From Wikipedia, the free encyclopedia
Մարովակ (անգլ.՝ Markrow), առաջին սերնդի հող տեսակի պոկեմոն, որը պոկեմոնների դասական ցանկում (հավաքագրված է պոկեդեքսում) հաշվառված է #105 կարգաթվի ներքո։ Համարվում է «Պոկեմոն» ապրանքանիշի մանգայի և անիմեի կերպար։ Մարովակը ներկայացված է որպես քարանձավաբնակ արարած, որն աչքի է ընկնում իր նախնադարյան կերպարանքով և հատկապես՝ ոսկրային գլխով և բումերանգով։ Հանդիպում է քարանձավային վայրերում՝ մարդկային բնակավայրերից հեռու և վարում մենակյաց կենսակերպ։
 | |
| Marowak* | |
|---|---|
| Պոկեմոնների ազգային ցանկում | |
 | |
| Մարովակը հարվածային դիրքում | |
| Կերպարապես | քարանձավաբնակ արարած |
| Կարգաթիվ | #105 |
| Պոկեդեքսում | Պոկեմոնների ազգային ցանկում |
| Կենդանու տեսակ | բիպեդալյան դինոզավր |
| Տեսակ |  Ալոլան տարբերակով՝   |
| Զանգված | 45 կգ |
| Հասակ | 1 մ |
| Արտաքին բնութագրիչ | քարանձավային կերպարանք |
| Գլխավոր առանձնահատկություն | նախնադարյան ոսկոր |
| Հիմնական բնակավայր | քարանձավներ |
| Նախասիրություն | որոնողական կենսակերպ |
| Տեխնիկա | |
| Զարգացման մակարդակ | երկրորդ մակարդակ |
| Սկզբնական մակարդակ | Քյուբոն (#104) |
| Զարգացած մակարդակ | Մարովակ (#105) |
| Գերզարգացած մակարդակ | բացակայում է |
| Զարգացման ձև | մակարդակ 28 (Ալոլանի զարգացումը՝ երեկոյան) |
| Հատկությունների փոփոխություն | հատկությունները չեն փոխվում |
| Տեխնիկական հնարքներ | «քար-գլուխ» (rock head) «լուսարձակող ոսկոր» (lighting rod) |
| Գլխավոր տեխնիկա | պաշտպանություն (110%) |
| Թուլություն |    |
| Պոկեմարզիչ |  Կիավ |
| * Անվանումը պոկեմոնների պաշտոնական ցանկում ** Պոկեմոններն ըստ դասակարգման կարգաթվերի | |
Պոկեմոններ  տեղեկաքարտ | |
Մարովակը Քյուբոնի (կարգաթիվը՝ #104) զարգացման երկրորդ (վերին) մակարդակն է։ Վերջինս կարող է զարգանալ մակարդակ 28-ում, սակայն էվոլյուցիայի ընթացքում հատկությունները մեծապես չեն փոխվում։
Պոկեմոնի նոր եթերաշրջանի Ալոլան երկրամասում Մարովակը ունի նոր ենթատեսակ։ Այդ երկրամասի Մարովակը Քյուբոնից զարգանում է բացառապես գիշերվա ժամերին, իսկ էվոլյուցիայի ընթացքում գրեթե ամբողջությամբ փոխում է տեսակային հատկությունները։ Վերջինս կրակ և ուրվական տեսակի պոկեմոն է և համարվում է սամոական մշակույթում տարածված հրե հարձակում կատարող էակի կերպարավորում։
Մարովակը քարանձավաբնակ պոկեմոն է, որն ունի տարօրինակ արտաքին կառուցվածք։ Փորի հատվածում գունավորումը շատ թույլ է, չնայած նրան, որ առհասարակ մաշկը մուգ շագանակագույն է։ Ձեռքերից յուրաքանչյուրն ունի երկուական խոշոր եղունգ, որը ծառայում է որոշ դեպքերում։ Մարովակի արտաքնի գլխավոր կառուցվածքային առանձնահատկությունը վերջինիս գլուխը պատյանող ոսկրային գանգատուփն է, որը սերտաճել է որպես վերջինիս բնական «դիմակ»։ Ժամանակի ընթացքում ոսկրային դիմակը դարձել է վերջինիս ֆիզիոլագիական կառուցվածքի անբաժանելի մասը և դա է պատճառը, որ ցանկությամբ դեպքում անգամ Մարովակը չի կարող հեռացնել այն։ Մարովակը հատկապես հայտնի է իր երկու նշանավոր տեխնիկաներով, որոնք են «ոսկորների ակումբ»-ն ու «բոնեմերանգ»-ը։ Ի դեպ, որևէ այլ սերնդի ոչ մի պոկեմոն, բացառությամբ իր նախորդ զարգացում Քյուբոնի, չի տիրապետում այս տեխնիկական հնարքին։
Էվոլյուցիայի ընթացքում Մարովակը հաղթահարում է իր մոր կարոտի վիշտը (որը անիմեում նկատվում է Քյուբոնի մոտ) և վերածվում կատաղի, ուժեղ և խելացի մարտիկի, ով իր ձեռքի ոսկորն օգտագործում է որպես գլխավոր զենք և բումերանգ։ Էվոլյուցիայից հետո Մարովակն ամեն կերպ ցանկանում է վրեժ լուծել իր բնական թշնամի համարվող Մանդիբուզից, քանի որ շատ ժամանակ Քյուբոնը (Մարովակի սկզբնական զարգացումը) դառնում է վերջինիս որսը։ Մարովակը ամենամենակյաց պոկեմոններից է։ Վերջիններս ապրում են քարանձավային վայրերում, հաճախ միայնակ մեռներում, որտեղ էլ զարգացնում են իրենց հմտույթւոնները[1]։
Ալոլա երկրամասում Մարովակի առջև առկախ գլխավոր խնդիրը ոչ թե Մանդիբուզն էր, այլև խոտ տեսակի պոկեմոնների չափազանց մեծ բազմազանությունը։ Եվ հենց այս պատճառներն էլ ստիպում են Մարովակին մերձենալ այլ պոկեմոնների հետ, որի արդյունքում էլ ի հայտ է գալիս նոր ենթատեսակ։ Ալոլան Մարովակը գցում է ոսկորը՝ փոխարենը վերցնելով հրե հարձակվողական մական[2]։ Այս տեսակը մասնագիտանում է տեխնիկայի մեջ՝ կատարելագործելով հարձակվողական կարողությունները։ Ալոլային Մարովակի մարմինը ամբողջությամբ գրեթե սև է, գանգն ու փորի հատվածն ունեն սևից փոքր-ինչ բաց գունավորում։ Ճակատային հատվածում ունի հատուկ նշան։ Ալոլային Մարովակը միակ հայտնի պոկեմոնն է, որը տիրապետում է «ստվերային ոսկոր» տեխնիկային[1]։
Մարքրոուը առաջին սերնդի ամենահզոր պաշտպանություն ունեցող պոկեմոններից մեկն է, որը միաժամանակ ունի նաև գրոհի բարձր ուժգնություն և բավականաչափ մեծ արագություն։ Տեխնիկական հնարավորությունների շարքում առաջատար են հարձակումն ու հատուկ պաշտպանությունը։ Արագության ցուցանիշը չի գերազանցում որը չի գերազանցում 45-ի շեմը։
Ստորև ներկայացված է Մարքրոուի տեխնիկական հնարավորությունների թվային պատկերը․
Մարովակը զարգացման երկու մակարդակ ունեցող պոկեմոն է։ Վերջինիս սկզբնական տարբերակը Քյուբոնն է, որը կերպարապես բավականաչափ նման է Մարովակին։ Զարգացման ընթացքում տեսակային հատկությունները ընդհանրապես չեն փոխվում։ Քյուբոնն ունի նաև այլընտրանքային զարգացում, քանզի գիշերային ժամերին մեծ հավանականությամբ վերջինս կարող է փոխակերպվել Ալոլան Մարովակի, որն ունի կրակ և ուրվական պոկեմոնի տեսակային առանձնահատկություններ և տեխնիկակական հնարավորություններ։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
