Ուրմաս Ռեյնսալու

Ուրմաս Ռեյնսալու (էստ․՝ Urmas Reinsalu, հունիսի 22, 1975(1975-06-22), Տալլին, Էստոնական ԽՍՀ, ԽՍՀՄ), էստոնացի պետական գործիչ։ «Հայրենիք» կուսակցության անդամ է։ Էստոնիայի արտաքին գործերի նախարար՝ 2022 թվականի հուլիսի 18-ից^[2]։

Ուրմաս Ռեյնսալու
Կուսակցություն՝	Res Publica կուսակցություն[1] և Հայրենիքի[1]
Կրթություն՝	Տարտուի համալսարան (1997) և Tallinn Secondary School No. 37?
Մասնագիտություն՝	քաղաքական գործիչ և իրավաբան
Ծննդյան օր	հունիսի 22, 1975(1975-06-22) (49 տարեկան)
Ծննդավայր	Տալլին, Էստոնական ԽՍՀ, ԽՍՀՄ
Քաղաքացիություն	Էստոնիա
Պարգևներ	և

Կենսագրություն

Ուրմաս Ռեյնսալուն ծնվել է 1975 թվականի հունիսի 22-ին Տալլինում։

1993 թվականին ավարտել է Տալլինի 37-րդ միջնակարգ դպրոցը, 1997 թվականին՝ Տարտուի համալսարանի իրավաբանական ֆակուլտետը։

1996-1997 թվականներին աշխատել է Էստոնիայի արդարադատության նախարարությանը կից բաց-իրավական ոլորտում մասնագետ և Էստոնիայի կառավարությանն առընթեր սահմանադրական իրավաբանական հանձնաժողովի փորձագետ։ Էստոնիայի նախագահի ներքին քաղաքականության գծով խորհրդական։ 1998-2001 թվականներին եղել է Էստոնիայի նախագահի պետական գրասենյակի տնօրեն։

2002-2003 թվականներին՝ Էստոնիայի ներքին անվտանգության ակադեմիայի դասախոս։

1992 թվականից եղել է Res Publica կուսակցության անդամ։ 2002 թվականին եղել է Res Publica կուսակցության խորհրդի նախագահ։ 2006 թվականին Res Publica կուսակցությունը Իսամաալիյթ կուսակցության հետ միավորելուց հետո հանդիսանում է «Հայրենիքի միություն և Res Publica» կուսակցության անդամ (2018 թվականից՝ «Հայրենիք»)։

2004 թվականին Եվրախորհրդարանի ընտրություններում գլխավորել է Res Publica կուսակցության ընտրական ցուցակը, սակայն չի ընտրվել^[3]։

2003 թվականի խորհրդարանական ընտրությունների արդյունքներով ընտրվել է Ռիյգիկոգու 10-րդ գումարման անդամ։ Վերընտրվել է 2007 և 2011 թվականների ընտրություններում։

Ռեյնսալուն «Հայրենիք» կուսակցության առաջնորդ է դարձել 2012 թվականին։ Պաշտոնը լքել է 2015 թվականին.

2012 թվականի մայիսի 11-ին Հանրապետության նախագահ Թոոմաս Հենդրիկ Իլվես ը Ռեյնսալային նշանակեց պաշտպանության նախարար^[4], իսկ երկու օր անց՝ մայիսի 14-ին, նա երդում է տվել նշանակված պաշտոնում Ռիյգիկոգուի անդամների առջև^[5]։

2015-2019 թվականներին՝ Էստոնիայի արդարադատության նախարար։

2019 թվականից մինչև 2021 թվականի հունվարի 26-ը եղել է Էստոնիայի արտաքին գործերի նախարար Յուրի Ռատասի երկրորդ կառավարությունում։

2022 թվականի հուլիսի 18-ին ստացել է Էստոնիայի արտաքին գործերի նախարարի պորտֆելը Կայ Կալլասի երկրորդ կառավարությունում։

Ռեյնսալուն Էստոնիայի պաշտպանության միության, Էստոնիայի սեփականատերերի Կենտրոնական միության և Էստոնիայի իրավաբանների միության անդամ է^[6]։ Տիրապետում է էստոներենին, անգլերենին, գերմաներենին, ռուսերենին և ֆիններենին^[6]։

Հայտարարություններ

2012 թվականի հուլիսի 14-ին Կուրեսսաարում «Ազատության համար պայքարողների միության» հավաքի ժամանակ, ինչպես Էստոնիայում անվանում են Էստոնիայի ՍՍ 20-րդ դիվիզիայի վետերաններին, Ռեյնսալուն երախտագիտություն է հայտնել նրանց և հայտարարել, որ նրանց «ներդրումը, որը բխում էր օրինական իրավահաջորդության սկզբունքից, վճռորոշ նշանակություն ուներ Էստոնիայի Հանրապետության համար և միաժամանակ փրկեց մեր ժողովրդի պատիվը»^[7]։ Այս հայտարարությունը բուռն վրդովմունք է առաջացրել ինչպես Էստոնիայի ներսում, այնպես էլ արտերկրում^[8]։ Ռուսաստանի ԱԳՆ պաշտոնական ներկայացուցիչ Ալեքսանդր Լուկաշևիչը հայտարարել է^[8]։

Նախկին էսէսականների և տեղի կոլաբորացիոնիստների փառաբանմանն ուղղված միջոցառումների անցկացումը չի կարելի այլ կերպ գնահատել, քան էստոնական հասարակությունում պրոնացիստական տրամադրությունների կանխամտածված սերմանումը և նրանց հիշատակի հանդեպ բացահայտ ծաղրը, ովքեր իրենց կյանքի գնով աշխարհը փրկել են «դարչնագույն ժանտախտից»։ Նրա արտահայտած երախտագիտությունը ֆաշիստական կամակատարներին «էստոնացի ժողովրդի պատիվը փրկելու» համար հանդիսանում է Երկրորդ համաշխարհային պատերազմի իրադարձությունների առնչությամբ պաշտոնական Տալլինի նպատակաուղղված առասպելաբանության ևս մեկ հաստատում։

Անձնական կյանք

Ուրմաս Ռեյնսալուն ամուսնացած է, ունի երկու դուստր^[2]՝ Լիյստբետը և Էլբետը։

Ծանոթագրություններ

1. Political parties — Centre of Registers and Information Systems.
2. «Министр иностранных дел». Министерство иностранных дел. 2022 թ․ հուլիսի 19. Արխիվացված օրիգինալից 2022 թ․ հունիսի 10-ին. Վերցված է 2022 թ․ հուլիսի 27-ին.
3. «Valimised 2004 :: erakonnad.info». // erakonnad.info. Արխիվացված օրիգինալից 2012 թ․ հոկտեմբերի 1-ին. Վերցված է 2012 թ․ օգոստոսի 4-ին.(էստոներեն)
4. «Президент Ильвес назначил Урмаса Рейнсалу министром обороны». // rus.delfi.ee. Արխիվացված օրիգինալից 2012 թ․ հոկտեմբերի 1-ին. Վերցված է 2012 թ․ օգոստոսի 4-ին.
5. «Министр обороны Рейнсалу принес присягу». // rus.postimees.ee. Արխիվացված օրիգինալից 2021 թ․ մայիսի 13-ին. Վերցված է 2021 թ․ մայիսի 13-ին.
6. «Urmas Reinsalu». // valitsus.ee. Արխիվացված է օրիգինալից 2012 թ․ հոկտեմբերի 1-ին. Վերցված է 2012 թ․ օգոստոսի 4-ին.(էստոներեն)
7. «Рейнсалу настаивает, что пособники нацистов боролись за освобождение Эстонии». // rus.postimees.ee. Արխիվացված օրիգինալից 2012 թ․ հոկտեմբերի 1-ին. Վերցված է 2012 թ․ օգոստոսի 4-ին.
8. «МИД РФ возмущен заявлением Рейнсалу о слете Эстонского союза борцов за свободу». // rus.delfi.ee. Արխիվացված օրիգինալից 2012 թ․ հոկտեմբերի 1-ին. Վերցված է 2012 թ․ օգոստոսի 4-ին.

Վիքիպահեստն ունի նյութեր, որոնք վերաբերում են «Ուրմաս Ռեյնսալու» հոդվածին։