From Wikipedia, the free encyclopedia
Չինաստանի ազգային բանկ (չինարեն ավանդ. 中國人民銀行, հեշտ. 中国人民银行 , պինին: Zhōngguó Rénmín Yínháng), Չինաստանի կենտրոնական բանկը, որն իր գործառույթներն իրականացնում է երկրի կառավարության ենթակայության ներքո[1]։
Չինաստանի ազգային բանկ չինարեն՝ 中国人民银行 | |
---|---|
Տեսակ | կենտրոնական բանկ և Constituent Department of the State Council? |
Երկիր | Չինաստան |
Ստեղծման թվական | դեկտեմբերի 1, 1948 |
Փոխարինված է | Չինաստանի Հանրապետության Կենտրոնական բանկ |
Շտաբակայան | Պեկին, Չինաստան և Շանհայ, Չինաստան |
Կայք | pbc.gov.cn |
Բանկը հիմնադրվել է 1948 թվականի դեկտեմբերի 1-ին 3 բանկի՝ Հուաբեյ բանկի, Բեյհայ բանկի և Սիբեյ գյուղատնտեսական բանկի միաձուլման արդյունքում։ Բանկի գլխավոր գրասենյակը սկզբում գտնվում էր Շիցզյաժուան քաղաքում, իսկ 1949 թվականին տեղափոխվել է Պեկին։ 1949-1978 թվականներին բանկն իրականացրել է ինչպես Կենտրոնական, այնպես էլ առևտրային բանկի գործառույթներ։
1980 թվականին իրականացված տնտեսական բարեփոխումների արդյունքում բանկի կոմերցիոն գործառույթները բաշխվել են 4 անկախ, բայց պետական բանկերի միջև, և 1983 թվականին Պետական խորհուրդը որոշել է, որ Չինաստանի ազգային բանկը կգործի միայն որպես Կենտրոնական բանկ։ 1995 թվականի մարտի 18-ին իրավական կարգավիճակը վերջնականապես հաստատվել է։ 1988 թվականին՝ կառուցվածքային բարեփոխման արդյունքում, բոլոր տեղական և մարզային մասնաճյուղերը փակվել են, և Չինաստանի ազգային բանկը բացել է 9 տարածքային մասնաճյուղ, որոնց լիազորությունները չեն համապատասխանում տեղական վարչական բաժանմանը։
2003 թվականին Ժողովրդական ներկայացուցիչների համաչինական ժողովի մշտական կոմիտեի կողմից ընդունվել են օրենքի լրացումներ, որոնցով բանկը ստացել է մի շարք լրացուցիչ լիազորություններ՝ ընդհանուր ֆինանսական կայունության ապահովման և երկրի դրամավարկային քաղաքականության իրականացման համար։
Չինաստանի ազգային բանկը աշխարհում ամենախոշոր ֆինանսական ինստիտուտն է իր ունեցած պահուստների ծավալով՝ 3,201 տրիլիոն դոլար[2]։
2019 թվականի օգոստոսին Չինաստանի կենտրոնական բանկը հայտարարել է ազգային թվային արժույթի մոտալուտ գործարկման մասին՝ հինգ տարվա մշակումից հետո[3]։
«Չինաստանի ազգային բանկի մասին» ՉԺՀ օրենքի համաձայն՝ բանկի վրա դրված են դրամշրջանառության և վարկի կարգավորման գործառույթներ։
Ազգային ժողովրդական կոնգրեսի մշտական հանձնաժողովի կողմից 2003 թվականին ընդունված «Չինաստանի ազգային բանկի փոխարեն Չինաստանի բանկային գործունեության կարգավորման և վերահսկողության իրականացման մասին» որոշման համաձայն՝ ստեղծվել է Չինաստանի բանկային գործունեության կարգավորման հանձնաժողով (ՉԲԳԿՀ)։
2003 թվականի դեկտեմբերին ընդունված ՉԺՀ «Բանկային կարգավորման և վերահսկողության մասին» օրենքի համաձայն՝ ՉԲԳԿՀ-ն պատասխանատու է ֆինանսական հաստատությունների կարգավորման և վերահսկման համար, որոնք համաձայն ՉԺՀ «Առևտրային բանկային գործունեության մասին» և «Ընկերությունների մասին» օրենքի՝ ընդունում են ավանդներ, տրամադրում վարկեր, տալիս են հաշիվներ և իրականացնում այլ գործունեություն։
Չինաստանի ազգային բանկը 9 տեղական մասնաճյուղ է բացել Տյանցզին, Շենյան, Նանկին, Ցզինան, Ուհան, Գուանչժոու, Չենդու, Շանհայ և Սիան քաղաքներում։ Բանկն ունի նաև 6 արտասահմանյան ներկայացուցչական գրասենյակ և ներառում է 18 վարչություն[4]։
2010 թվականի վարկավորման քվոտան կազմել է 7,5 տրիլիոն յուան[5]։
Ցանկը՝ ըստ բանկի պաշտոնական կայքի[6].
Բանկի կողմից սահմանվող տոկոսադրույքները միշտ 9-ի բազմապատիկ են։ Մնացած վայրերում տոկոսադրույքները 25-ի բազմապատիկ են[7][8]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.