From Wikipedia, the free encyclopedia
Սյու Էլեն Կասիանա «Սուելա» Բրավերման (անգլ.՝ Sue-Ellen Cassiana "Suella" Braverman), ի ծնե՝ Ֆերնանդեշ (պորտ.՝ Fernandes, ապրիլի 3, 1980[1], Harrow, Հարրոու, Մեծ Լոնդոն, Անգլիա, Միացյալ Թագավորություն[2][3]), բրիտանացի իրավաբան և քաղաքական գործիչ, 2020 թվականից Անգլիայի և Ուելսի գլխավոր ատորնեյն է։
Սուելա Բրավերման անգլ.՝ Suella Braverman | |
![]() | |
Կուսակցություն՝ | Մեծ Բրիտանիայի պահպանողական կուսակցություն |
---|---|
Կրթություն՝ | Քուինս Քոլեջ[1], Փարիզ 1 Պանթեոն-Սորբոն համալսարան[1], Heathfield School, Pinner?[1] և Northwood College? |
Մասնագիտություն՝ | բարիսթեր և քաղաքական գործիչ |
Ծննդյան օր | ապրիլի 3, 1980[1] (44 տարեկան) |
Ծննդավայր | Harrow, Հարրոու, Մեծ Լոնդոն, Անգլիա, Միացյալ Թագավորություն[2][3] |
Քաղաքացիություն | ![]() |
Ի ծնե անուն | անգլ.՝ Sue-Ellen Cassiana Fernandes |
Կայք՝ | suellabraverman.co.uk |
Քենիայից և Մավրիկիոսից ներգաղթյալների դուստր է (մայրը 45 տարի որպես բուժքույր աշխատել է Մեծ Բրիտանիայի հանրային առողջապահության համակարգում)։ Սկզբնապես սովորել է Բրենտի պետական դպրոցում, որից հետո ստացել է կրթաթոշակ և շարունակել է ուսումը Հարրոուի կանանց մասնավոր դպրոցում։ Սովորել է Քեմբրիջի համալսարանի Քուինզի քոլեջում, որտեղ ղեկավարել է պահպանողական ասոցիացիան, ավարտել է Փարիզ 1 Պանթեոն-Սորբոն համալսարանի մագիստրատուրան։ Ընդունվել է Նյու Յորքի փաստաբանների կոլեգիա, որից հետո 10 տարի Մեծ Բրիտանիայում զբաղվել է բարիստերական գործունեությամբ[4]։
2015 թվականի ընտրություններում Ֆերեմ շրջանից ընտրվել է Համայնքների պալատում՝ ստանալով ընտրողների 56,1 %-ի աջակցությունը (մրցակիցներից ուժեղագույնը՝ Անկախության կուսակցության թեկնածու Մալքոլմ Ջոնսը, ստացել է միայն 15,4 % ձայն)[5] ։
Հանդես է եկել Մեծ Բրիտանիայի Եվրամիությունից դուրս գալու կողմից և որոշ ժամանակ գլխավորել է Եվրոպական հետազոտական խումբը, որն զբաղվել է խորհրդարանով անցկացման համապատասխան օրենսդրությամբ։ Եղել է ֆինանսների նախարարների, ապա՝ Եվրամիությունից դուրս գալու նախարարի անձնական խորհրդարանական օգնականը, սակայն 2018 թվականի նոյեմբերին հրաժարական է տվել՝ ի նշան Մեծ Բրիտանիայի և Եվրամիության միջև համաձայնագրի նախագծի հետ անհամաձայնության, որն առաջարկել էր վարչապետ Թերեզա Մեյը[6]։
2019 թվականի դեկտեմբերին կայացած խորհրդարանական ընտրությունների արդյունքների համաձայն՝ ամրապնդել է դիրքը իր շրջանում։ Նրա օգտին քվեարկել է ընտրողների 63,7 %-ը, իսկ երկրորդ լեյբորիստ Մեթյու Ռենդալի օգտին՝ միայն 18,1 %-ը[7]։
2020 թվականի փետրվարի 13-ին Ջոնսոնի երկրորդ աշխատակազմում նշանակվել է Անգլիայի և Ուելսի գլխավոր ատտորնեյի և Հյուսիսային Իռլանդիայի գծով գլխավոր իրավական խորհրդատուի պաշտոնում[8]։
Բրավերմանը հաճախում է Լոնդոնի բուդդիստական կենտրոն, որը պատկանում է խոշորագույն բուդդայական համայնքներից մեկին՝ Տրիրատնային, որի դեմ բազմիցս մեղադրանքներ են առաջադրվել սեռական բռնության կիրառման համար[9]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.