![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5b/Pestel.jpg/640px-Pestel.jpg&w=640&q=50)
Պավել Պեստել
From Wikipedia, the free encyclopedia
Պավել Իվանովիչ Պեստել (հունիսի 24 (հուլիսի 5), 1793, Մոսկվա, Ռուսական կայսրություն - հուլիսի 13 (25), 1826, Պետրոպավլովյան ամրոց, Սանկտ Պետերբուրգ, Ռուսական կայսրություն), ռուս ազնվական հեղափոխական, դեկաբրիստ, գնդապետ։
Ուշադրություն, այս հոդվածը կամ դրա բաժինը փոխադրված է Հայկական սովետական հանրագիտարանից։ Քանի որ հոդվածի ստեղծման համար օգտագործվել են խորհրդային աղբյուրներ, այն կարող է շարադրված լինել խորհրդային գաղափարախոսության տեսանկյունից և հակասել Վիքիպեդիայի չեզոք տեսակետի հիմնարար սկզբունքին։ |
Պավել Պեստել | |
---|---|
![]() | |
Ծնվել է | հունիսի 24 (հուլիսի 5), 1793 |
Ծննդավայր | Մոսկվա, Ռուսական կայսրություն |
Մահացել է | հուլիսի 13 (25), 1826 (33 տարեկան) |
Մահվան վայր | Պետրոպավլովյան ամրոց, Սանկտ Պետերբուրգ, Ռուսական կայսրություն |
Քաղաքացիություն | ![]() |
Կրթություն | Պաժերի կորպուս |
Մասնագիտություն | ռազմական գործիչ, հեղափոխական, Դեկաբրիստներ և Q97662017? |
Ծնողներ | հայր՝ Ivan Borisovich Pestelʹ? |
Պարգևներ և մրցանակներ | |
Անդամություն | Փրկության միություն, Բարգավաճման միություն և Southern Society? |
Ստորագրություն![]() | |
![]() |
Մասնակցել է 1812 թվականի Հայրենական պատերազմին և ռուսական բանակի 1813-1814 թվականի արտասահմանյան արշավանքներին։ 1816 թվականին մտել է դեկաբրիստների «Փրկության միություն» ընկերության մեջ (որի կանոնադրության հիմնական հեղինակն էր), 1818 թվականին կազմակերպել է «Բարօրության միություն»-ը, 1821 թվականի մարտին ստեղծել և գլխավորել է դեկաբրիստների Հարավային ընկերությունը։ Մշակել է Ռուսաստանում սոցիալտնտեսական և քաղաքական բարեփոխումների նախագիծ (1824 թվականին կոչել է «Ռուսկայա պրավդա»), որը պահանջում էր ինքնակալության տապալում, ճորտատիրական իրավունքի վերացում, հանրապետության հաստատում (Պեստելը ռուսական ազատագրական շարժման մեջ հանրապետական ավանդների հիմնադիրն է)։ Պեստելի ծրագիրը սոցիալ-տնտեսական առումով բուրժուական էր՝ որոշ դեմոկրատական տարրերով, կրոնափիլիսոփայական տեսակետից դեիստական։ Պատմական պայմանների բերումով Պեստելը չկարողացավ հետևողականորեն լուծել կալվածատիրական հողատիրության հարցը, առաջարկում էր ճորտերին ազատել հողով և սահմանափակել կալվածատերերի հողատիրությունը, ինչպես նաև զինվորական հեղափոխություն, առանց ժողովրդական զանգվածների մասնակցության։ Ձերբակալվել է 1825 թվականի դեկտեմբերի 13-ին՝ ապստամբության նախօրեին, կախաղան է բարձրացվել 1826 թվականի հուլիսի 13-ին, չորս այլ դեկաբրիստների հետ, Պետրոպավլովյան ամրոցում։
![]() | Վիքիպահեստն ունի նյութեր, որոնք վերաբերում են «Պավել Պեստել» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 236)։ ![]() |
![]() |
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |