եկեղեցի Ստամբուլում From Wikipedia, the free encyclopedia
Սուրբ Երրորդության եկեղեցի (հուն․՝ Ιερός Ναός Αγίας Τριάδος, թուրքերեն՝ Aya Triada Rum Ortodoks Kilisesi), հույն ուղղափառ եկեղեցի, որը գտնվում է Ստամբուլի Բեյօղլու շրջանում՝ Թաքսիմի հրապարակի մոտ[1]։
Սուրբ Երրորդության եկեղեցի Ιερός Ναός Αγίας Τριάδος | |
---|---|
![]() Սուրբ Երրորդության եկեղեցին | |
Հիմնական տվյալներ | |
Տեսակ | կրոնական կառույց |
Երկիր | ![]() |
Տեղագրություն | Թուրքիա, Ստամբուլի նահանգ, Ստամբուլ |
Տարածաշրջան | Մարմարածովյան տարածաշրջան |
Դավանանք | ![]() |
Թեմ | Կոստանդնուպոլսի տիեզերական պատրիարքություն |
Հիմնական ամսաթվերը | 1880 |
Ներկա վիճակ | կանգուն |
Նվիրված | Սուրբ Երրորդություն |
Անվանված | Երրորդություն |
Ճարտարապետական ոճ | Նեոբյուզանդական ճարտարապետական ոճ |
Կառուցման սկիզբ | 1876 թվական, օգոստոսի 13 |
Կառուցման ավարտ | 1880 թվական, սեպտեմբեր |
Հիմնադրված | 1880 |
![]() | |
![]() | |
![]() |
Բացվել է 1880 թվականին և համարվում է Թուրքիայի Ստամբուլ քաղաքում գործող ամենախոշոր ուղղափառ պաշտամունքի վայրը[2]։
Սուրբ Երրորդության եկեղեցու տեղում նախկինում կառուցված է եղել հունական գերեզմանատուն և հիվանդանոց, ինչպես նաև Սուրբ Գեորգիոսի անունը կրող եկեղեցի, որը քանդվել է նախքան ներկայիս շինության կառուցումը[3]:
Կառույցի նախագծողը եղել է ազգությամբ հույն ճարտարապետ Պետրոս Կամպանակին։ Շինարարական աշխատանքները սկսվել են 1876 թվականի օգոստոսի 13-ին և ավարտվել են երեք տարի անց՝ 1880 թվականի սեպտեմբերին[4][5][6][7]։ Եկեղեցին կառուցվել է նեոբյուզանդական ճարտարապետական ոճով՝ բարոկկոյի տարրերով[4]։
Ճակատային հատվածում գտնվող երկու զանգերը կառուցված են վերածննդի շրջանի գոթական ոճով։ Օսմանյան Հունաստանի տարածքում նման շինություն կառուցվեց միայն թանզիմաթի բարեփոխումներից հետո[4]։ Այն առաջին գմբեթավոր տաճարն էր, որը կառուցվել է Օսմանյան կայսրության ժամանակահատվածում[7]։
Եկեղեցու ձևավորման աշխատանքներն իրականացրել են նկարիչ Սակելարի Մեգակլիսան և ճարտարապետ Ալեքսանդր Կրիկելիսոմը[8]։ 1880 թվականի սեպտեմբերի 14-ին տեղի է ունեցել եկեղեցու օծման արարողությունը։
Եկեղեցին լրջորեն վնասվել է 1955 թվականի Ստամբուլի ջարդերի ընթացքում։ Տաճարի վերականգնման աշխատանքներն ավարտվել են 2003 թվականին՝ հույն գործարար Անգելոպուլոսի ջանքերի շնորհիվ[9][10][11][12]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.