Սվալբարդի միջազգային համալսարան

Սվալբարդի միջազգային համալսարան (հակիրճ՝ UNIS, նորվ.՝ Universitetssenteret på Svalbard), Նորվեգիայի բարձրագույն ուսումնական հաստատություն։ Գտնվում է Շպիցբերգեն կղզեխմբի Լոնգյիր բնակավայրի մոտ՝ հյուսիսային լայնության 78°: Համարվում է աշխարհի ամենահյուսիսային ուսումնական հաստատությունը։

Սվալբարդի միջազգային համալսարան նորվ.՝ Universitetssenteret på Svalbard
Տեսակ	համալսարան
Հիմնադրված է	1993 թ.
Տիպ	Պետական
Ռեկտոր	Գունար Սանդ
Ուսանողներ	350
Դոկտորանտուրա	16
Անդամակցություն	Արկտիկայի համալսարանՀամալսարան[1], Biodiversity data publishers from Norway? և GBIF Norway?[2]
Կամպուս	Նուբուեն
Երկիր	Նորվեգիա
Տեղագրություն	Լոնգյիր, Շպիցբերգեն
Կայք	unis.no
Նորվեգիա դեռ չունի [[Կաղապար:Տեղորոշման քարտեզ  Նորվեգիա|տեղորոշման քարտեզներ]].
Universitetssenteret på Svalbard Վիքիպահեստում

Սվալբարդի միջազգային համալսարանը գտնվում է Օսլոյի, Բերգենի, Թրոմսյոյի և NTNU համալսարանների խնամակալության ներքո։

Համալսարանը հիմնադրվել է 1993 թվականին։ Դասավանդվում են արկտիկական կենսաբանություն, երկրաբանություն, երկրաֆիզիկա և տեխնոլոգիա։ Ուսումնական հաստատության տեղադրությունը հնարավորույթուն է ընձեռում շրջակա միջավայրը օգտագործել որպես ուսումնական լաբարատորիա։ Սվալբարդի միջազգային համալսարանում սովորում են շուրջ 350 ուսանողներ, որոնցից կեսը նորվեգացիներ են, իսկ մնացած մասը՝ տարբեր երկրների քաղաքացիներ։ Դասախոսական կազմը բաղկացած է 20 պրոֆեսորից, 21 ասիստենտից և 120 հրավիրյալ դասախոսից։ Հաշվի առնելով, որ համալսարանը գտնվում է բարդ կլիմայական տեղադրություն ունեցող վայրում՝ բոլոր ուսանողները պետք է ներկայացնեն առողջության վերաբերյալ տեղեկություններ յուրաքանչյուր ուսումնական տարվա սկզբին։ Բոլորի համար պարտադիր է զենքի տիրապետման կարճ դասընթացը, քանի որ համալսարանի մոտակայքում բնակվում են բազմաթիվ գիշատիչ կենդանիներ, որոնցից է սպիտակ արջը։

Սվալբարդի միջազգային համալսարանը մասնակցում է «Արկտիկայի համալսարան» միջազգային նախագծին, որը հնարավորություն է տալիս ուսումնասիրել շուրջբևեռային տարածաշրջանը։

Ֆակուլտետներ

Սվալբարդի միջազգային համալսարանի ֆակուլտետներն ու մասնագիտությունները^[3]

Ֆակուլտետ	Կրթական աստիճան	Մասնագիտացման կոդ	Մասնագիտություն
Կենսաբանություն	Բակալավր	AB-203	Շրջակա միջավայրի կառավարում
		AB-204	Արկտիկական բնապահպանություն և կենսաբանություն
	Մասնագետ	AB-323	Կլիման և արտադրությունը Արկտիկայում
		AB-330	Արկտիկական ջրերի էկոհամակարգ
		AB-331	Արկտիկական ցամաքային էկոհամակարգեր, տարրեր, կապեր, էներգոփոխանակում
Երկրաբանություն	Բակալավր	AG-204	Շպիցբերգի ֆիզիկական երկրաբանություն
		AG-209	Տեկտոնական շարժերի պատմություն և Շպիցբերգենի նստվածքային շերտեր
	Մասնագետ	AG-322	Երկրաչափություն և կինեմատիկական լեռնագրություն
		AG-325	Գլացիոլոգիա
		AG-330	Հավերժ սառցապատումը և նախասառցային հետքեր
Երկրաֆիզիկա	Բակալավր	AGF-211	Օդի, սառույցի և օվկիանոսի փոխկազդեցություններ
		AGF-212	Սառույցի և ձյան առաջացման գործընթացներ
	Մասնագետ	AGF-301	Բևեռային մթնոլորտ
		AGF-304	Պլազմայի ուսումնասիրություն
		AGF-350	Մթնոլորտային շերտեր և կլիմայական գործընթացներ
Տեխնոլոգիական	Բակալավր	AT-205	Հավերժ ձյան պայմաններում շինարարության կազմակերպում
		AT-208	Նյութերի տերմոմեխանիկական հատկություններ
	Մասնագետ	AT-307F	Ժովային ինժեներական կառույցները արկտիկական սառույցի պայմաններում
		AT-324	Աղտոտված շրջական միջավայրի հայտնաբերման տեխնոլոգիաներ
		AT-329	Արկտիկական տարածքների ուսումնասիրության տեխնոլոգիաներ
		AT-330	Էկոլոգիական տեխնոլոգիաներ
		AT-331	Մթնոլորտային բաշխում և շրջակա միջավայրի աղտոտման գործընթաց

Ծանոթագրություններ

1. https://www.uarctic.org/members/member-profiles/norway/
2. https://www.gbif.org/publisher/8ed66812-b520-43e8-98e3-9490977390e3
3. «UNIS course portfolio - Spring Semester 2012». Արխիվացված է օրիգինալից 2011 թ․ հոկտեմբերի 7-ին. Վերցված է 2016 թ․ նոյեմբերի 26-ին.

Արտաքին հղումներ

• Համալսարանի պաշտոնական կայք:

Վիքիպահեստն ունի նյութեր, որոնք վերաբերում են «Սվալբարդի միջազգային համալսարան» հոդվածին։