ռուս բժիշկ-թերապևտ, հասարակական գործիչ From Wikipedia, the free encyclopedia
Սերգեյ Պետրովիչ Բոտկին (ռուս.՝ Серге́й Петро́вич Бо́ткин, սեպտեմբերի 5 (17), 1832[1], Մոսկվա, Ռուսական կայսրություն[2] - դեկտեմբերի 12 (24), 1889[1], Մենտոն, Ֆրանսիա[2]), ռուս թերապևտ, կլինիկական բժշկագիտության ֆիզիոլոգիական ուղղության հիմնադիր։
Սերգեյ Բոտկին | |
---|---|
Ծնվել է | սեպտեմբերի 5 (17), 1832[1] |
Ծննդավայր | Մոսկվա, Ռուսական կայսրություն[2] |
Մահացել է | դեկտեմբերի 12 (24), 1889[1] (57 տարեկան) |
Մահվան վայր | Մենտոն, Ֆրանսիա[2] |
Գերեզման | Սանկտ Պետերբուրգի Նովոդևիչյան գերեզմանատուն |
Քաղաքացիություն | Ռուսական կայսրություն |
Կրթություն | Մոսկվայի համալսարանի բժշկական ֆակուլտետ և Մոսկվայի Ի. Սեչենովի անվան առաջին պետական բժշկական համալսարան |
Գիտական աստիճան | բժշկության դոկտոր և Կայսերական բժշկա-վիրաբուժական ակադեմիա |
Մասնագիտություն | բժիշկ |
Աշխատավայր | Ս. Մ. Կիրովի անվան ռազմական բժշկական ակադեմիա |
Ամուսին | Anastasiya Alexandrovna Botkina? |
Ծնողներ | հայր՝ Pyotr Kononovich Botkin? |
Զբաղեցրած պաշտոններ | պրոֆեսոր |
Պարգևներ և մրցանակներ | |
Անդամություն | Բելգիայի թագավորական բժշկական ակադեմիա |
Երեխաներ | Եվգենի Բոտկին, Sergey Sergeevich Botkin?, Pyotr Sergeevich Botkin? և Alexander Sergeevich Botkin? |
Ստորագրություն | |
Sergei Botkin Վիքիպահեստում |
Սերգեյ Պետրովիչ Բոտկինը 1855 թվականին ավարտել է Մոսկվայի համալսարանի բժշկական ֆակուլտետը։ 1855 թվականին ռուս վիրաբույժ Նիկոլայ Պիրոգովի ջոկատում մասնակցել է Ղրիմի կամպանիային, իսկ 1877 թվականին՝ Բալկաններում, ռուս–թուրքական պատերազմական գործողություններին։
Բոտկինը Ռուսաստանում հիմնադրել է առաջին փորձառական լաբորատորիան, որտեղ ուսումնասիրվում էին դեղանյութերի ֆիզիոլոգիական և դեղաբանական ազդեցությունները։ Նրա գիտահետազոտական գործունեությունը նվիրված էր օրգանիզմի և արտաքին միջավայրի փոխհարաբերության, օրգանիզմի հիվանդագին պրոցեսների առաջացման գործում նյարդային համակարգի առաջատար դերին և ազդեցության մեխանիզմի պարզաբանմանը։
Բոտկինը կլինիկական բժշկագիտության մեջ ստեղծել է նոր ուղղություն, որը Իվան Պավլովն անվանել է ներվիզմ։ Բոտկինը 1883 թվականին առաջինը նկարագրեց լյարդի վիրուսային բորբոքումը, որը հետագայում կոչվեց Բոտկինի հիվանդություն։ Նա տվել է աորտայի լայնանքի (անևրիզմա), երիկամների բորբոքման, թափառող երիկամի կլինիկական ախտորոշման և բուժման եղանակները։
Իր միջոցներով հիմնադրել և հրատարակել է «Ներքին հիվանդությունների պրոֆեսոր Ս․ Պ․ Բոտկինի կլինիկայի արխիվը» (1869–1889) և «Կլինիկական շաբաթաթերթը» (1881–1889)։ 1861 թվականին, կլինիկական բուժման պատմության մեջ առաջինը բացել է անվճար ամբուլատորիա։ Նրա ջանքերով Ռուսաստանում առաջին անգամ (1880 թվականին) բացվել է նաև անվճար հիվանդանոց, որն այժմ կոչվում է Ս․ Պ․ Բոտկինի անունով։
Բոտկինի աշակերտներից են Ալեքսանդր Նեչաևը, Նիկոլայ Չիստովիչը, Իվան Պավլովը, Ալեքսեյ Պոլոտեբնովը և ուրիշներ։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.