From Wikipedia, the free encyclopedia
Շայա Մելամուդ (ռուս.՝ Меламуд, Шая Ноевич), խորհրդային գեղանկարիչ և գրաֆիկական նկարիչ, Լենինգրադի նկարիչների միության անդամ (մինչև 1992 թվականը՝ ՌԽՖՍՀ նկարիչների միության Լենինգրադի կազմակերպություն)[1]։
Շայա Մելամուդ | |
---|---|
Ծնվել է | օգոստոսի 13, 1911 |
Ծննդավայր | Օդեսա, Խերսոնի նահանգ, Ռուսական կայսրություն և Վոզնեսենսկ, Ելիսավետգրադսկի գավառ, Խերսոնի նահանգ, Ռուսական կայսրություն |
Վախճանվել է | հոկտեմբերի 20, 1993 (82 տարեկան) |
Մահվան վայր | Սանկտ Պետերբուրգ, Ռուսաստան |
Քաղաքացիություն | ![]() ![]() ![]() |
Կրթություն | Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտ |
Մասնագիտություն | նկարիչ և վիզուալ արտիստ |
Ժանր | դիմապատկեր և բնանկար |
Պարգևներ | |
Անդամակցություն | ԽՍՀՄ նկարիչների միություն |
Ամուսին | Ռաիսա Հետման |
Ծնվել է 1911 թվականի օգոստոսի 13-ին, Օդեսայում (ըստ այլ աղբյուրների` Վոզնեսենսկում)։ 1931-1940 թվականներին սովորել է Լենինգրադի Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտում, Կոնստանտին Յուոնի և Պավել Շիլինգովսկու մոտ։ 1940 թվականին ստացել է «Գեղանկարչության ֆակուլտետն ավարտելու վկայական` դիպլոմային աշխատանք պաշտպանելու իրավունքով»։ 1956 թվականին նա ներկայացրել և պաշտպանել է իր դիպլոմային աշխատանքը` «Ակադեմիկոս Լ. Բերգի դիմանկարը» և «Լենինգրադի լավագույն դարբին Դ. Շկրեդովի դիմանկարը»։ Նրան շնորհվել է գեղանկարչի որակավորում[2]։
1939 թվականի վերջին Կուոկկոլեում մասնակցել է Իլյա Ռեպինի գեղարվեստական գանձերի և արխիվի ընդունման և համակարգման աշխատանքներին։ Եղել «Ռեպինը Պենատիում» (1940) գրքի համահեղինակ (Ի. Բրոդսկու հետ միասին)[3] (1940):
1940 թվականից մասնակցել է ցուցահանդեսների՝ ցուցադրելով իր աշխատանքները Լենինգրադի կերպարվեստի առաջատար վարպետների աշխատանքների հետ միասին։ Նա նկարել է դիմանկարներ, ժանրային և պատմական կոմպոզիցիաներ, բնանկարներ։ «Նևսկի պողոտան վերակառուցման ընթացքում»[4] (1951), «Լենինգրադի լավագույն դարբին Դ. Շկրեդովի դիմանկարը»[5] (1954), «Մարտենովյան արտադրամասի կռունկավարը», «Սիվերսկայա»[6](երկուսն էլ՝ 1957), «Ուրիցկու անվան ծխախոտի գործարանի առաջատար աշխատող Ս. Միրոնովի դիմանկարը»[7] (1960), «Վիբա կուբա»[8](1961) և այլ նկարների հեղինակ է։
1990-ական թվականների սկզբին մի շարք արտասահմանյան ցուցահանդեսներում եվրոպացի հանդիսատեսին են ներկայացվել Շայա Մելամուդի աշխատանքները` լենինգրադյան նկարիչների աշխատանքների կազմում[9][10]։
Նկարչուհի Ռաիսա Հետմանի ամուսինն է (1913-1983)։ Թատրոնի և կինոյի նկարչուհի Կիրա Մելամուդի հայրն է (ծնվ. 09.21.1940)[1]:
Մահացել է 1993 թվականի հոկտեմբերի 20-ին, Սանկտ Պետերբուրգում։
Շ. Մելամուդի աշխատանքները գտնվում են Ռուսաստանի, Ուկրաինայի, Գերմանիայի, ԱՄՆ-ի, Ֆրանսիայի[11] և այլ երկրների թանգարաններում և մասնավոր հավաքածուներում։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.