Մաքսիմ Հակոբյան

Մաքսիմ Անուշավանի Հակոբյան (8 օգոստոսսի 1949, գ. Վերին Հանդ, Ղափանի շրջան - 9 դեկտեմբերի, 2018^[1]), ՀԽՍՀ և ՀՀ տնտեսության գործիչ, Զանգեգուրի պղնձամոլիբդենային կոմբինատի տնօրենների խորհրդի նախագահ։

Վիքիպեդիայում կան հոդվածներ Հակոբյան ազգանունով այլ մարդկանց մասին։

Մաքսիմ Հակոբյան
Ծնվել է	օգոստոսի 8, 1949(1949-08-08)
Մահացել է	դեկտեմբերի 9, 2018(2018-12-09) (69 տարեկան)
Կրթություն	ՀԱՊՀ
Պարգևներ և մրցանակներ	և

Կրթություն

• 1967 թ. ավարտել է Քաջարանի թիվ 1 միջնակարգ դպրոցը։
• 1967-1972 թթ. սովորել և ավարտել է Երևանի պոլիտեխնիկական ինստիտուտի լեռնամետալուրգիական ֆակուլտետը՝ լեռնային ինժեների որակավորմամբ։

Աշխատանքային գործունեությունը

• 1972-1973 թթ. աշխատել է Զանգեգուրի պղնձամոլիբդենային կոմբինատում՝ որպես էքսկավատորի մեքենավարի օգնական։
• 1973-1981 թթ. աշխատել է կոմբինատում՝ լեռնային վարպետ, ապա հորատապայթեցման և էքսկավատորաբուլդոզերային տեղամասերի պետ։
• 1982-1988 թթ. աշխատել է որպես կոմբինատի լեռնային արտադրամասի գլխավոր ինժեներ։
• 1988-1994 թթ. - կոմբինատի գլխավոր ինժեների տեղակալ, անվտանգության տեխնիկայի և շրջակա միջավայրի պաշտպանության բաժնի պետ։
• 1994-1998 թթ. - աշխատել է որպես կոմբինատի գլխավոր ինժեներ։
• 1998 թվականի մայիսի 7-ին նշանակվել է Զանգեգուրի պղնձամոլիբդենային կոմբինատի գործադիր տնօրեն։
• 2003 թվականի մարտի 24-ին նշանակվել է կոմբինատի գլխավոր տնօրեն։
• 2014 թվականի մայիսից կոմբինատի տնօրենների խորհրդի նախագահն է, Սյունիքի նախկին մարզպետ Վահե Հակոբյանի հայրը։

Հասարակական գործունեություն

• 2004 թ. ընտրվել է «Մատենադարանի բարեկամներ» բարեգործական հիմնադրամի պատվավոր անդամ։
• 2006 թվականից ՀՀ հանքագործների և մետալուրգների միության նախագահն է։
• 2007 թվականից՝ «Գանձասար» ֆուտբոլային ակումբի նախագահ։

Պարգևներ

• «Հայրենիքին մատուցած ծառայությունների համար» 1-ին աստիճանի շքանշան (2014)^[2]։
• «Հայրենիքին մատուցած ծառայությունների համար» 1-ին աստիճանի մեդալ (2011)^[3]։
• Անանիա Շիրակացու մեդալ (2002)։
• Հայ Առաքելական եկեղեցու բարձրագույն պարգև «Սուրբ Գրիգոր Լուսավորիչ» շքանշան։
• «Սուրբ Մեսրոպ Մաշտոց» հուշամեդալ։
• 2005 թ. Միջազգային քաղաքականության ռուսական ակադեմիայի կողմից շնորհվել է դոկտորի գիտական աստիճան։
• Հայաստանի պետական ճարտարագիտական համալսարանի պատվավոր դոկտոր (2008)։
• Քաջարան, Կապան, Մեղրի, Ագարակ քաղաքների, Արմավիրի մարզի պատվավոր քաղաքացի է։
• 2007 թվականին ճանաչվել է «Տարվա մարդ» («Դե-ֆակտո» ամսագրի վարկածով)։

Ունի երկու որդի, չորս թոռ։ Անկուսակցական է։

Ծանոթագրություններ

1. Մահացել է Մաքսիմ Հակոբյանը
2. Մ. Ա. ՀԱԿՈԲՅԱՆԻՆ «ՀԱՅՐԵՆԻՔԻՆ ՄԱՏՈՒՑԱԾ ԾԱՌԱՅՈՒԹՅՈՒՆՆԵՐԻ ՀԱՄԱՐ» 1-ԻՆ ԱՍՏԻՃԱՆԻ ՇՔԱՆՇԱՆՈՎ ՊԱՐԳԵՎԱՏՐԵԼՈՒ ՄԱՍԻՆ
3. Հայաստանի Հանրապետության մեդալներով պարգևատրելու մասին