Սեյրան Օսիպով

Սեյրան Օսիպով (դեկտեմբերի 4, 1961(1961-12-04), Հրազդան, Հայկական ԽՍՀ, ԽՍՀՄ - հունվարի 13, 2008(2008-01-13), Ստավրոպոլ, Ռուսաստան), խորհրդային ֆուտբոլիստ, հարձակվող։

Սեյրան Օսիպով
Անձնական տվյալներ
Քաղաքացիությունը	ԽՍՀՄ և  Ռուսաստան
Մականուն	Ջեյրան[1]
Ծննդյան ամսաթիվ	դեկտեմբերի 4, 1961(1961-12-04)
Ծննդավայր	Հրազդան, Հայկական ԽՍՀ, ԽՍՀՄ
Մահվան ամսաթիվ	հունվարի 13, 2008(2008-01-13) (46 տարեկան)
Մահվան վայր	Ստավրոպոլ, Ռուսաստան
Դիրք	հարձակվող
Մասնագիտական կարիերա*
Տարի	Ակումբ	Խաղ	(Գոլ)
1979 Մաշուկ ? (?) 1980 Դինամո (Ստավրոպոլ) 4 (0) 1981 Մաշուկ 33 (6) 1982 Դինամո (Ստավրոպոլ) 10 (1) 1982-1984 Մաշուկ 64 (33) 1985 Արարատ (Երևան) 5 (1) 1985-1989 Դինամո (Ստավրոպոլ) 170 (76) 1989-1990 Խեբիր (Պազարջիկ) 4 (0) 1990 Արարատ (Երևան) 4 (0) 1990-1991 Դինամո (Ստավրոպոլ) 47 (15) 1992 Դինամո (Ստավրոպոլ) 17 (6) 1992 Դինամո (Իզոբիլնի) 2 (3) 1992-1993 Օմենմեն (Բեյրութ) 31 (12) 1993-1994 Դինամո (Ստավրոպոլ) 28 (4)
* Մասնագիտական կարիերայում ընդգրկված են միայն առաջնության խաղերը և գոլերը:

Խաղացողի կարիերա

Սեյրան Օսիպովը տասնմեկ տարեկանում ծնողների հետ Հրազդանից տեղափոխվել է Պյատիգորսկ։ Դպրոցում սովորելու տարիներին գրանցվել է թեթև ատլետիկայի խմբակում, բայց գրեթե անմիջապես տեղափոխվել է խուտբոլի խմբակ (մարզիչներ՝ Ի․ Սերոշտան, Ն․ Բրաժկին)։ Շատ է մարզվել, խաղացել է որպես հարձակվող։ Դպրոցն ավարտելուց հետո՝ 1979 թվականին, ընդգրկվել է «Մաշուկի» կազմում։

1980 թվականին տեղափոխվել է Ստավրոպոլի «Դինամո», որը հանդես էր գալիս առաջին լիգայում։ «Դինամոյի» կազմում խաղալիս անցել է բանակային ծառայությունը։ Զորացրվելուց հետո վերադարձել է «Մաշուկ»։

1985 թվականին Նիկիտա Սիմոնյանն Օսիպովին հրավիրել է Երևանի «Արարատ», բայց չլուծված կենցաղային խնդիրների պատճառով Օսիպովը շուտով վերադարձել է Ստավրոպոլ։

1989-1990 թվականներին խաղացել է Բուլղարիայի Պազարջիկ քաղաքի (Ստավրոպոլի քույր-քաղաք) «Խեբիր» ակումբում։ Այնտեղ երկար չի մնացել ակումբում և բուլղարական լիգայում ֆուտբոլային ցածր մակարդակի պատճառով։ Ստավրոպոլում խաղալիս դարձել է ԽՍՀՄ առաջին լիգայի լավագույն ռմբարկուներից մեկը (91 գոլ) և «Դինամոյի» երկրորդ ռմբարկուն նրա ողջ պատմության ընթացքում (102 գոլ)։

ԽՍՀՄ բարձրագույն լիգայում Սեյրան Օսիպյանն անցկացրել է 9 հանդիպում և խփել մեկ գոլ, Ռուսաստանի բարձրագույն լիգայում՝ 45 հանդիպում և 10 գոլ։ Որպես խաղացող աչքի է ընկել տեխնիկական հմտությունների բարձր մակարդակով, եղել է արդյունավետ խաղացող հարձակվող^[2]։

Ֆուտբոլային կարիերան ավարտելուց հետո ապրել է Լեհաստանում, սկսել շինարարական բիզնես^[1]։

Սեյրան Օսիպովը մահացել է Ստավրոպոլում 2008 թվականի հունվարի 13-ին՝ վետերանների մարզման ժամանակ տեղի ունեցած սրտի նոպայից։ Թաղվել է Պյատիգորսկում^[3]։

Ձեռքբերումներ

• ԽՍՀՄ առաջին լիգայի գավաթի դափնեկիր – 1990

Հիշատակ

2009 թվականից սկսած Ստավրոպոլում ամեն տարի անցկացվում է Սեյրան Օսիպովի հիշատակին նվիրված մինի ֆուտբոլի մրցաշար վետերանների միջև^[4]։

Ծանոթագրություններ

1. В Ставрополь приехал Сейран Осипов!
2. Николай Персук — Ставропольский Мюллер
3. Турнир по мини-футболу памяти Сейрана Осипова завершился в Ставрополе
4. «Мемориал Сейрана Осипова». Արխիվացված է օրիգինալից 2013 թ․ փետրվարի 28-ին. Վերցված է 2012 թ․ հունիսի 21-ին.

Աղբյուրներ

• Николенко Анатолий. Снайпер из созвездия Стрельца // Футбольный курьер. — 1992. — № 1. — с.8-9.