From Wikipedia, the free encyclopedia
Սամուել Ռոբսոն Ուոլթոն (հոկտեմբերի 27, 1944[1][2], Թալսա), ամերիկացի միլիարդատեր, Walmart-ի հարստության ժառանգը, աշխարհի ամենամեծ մանրածախ վաճառողը։ 1992-2015 թվականներին եղել է Walmart-ի նախագահը։ Նա Հելեն Ուոլթոնի և Սամ Ուոլթոնի ավագ որդին է։
Սամուել Ուոլթոն | |
---|---|
![]() | |
Ծնվել է | հոկտեմբերի 27, 1944[1][2] (79 տարեկան) |
Ծննդավայր | Թալսա |
Քաղաքացիություն | ![]() |
Կրթություն | Արկանզասի համալսարան և Կոլումբիական համալսարանի իրավագիտության ֆակուլտետ |
Մասնագիտություն | գործարար և փաստաբան |
Ամուսին | Melani Lowman-Walton? |
Ծնողներ | հայր՝ Սեմ Ուոլթոն, մայր՝ Helen Walton? |
Երեխաներ | Carrie Walton Penner? |
![]() |
2022 թվականի հոկտեմբերի տվյալներով՝ Ուոլթոնը ունի 61 միլիարդ դոլարի մաքուր ակտիվներ և դասվում է աշխարհի ամենահարուստ մարդկանց շարքին՝ գրավելով 18-րդ տեղը[3]։ Նա նաև Denver Broncos-ի գլխավոր սեփականատերն է[4][5]։
Ռոբ Ուոլթոնը ծնվել է 1944 թվականի հոկտեմբերի 27-ին Օկլահոմա նահանգի Թալսա քաղաքում[6]։ Սամ Ուոլթոնի և Հելեն Ուոլթոնի չորս երեխաներից ամենամեծն է։ Ունի կրտսեր եղբայր՝ Ջիմ Ուոլթոնը, և կրտսեր քույր՝ Ալիս Ուոլթոնը։ Մյուս եղբայրը՝ Ջոհն Ուոլթոնը, մահացել է 2005 թվականին[7][8][9]։
Ուոլթոնը հաճախել է Վուսթերի քոլեջը, իսկ 1966 թվականին ավարտել է Արկանզասի համալսարանը՝ բիզնես կառավարման բակալավրով։ Այնտեղ նա եղել է Lambda Chi Alpha համայնքի անդամ։ 1969 թվականին Կոլումբիայի իրավաբանական համալսարանի կողմից ստացել է իրավաբանական գիտությունների դոկտորի աստիճան։ Ուոլթոնը դարձել է նաև Վուսթերի քոլեջի հոգաբարձու[9]։
Ուսումն ավարտելուց հետո Ուոլթոնը դարձել է իրավաբանական ընկերության անդամ, որը ներկայացնում էր Վոլմարթը և Conner & Winters-ը Թալսայում։ 1978 թվականին նա լքել է Թալսան՝ Վոլմարթին միանալու համար, որտեղ 1982 թվականին նշանակվել է փոխնախագահ։ 1992 թվականի ապրիլի 7-ին՝ հոր մահից երկու օր անց, դարձել է տնօրենների խորհրդի նախագահ[10]։
Նա իր եղբայրների ու քույրերի հետ երաշխավորել է 2008 - 2013 թվականներին մոտ 2 միլիարդ դոլար հատկացնել Walton Family հիմնադրամին[8]։
2022 թվականի հունիսի 7-ին Ուոլթոնի գլխավորած սեփականատիրական խումբը պայմանագիր է կնքել Փեթ Բոուլենի ունեցվածքից Denver Broncos արտոնությունը 4,65 միլիարդ դոլարով գնելու վերաբերյալ, ինչը պատմության մեջ սահմանել է սպորտային արտոնությունների ամենաթանկ վաճառքի ռեկորդը, որը ենթակա է հաստատման NFL-ի ֆինանսական կոմիտեի և սեփականատերերի խմբի մեծամասնության կողմից[11][12]։
2022 թվականի հուլիսի 11-ին նախկին պետքարտուղար Կոնդոլիզա Ռայսը դարձել է սեփականության խմբի անդամ[13]։ Իսկ 2022 թվականի օգոստոսի 2-ին ընտանիքը հայտարարել է, որ Լյուիս Հեմիլթոնը նույնպես միանալու է սեփականության խմբին[14]։ Ուոլթոնը առօրյա լիազորությունների մեծ մասը պատվիրակել է իր փեսային՝ Walmart-ի նախագահ Գրեգ Փեններին, որը ստանձնել է ֆրանշիզայի գործադիր տնօրենի և սեփականատերերի խմբի հանրային դեմքի դերը[15]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.