կարելի է շրջել, և նկարի տպավորությունը չի փոխվի) և տարածականությունը (ծաղիկները կարծես նկարի հարթությունից առաջ են ձգվում դեպի տարածությունը, որտեղ հանդիսատեսն է)։ Վան Գոգը կարողացել է հաղորդել այն զգացողությունը, որ վարդերը դիտողին անմիջապես մոտ են։ Թե որն է նկարի ներքևի մասը, ցույց է տալիս գրեթե աննկատելի ծաղկամանը, իսկ խորությունը մատնանշում են միայն բծերի թույլ փոփոխվող ձևերը և կանաչի փոփոխվող երանգները։ Տերևների և վարդերի ցողունների մուգ կապտավուն կտրուկ ուրվագծերը, ինչպես նաև թրթռացող ու ծածանվող գծերը հետևանք են նկարչի վրա ճապոնական փայտագրության ազդեցության։ Թեպետ Այդ հնարքները հիշեցնում են Պոլ Գոգենի և Էմիլ Բերնարի ոճը, այնուամենայնիվ Վան Գոգը դրանք օգտագործում է յուրահատուկ ձևով։
Նկարը 1923 թվականին Հ. Յակոբսենի կողմից նվիրվել է Կարլսբերգի գեղարվեստական թանգարանին։ Թանգարանում նկարի համարն է MIN 1863:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
