ուգանդացի դերասանուհի From Wikipedia, the free encyclopedia
Նանա Հիլ Կագգա Մաքֆերսոն (անգլ.՝ Nana Hill Kagga Macpherson, հայտնի է նաև որպես Նանա Կագգա-Հիլ կամ Նանա Հիլ կամ Նանա Հիլ Կագգա, ապրիլի 6, 1979, Նայրոբի, Քենիա), ուգանդացի դերասանուհի, կինեմատոգրաֆիստ, բովանդակություն ստեղծող, սցենարիստ, նավթարդյունահանող ճարտարագետ, մոտիվացիոն խոսնակ[1]։ Հայտնի է որպես «Կյանքը» գրքի հեղինակ, «Beneath The Lies - The Series» միստիկ հեռուստադրամայի հեղինակ և գլխավոր պրոդյուսեր[2][3], «Աստղային ճանապարհ» հեռուստասերիալի դերասաններից։
Նանա Կագգա | |
---|---|
Ծնվել է | ապրիլի 6, 1979 (45 տարեկան) |
Ծննդավայր | Նայրոբի, Քենիա |
Քաղաքացիություն | Ուգանդա |
Կրթություն | The Red Maids' School?, Բիրմինգհեմի համալսարան և Gayaza High School? |
Մասնագիտություն | կինոպրոդյուսեր, քիմիկոս-ինժեներ, կինոռեժիսոր, դերասանուհի և սցենարիստ |
Երեխաներ | Naava Kagga? |
Եղել է Միս Ուգանդա 2018 դատավորներից[4]։
Նանա Կագգան ծնվել է 1979 թվականին Քենիայի Նաիրոբի բնակավայրում, ուգանդացի ծնողների ընտանիքում։ Ծագմամբ ուգանդացի է, Բագանդայի ցեղի ավանդական իշխող կլանի մի մասը։ Կագգան ծնողների վեց երեխաներից երրորդն է։ Երբ Կագգան ծնվեց, ծնողները գտնվում էին աքսորում նախագահ Իդի Ամինի օրոք։ Նախնական շրջանում մեծացել է Ուգանդայում, բարեկեցիկ ընտանիքում։ Նրա հայրը, մայրական կողմից պապը և չորս քույր-եղբայրները ճարտարագետներ են եղել։ Կագգան իր երեք երեխաների հետ ապրում է Կամպալայում։ Ազատ տիրապետում է անգլերենի և լուգանդայի։
Նախնական կրթությունը ստացել է Կամպալայում, այնուհետև՝ Գայազայի ավագ դպրոցում, որտեղ ստացել է O-Level: A-Level ստացել է Բրիստոլի Red Maids դպրոցում, ապա սովորել է Բիրմինգհեմի համալսարանում, որտեղից ստացել է քիմիայի ճարտարագետի բակալավրի աստիճան։ Կագգան բազմակողմանի զարգացած ուսանող էր, գերազանց առաջադիմություն ուներ գիտության, արվեստի և սպորտի բնագավառներում։ Ամառային արձակուրդների ժամանակ վերադառնում էր Ուգանդա և վարում Jam Agenda ուգանդական հեռուստաշոուն[5]։
Ավարտելուց հետո Կագգան տեղափոխվել է Ֆլորիդա, ԱՄՆ, այնուհետև՝ Նյու Մեքսիկո, ԱՄՆ։ Նյու Մեքսիկոյում աշխատել է Laguna Industries-ում որպես ԱՄՆ-ի ռազմական պայմանագրերի վրա աշխատող տեխնոլոգ[6]։
Կագգան Լոս Անջելես տեղափոխվելով զբաղվել է դերասանական գործունեությամբ, նկարահանվել է մի շարք ֆիլմերում, այդ թվում`«Կովբոյներ և հնդկացիներ» (կարճամետրաժ), «Good Day to Be Black and Sexy», «Խոստանալ, չի նշանակում ամուսնանալ», «Աստղային ճանապարհ» (2009 ֆիլմ), «C.S.I.. Հանցագործության վայրը Նյու Յորք»։ Ամերիկյան թատրոնում խաղացել է Դարրեն Դահմսիի «Ուգանդայի թիթեռնիկներ» պիեսում, որն առաջադրվել է Գունամորթ բնակչության աջակցման ազգային ասոցիացիա մրցանակի։ Կագգան հայտնվել է PINK-ի, Էմի Ուայնհաուսի, Սթինգի, Լենի Կրավիցի երաժշտական տեսահոլովակներում[7]։ Նկարահանվել է նաև տարբեր ընկերությունների գովազդային տեսահոլովակններում՝ KFC, Coors Light, Pepsi,DSW, Micro-soft, APPLE, Tylenol, DOVE[8]:
Կագգան Ուգանդա է վերադարձել 2009 թվականի վերջին և հիմնել Savannah MOON ՍՊԸ-ն (Ֆիլմերի, հեռուստատեսության, անիմացիայի և վեբ արտադրության ընկերություն)։ Savannah MOON արտադրանքի ներքո ստեղծել է «Կյանքը» լիամետրաժ ֆիլմը[9][10]։ Կամպալայի կինոդպրոցի հետ համատեղ ստեղծել են «Վերջին շունչը» կարճամետրաժ ֆիլմը։ Կագգան ստեղծել է «Դուք սահմաններ չունեք» (YAL) նախաձեռնությունը, որի նպատակն է դրդել, առաջնորդել և խրախուսել աֆրիկացիներին, հատկապես երիտասարդներին, հասնելու օգտագործելի հնարավորություններին։ Կագգան, որպես ճարտարագետ, նաև աշխատում է Ուգանդայի նավթային և գազի խոշորագույն ընկերություններից մեկում։
Տարի | Ֆիլմ | Դեր | Ռեժիսոր | Ծանոթագրություններ |
---|---|---|---|---|
2009 | Աստղային ճանապարհ | Ձեռնարկության անձնակազմի անդամ | Ջեֆրի Ջեյքոբ Աբրամս | Paramount Pictures |
Խոստանալ, չի նշանակում ամուսնանալ | Երեկույթի հյուր | Քեն Քուոպիս | Universal Pictures | |
2008 | A Good Day to Be Black and Sexy (Segment Reprise) | Քենդի | Դենիս Դորչ | Magnolia Pictures |
2007 | Collision | Անկախ Ֆիլմ | ||
Hitch-hike | Անկախ Ֆիլմ | |||
Կովբոյներ և հնդկացիներ | Հնդիկ | Կարճամետրաժ Ֆիլմ | ||
Տարի | Վերնագիր | Դեր | Ռեժիսոր | Ծանոթագրություններ |
---|---|---|---|---|
2014 | Beneath The Lies - The Series | գլխավոր դատախազ | Ջոզեֆ Քաշա Քյասի | հեռուստասերիալ, Savannah MOON Productions |
2008 | Runway Stars | հրեշտակ | Ցանցային սերիալ | |
Life (NBC հեռուստասերիալ) | գեղեցիկ սևուկ աղջիկ | հեռուստասերիալ, NBC | ||
2007 | C.S.I.. Հանցագործության վայրը Նյու Յորք | Ջոզեֆին Դելակրուա | Ջո Դանթե | հեռուստասերիալ, CBS |
2006 | BET Stars | BET | ||
Տարի | Ֆիլմ/հեռուստասերիալ | Դեր | Ծանոթագրություններ |
---|---|---|---|
ՄԵԼԱ | հեղինակ, սցենարիստ, ռեժիսոր | ցանցային սերիալ | |
2018 | Արտացոլում[13] | հեղինակ, սցենարիստ, ռեժիսոր | հեռուստասերիալ |
2016 | Վերջին շունչը | գլխավոր պրոդյուսեր | կարճամետրաժ Ֆիլմ |
2014 | Beneath The Lies - The Series[14] | հեղինակ, սցենարիստ, գլխավոր պրոդյուսեր | հեռուստասերիալ |
Ինչպես ենք դա ընկալում | հաղորդավար, ռեժիսոր, պրոդյուսեր | ուգանդական թոք շոու | |
2012 | Կյանքը | ռեժիսոր, պրոդյուսեր | լիամետրաժ Ֆիլմ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.