Սփենսեր Թրեյսի

Սփենսեր Թրեյսի (անգլ.՝ Spencer Tracy, ապրիլի 5, 1900(1900-04-05)^{[4][5][6][…]}, Միլուոքի, Վիսկոնսին, ԱՄՆ^[7] - հունիսի 10, 1967(1967-06-10)^{[4][5][6][…]}, Լոս Անջելես, ԱՄՆ), ամերիկացի դերասան, «Օսկար» մրցանակի կրկնակի դափնեկիր։ Օսկարի պատմության մեջ միայն դերասաններ Սփենսեր Թրեյսին ու Թոմ Հենքսն են 2 տարի անընդմեջ ստացել այդ մրցանակը Օսկար լավագույն դերասանի համար անվակարգում։ Ամերիկյան կինոակադեմիան իր կողմից հրապարակած Ամերիկյան բոլոր ժամանակների ֆիլմերի 100 մեծագույն աստղերի ցանկում նրան ընդգրկել է 9-րդ տեղում։

Սփենսեր Թրեյսի Spencer Tracy
1948 թ. լուսանկար
Ծնվել է	1900 ապրիլի 5
Ծննդավայր	Միլուոկի, ԱՄՆ
Մահացել է	հունիսի 10, 1967(1967-06-10) (տարիքը 67)
Մահվան վայր	Լոս Անջելես, ԱՄՆ
Գերեզման	Ֆորեսթ Լոուն հուշայգի
Քաղաքացիություն	ԱՄՆ
Մայրենի լեզու	անգլերեն
Կրոն	ռոմանական կաթոլիկ
Կրթություն	Թատերական արվեստների ամերիկյան ակադեմիա (1923)[1], Milwaukee High School of the Arts?, St. John's Northwestern Military Academy?, Marquette University High School?, Rockhurst High School?, Northwestern Military and Naval Academy? և Ripon College?
Մասնագիտություն	դերասան, թատրոնի դերասան և կինոդերասան
Աշխատանք	1922-1967
Ամուսին	Լուիզ Թրեյսի
Ծնողներ	հայր՝ John Edward Tracy?[2], մայր՝ Caroline Tracy?[3]
Կուսակցություն	Դեմոկրատական կուսակցություն
Պարգևներ և մրցանակներ	Կաննի կինոփառատոնի մրցանակ տղամարդու լավագույն դերակատարման համար Լավագույն դերասանի ԲԱՖՏԱ մրցանակ Հոլիվուդյան փառքի ծառուղու աստղ և «Ոսկե գլոբուս» մրցանակ լավագույն դրամատիկ դերասան անվանակարգում
Կայք	IMDb-ում էջ
Ստորագրություն
Spencer Tracy Վիքիպահեստում

Կենսագրություն

Ծնվել է ԱՄՆ-ի Միլոուկի քաղաքում։ Հայրը իռլանդացի կաթոլիկ, գործարար Ջոն Թրեյսին էր, մայրը բողոքական եկեղեցու անդամ Քերրի Բրաունը։ Դժվար մանկություն է ունեցել, ամեն անգամ վեճեր ունենալով բակի մյուս տղաների հետ և ծնողները ստիպված են եղել մի քանի դպրոց փոխել նրան։ Մանուկ հասակում զբաղվել է սպորտով՝ բռնցքամարտով և բեյսբոլով։

1916 թ. ընտանիքով տեղափոխվում են բնակության Կանզաս նահանգում։ 1917 թ. եղբոր հետ միասին մասնակցել է Առաջին համաշխարհային պատերազմին ծառայելով նավատորմում։ 1921 թ. չնայած մեծ տարիքին ընդունվում է Վիսկոնսին նահանգի քոլեջներից մեկը, որտեղ քոլեջի սիրողական թատրոնի կազմում աչքի է ընկնում իր դերասանական տաղանդով։

Կարիերա

Սկզբում Սփենսեր Թրեյսին հաջողությամբ հանդես է եկել որպես թատրոնի դերասան, խաղալով նաև Բրոդվեյի բեմերում։ Կինոյում առաջին դերը խաղացել է 1930 թ. ռեժիսոր Ջոն Ֆորդի «Գետի հոսանքով դեպի վեր» ֆիլմում, որից հետո հաջորդեցին ևս մի քանի փոքր դերեր։ Բայց նրա առաջին մեծ դերը, որը նաև ճանաչում բերեց իրեն, 1936 թ. նկարահանված Ֆրից Լանգի «Ցասում» ֆիլմն էր։ Թրեյսին օժտված էր դերասանական տաղանդով և խաղացել է իր ժամանակի շատ նշանավոր ֆիլմերում, հիմնականում դրամատիկ և կոմեդիկ դերերով։ Ռեժիսոր Սթենլի Կրամերի սիրված դերասանն էր և խաղացել է նրա լավագույն ֆիլմերում։

Սիրային կապերի մեջ է եղել դերասանուհի Քեթրին Հեփբորնի հետ, ով համարվում է ինչպես իր ժամանակների, այդպես էլ համաշխարհային կինոյի պատմության լավագույն դերասանուհիներից մեկը։ Նրա հետ միասին հանդես է եկել նաև մի քանի ֆիլմերում։ Ընկերակցել է այդ ժամանակի ամերիկյան գրեթե բոլոր նշանավոր դերասան-դերասանուհիներին, խաղացել իր ժամանակի լավագույն ռեժիսորների ֆիլմում։

7 անգամ ներկայացվել է Օսկարի։ 2 անգամ Օսկար է ստացել Օսկար լավագույն դերասանի համար անվանակարգում 1937 թվականին «Խիզախ կապիտանները» և 1938 թվականին «Տղաների քաղաքը» ֆիլմերի համար։ Կաննի միջազգային կինոփառատոնի, Ոսկե Գլոբուս, BAFTA և այլ կիմոմրցանակների դափնեկիր է։

Ստեղծել է խորապես մարդկային կերպարներ՝ հոգևորական Ֆլաննագեն («Տղաների քաղաքը», 1938), Էդիսոն («Էդիսոն՝ մարդը», 1940)։ Նրա ստեղծագործական ամենաբարձր նվաճումները կապված են սոցիալական խնդիրներ արտացոլող ֆիլմերի հետ, ուր նրա հերոսները դժվար և դրամատիկ պայմաններում ձգտել և հասել են արդարության

Մահացել է 1967 թ. Լոս Անջելեսում, 67 տարեկան հասակում։

Ֆիլմագրություն

Սփենսեր Թրեյսին իր մոտ 50 տարիների դերասանական կարիերայում խաղացել է ավելին քան 70 ֆիլմում։ Առավել նշանավոր ֆիլմերն են

տարեթիվ	ֆիլմի անվանում	բնօրինակ անվանում	դերը	ռեժիսոր	խաղընկերներ
1936	Ցասում	Fury	Ջո Ուիլսոն	Ֆրից Լանգ	Ուոլտեր Բրեննան
1936	Սան Ֆրանցիսկո	San Francisco	հոգևորական Թիմ Մալլին	Վուդի Վան Դեյք	Կլարկ Գեյբլ
1937	Խիզախ կապիտանները	Captains Courageous	Մանուել Ֆիդելլո	Վիկտոր Ֆլեմինգ	Միկկի Ռունի
1938	Փորձարկող-օդաչուն	Test Pilot	Մորրիս
1940	Էդիսոն մարդը	Edison, The Man	Թոմաս Էդիսոն
1941	Դոկտոր Ջեքիլը և Միստեր Հայդը	Dr. Jekyll and Mr. Hyde	Դոկտոր Ջեքիլ, Միստեր Հայդ	Վիկտոր Ֆլեմինգ	Ինգրիդ Բերգման
1942	Տարվա կինը	Woman of the Year	Սեմ Քրեյգ	Ջորջ Սթիվենս	Քեթրին Հեփբորն
1944	30 վայրկյան Տոկիոյի վրա	Thirty Seconds Over Tokyo	Ջեյմս Դուլիթլ	Մերվին Լերոյ
1944	Յոթերորդ խաչը	The Seventh Cross	Ջորջ Հեսլեր	Ֆրեդ Ցինեման
1945	Առանց սիրո	Without Love	Փիթ Ջեմիսոն	Հերոլդ Բուկե	Քեթրին Հեփբորն
1947	Խոտի ծով	The Sea of Grass	գնդապետ Ջեյմս Բ. «Ջիմ Բրյուտոն»	Էլիա Կազան	Քեթրին Հեփբորն
1949	Ադամի կողը	Adam's Rib	Ադամ Բոններ	Ջորջ Կյուկոր	Քեթրին Հեփբորն
1950	Հարսնացուի հայրը	Father of the Bride	Սթենլի Բենքս	Վինսենթ Մինելլի	Էլիզաբեթ Թեյլոր
1952	Փիթը և Մայքը	Pat and Mike	Մայք Կոնովան	Ջորջ Կյուկոր	Քեթրին Հեփբորն
1955	Վոտ օր Բլեք Ռոկում	Bad Day at Black Rock	Ջոն Ջ. Մակրիդի	Ջոն Սթարջես	Ուոլտեր Բրեննան Լի Մարվին
1958	Ծերունին և ծովը	The Old Man and the Sea	ծերունի	Ջոն Սթարջես
1960	Կժառանգես փոթորիկը	Inherit the Wind	Հենրի Դրամմոնդ	Սթենլի Կրամեր	Ֆրեդրիկ Մարչ Ջին Քելլի
1961	Նյուրնբերգյան դատավարություն	Judgement at Nuremberg	ավագ դատավոր Դեն Հեյվուդ	Սթենլի Կրամեր	Բերտ Լանկաստեր Մարլեն Դիտրիխ Մաքսիմիլիան Շելլ Մոնտգոմերի Կլիֆտ Ջուդի Գառլենդ
1962	Ինչպես է նվաճվել Արևմուտքը	How The West Was Won	ֆիլմի պատմողը	Ջոն Ֆորդ Հենրի Հաթաուեյ Ջորջ Մարշալ Ռիչարդ Թորփ	Գրեգորի Պեք Ջեյմս Ստյուարտ Ջոն Ուեյն Լի Ջեյ Կոբբ Հենրի Ֆոնդա
1963	Այս խենթ, խենթ, խենթ, խենթ աշխարհը	It's a Mad Mad Mad Mad World	կապիտան Կուլլեպեր	Սթենլի Կրամեր	Միկկի Ռունի
1967	Գուշակիր, ով է գալու ճաշին	Guess Who's Coming To Dinner	Մեթ Դրեյթոն	Սթենլի Կրամեր	Քեթրին Հեփբորն Սիդնի Պուատյե

Նկարներ

• 
  1919 թ. լուսանկար
• 
  «Դոկտոր Ջեքիլը և Միստեր Հայդը» ֆիլմում
• 
  «Առանց սիրո» ֆիլմում Քեթրին Հեփբորնի հետ
• 
  «Կժառանգես փոթորիկը» ֆիլմում Ֆրեդրիկ Մարչի հետ
• 
  «Տարվա կինը» ֆիլմում Քեթրին Հեփբորնի հետ
• 
  «Նյուրնբերգյան դատավարություն» ֆիլմում

Գրականություն

• Bacall, Lauren (2005). By Myself and Then Some. It Books. ISBN 0-06-075535-0.
• Berg, Scott A. (2004 edition). Kate Remembered։ Katharine Hepburn, a Personal Biography. Pocket. ISBN 0-7434-1563-9.
• Curtis, James (2011). Spencer Tracy։ A Biography. London։ Hutchinson. ISBN 0-09-178524-3.
• Deschner, Donald (1972 edition). The Films of Spencer Tracy. Secaucus, New Jersey։ The Citadel Press. ISBN 0-8065-0272-X.
• Hepburn, Katharine (1991). Me։ Stories of My Life. Alfred A. Knopf. ISBN 0-679-40051-6.
• Higham, Charles (2004 edition [First published 1975]). Kate։ The Life of Katharine Hepburn. New York City, NY։ W. W. Norton. ISBN 0-393-32598-9.
• Kanin, Garson (1971). Tracy and Hepburn։ An Intimate Memoir. New York։ Viking. ISBN 0-670-72293-6.
• Карцева Е. Н. Спенсер Трэси. - М.։ Искусство, 1970. - 128, [32] с. -  (Мастера зарубежного киноискусства)

Ծանոթագրություններ

1. Notable Past Students — American Academy of Dramatic Arts.
2. Pas L. v. Genealogics — 2003.
3. Geni(բազմ․) — 2006.
4. Bibliothèque nationale de France data.bnf.fr (ֆր.): տվյալների բաց շտեմարան — 2011.
5. Encyclopædia Britannica
6. Internet Broadway Database — 2000.
7. http://www.jsonline.com/multimedia/photos/movie-stars-you-might-have-forgotten-or-never-knew-were-born-in-wisconsin-b99443978z1-291732601.html

Արտաքին հղումներ

Սփենսեր Թրեյսի էջը Վիքիպահեստում

• Քեթրին Հեփբորնի հետ peoples.ru կայքում
• Internet Movie Database կայքում
• ԿինոՊոիսկ կայքում
• Internet Broadway Database կայքում

Վիքիպահեստն ունի նյութեր, որոնք վերաբերում են «Սփենսեր Թրեյսի» հոդվածին։