Ջեսի Լասկի

Ջեսի Լուիս Լասկի (անգլ.՝ Jesse Louis Lasky; սեպտեմբերի 13, 1880(1880-09-13)^[1][2][3], Սան Ֆրանցիսկո, Կալիֆոռնիա, ԱՄՆ - հունվարի 13, 1958(1958-01-13)^[1][2][3], Բևերլի Հիլզ, Լոս Անջելես շրջան, Կալիֆոռնիա, ԱՄՆ), ամերիկացի կինոպրյոդուսեր^[5], Ադոլֆ Ցուկորի հետ ստեղծել է «Paramount Pictures» ամերիկյան ընկերությունը։ Սցենարիստ Ջեսի Լ․ Լասկի կրտսերի հայրն է։ Ջեսի Լասկին Կինոարվեստի և գիտության ակադեմիայի հիմնադիրներից մեկն է^[6]։

Ջեսի Լասկի անգլ.՝ Jesse Louis Lasky
Ծնվել է	սեպտեմբերի 13, 1880(1880-09-13)[1][2][3]
Ծննդավայր	Սան Ֆրանցիսկո, Կալիֆոռնիա, ԱՄՆ
Մահացել է	հունվարի 13, 1958(1958-01-13)[1][2][3] (77 տարեկան)
Մահվան վայր	Բևերլի Հիլզ, Լոս Անջելես շրջան, Կալիֆոռնիա, ԱՄՆ
Գերեզման	Hollywood Forever Cemetery
Քաղաքացիություն	ԱՄՆ
Ազգություն	հրեա
Մասնագիտություն	կինոպրոդյուսեր, սցենարիստ, գործադիր պրոդյուսեր և պրոդյուսեր
Ամուսին	Bessie Lasky?[4]
Պարգևներ և մրցանակներ	Հոլիվուդյան փառքի ծառուղու աստղ
Երեխաներ	Jesse Louis Lasky Jr.? և Betty Lasky?
Jesse L. Lasky Վիքիպահեստում

Կենսագրություն

Ծնվել է Սան Ֆրանցիսկոյում՝ Ռուսաստանից եկած հրեական ընտանիքում^[7]։ Հայրը՝ Իսահակ Լասկին, եղել է կոշիկի խանութի սեփականատեր, իսկ մայրը՝ Սառան՝ տնային տնտեսուհի^[8]։ Փոխել է տարբեր աշխատանքներ, բայց իր զվարճացնող կարիերան սկսել է զավեշտությունից, որը հետագայում նրան տարել է դեպի կինոբիզնես։ Քույրը՝ Բլանշը, ամուսնացել է Սեմուել Գոլդվինի հետ, և 1913 թվականին Լասկին, Գոլդվինը, Սեսիլ Բլաունտ դե Միլլը և Օսկար Ափֆելը հիմնել են Jesse L. Lasky Feature Play Company ընկերությունը։ Սուղ միջոցներով նրանք վարձակալել են Լոս Անջելեսից ոչ հեռու գտնվող սրահ, որտեղ պատրաստում են առաջին հոլիվուդյան գեղարվեստական ֆիլմը՝ «Հնդկուհու կինը»։ Այդ սրահում, որն այժմ հայտնի է «Լասկի֊դե Միլլա» անվամբ, գտնվում է Հոլիվուդյան ժառանգության թանգարանը։

1916 թվականին ընկերությունը միաձուլվել է Ադոլֆ Ցուկորի հետ՝ կազմելով «Famous Players-Lasky Corporation» ընկերությունը։ 1920 թվականին Նյու Յորքում՝ Աստորիայում, հիմնել են մեծ ստուդիա, որը այժմ հայտնի է «Քաուֆմանի աստորյան ստուդիա» անունով։ 1927 թվականին եղել է Կինոարվեստի և գիտության ակադեմիայի երեսունվեց հիմնադիրներից մեկը^[6]։

Մեծ ճգնաժամի ժամանակ խորացած ֆինանսական խնդիրների պատճառով ընկերությունը 1933 թվականին անցել է մրցութային արտադրության^[9]։ Ֆիլմերի արտադրության համար Լասկին համագործակցել է Մերի Փիքֆորդի հետ, սակայն մի քանի տարի անց խզել է իր գործնական հարաբերությունները։ Մինչև 1945 թվականը Լասկին մեծ ստուդիաներից մեկում աշխատել է պրոդյուսեր, հետո ստեղծել սեփական կինոարտադրման ընկերությունը։ 1951 թվականին ստեղծել է իր վերջին ֆիլմը, 1957 թվականին հրապարակել է ինքնակենսագրությունը՝ I Blow My Own Horn։ Մահացել է 1958 թվականին՝ Բևեռլի Հիլզում^[10][11]։ Թաղվել է Hollywood Forever գերեզմանատանը։

Ընտանիք

Կինը Բեսսի Իդա Գինզբերգն է, որդին՝ Ջեսի Լանսկի֊կրտսերը։

Ժառանգություն

Կինոարտադրության ման մեջ իր մեծ դերի համար արժանացել է հոլիվուդյան աստղի։ Բևեռլի Հիլզում գտնվող Լասկի֊դրայվը անվանվել է իր պատվին։

Ծանոթագրություններ

1. Internet Broadway Database — 2000.
2. Բրոքհաուզի հանրագիտարան (գերմ.)
3. Bibliothèque nationale de France data.bnf.fr (ֆր.): տվյալների բաց շտեմարան — 2011.
4. Find A Grave — 1996.
5. Obituary Variety Obituaries, January 15, 1958, page 70.
6. «History of the Academy» (անգլերեն). Академия кинематографических искусств и наук. Արխիվացված է օրիգինալից 2017 թ․ հունիսի 16-ին. Վերցված է 2017 թ․ փետրվարի 26-ին.
7. United States Jewry, 1776—1985, Volumes 1—2
8. «Jesse Louis Lasky Timeline». Արխիվացված է օրիգինալից 2014 թ․ նոյեմբերի 26-ին. Վերցված է 2014 թ․ նոյեմբերի 14-ին.
9. «J.L. Lasky Invokes New Bankruptcy Law. Listing $2,020,024 Liabilities and $134,718 Assets, He Asks Deal With Creditors». New York Times. 1933 թ․ օգոստոսի 3. Վերցված է 2009 թ․ մարտի 2-ին. «Listing a total of $2,020,024.24 in liabilities and assets of only $134,718.93, Jesse L. Lasky, pioneer motion-picture producer, today sought aid of the newly amended bankruptcy act to make a compromise with his creditors, and filed a debtor's petition with the United States District Court.»
10. «Died». Time (magazine). 1958 թ․ հունվարի 27. Արխիվացված է օրիգինալից 2011 թ․ հունվարի 31-ին. Վերցված է 2008 թ․ հունիսի 8-ին. «Jesse Louis Lasky, 77. pioneer moviemaker who cranked out (in 1914) Hollywood's first feature-length film (The Squaw Man) in a barn studio; of a heart attack; in Beverly Hills. After his first movie venture (with a brother-in-law, Glove Salesman Samuel Goldfish, (now Goldwyn) and young playwright Cecil B. DeMille), Lasky joined (in 1916) with Adolph Zukor to form the Famous Players-Lasky Corp., which evolved into Paramount Pictures.»
11. «Jesse L. Lasky, Film Pioneer, Dies at 77. Early Producer Who Helped Build Movie Industry Suffers Fatal Heart Seizure». New York Times. 1958 թ․ հունվարի 14. Արխիվացված է օրիգինալից 2012 թ․ հոկտեմբերի 19-ին. Վերցված է 2009 թ․ մարտի 2-ին.

Արտաքին հղումներ

• Ջեսի Լասկին (անգլ.) Internet Movie Database կայքում

Վիքիպահեստն ունի նյութեր, որոնք վերաբերում են «Ջեսի Լասկի» հոդվածին։